അമ്പരത്തോടെ ലോക രാജ്യങ്ങള്... അഫ്ഗാനിസ്ഥാനിലെ കാഴ്ചകള് ഹൃദയം തകര്ക്കുന്നത്; ചൈന കൂടി പിന്തുണച്ചതോടെ സജീവ ചര്ച്ചയായി താലീബാന്; അഫ്ഗാനിസ്ഥാന്റെ ഭാവിയെന്താകും?
ലോകമെങ്ങും ചര്ച്ച ചെയ്യുന്ന വിഷയമാണ് താലീബാന്. ഈ അവസരത്തില് താലീബാനെ കുറിച്ച് അറിയുന്നത് നന്നായിരിക്കും. അഫ്ഗാനിസ്ഥാനില് അധികാരം പിടിച്ചടക്കിയതിന് പിന്നാലെ ഇസ്ലാമിക് റിപ്പബ്ലിക് ഓഫ് അഫ്ഗാനിസ്ഥാന് എന്നതിന് പകരം ഇസ്ലാമിക് എമിറേറ്റ്സ് ഓഫ് അഫ്ഗാനിസ്ഥാന് എന്ന് താലിിബാന് പേര് മാറ്റിയിരുന്നു. ആരാണ് താലിബാന്, എന്താണ് അവരുടെ ആവശ്യം അറിയാം
പാഷ്തൂണ് ഭാഷയില് ''വിദ്യാര്ത്ഥികള്'' എന്നര്ഥമുള്ള വാക്കാണ് 'താലിബാന്'. 1994 ല് തെക്കന് അഫ്ഗാന് നഗരമായ കാണ്ഡഹാറിന് ചുറ്റുമുള്ള മേഖലകളില് 'താലിബാന്' ഉയര്ന്നുവന്നു. സോവിയറ്റ് യൂണിയന് പിന്വാങ്ങിയതോടെ രാജ്യത്തുണ്ടായ ഭരണകൂട തകര്ച്ചയെത്തുടര്ന്ന് രാജ്യത്തിന്റെ നിയന്ത്രണത്തിനായി ആഭ്യന്തരയുദ്ധം നടത്തുന്ന വിഭാഗങ്ങളിലൊന്നായിരുന്നു അത്.
1994 ലാണ് താലിബാന് രൂപീകൃതമായത്. 1980കളില് അമേരിക്കന് വിന്തുണയോടെ സോവിയറ്റ് സൈന്യത്തെ ആക്രമിച്ച മുജഹിദ്ദീന് എന്നറിയപ്പെടുന്ന മുന് അഫ്ഗാന് പോരാളികളാണ് ഇതിന് രൂപം നല്കിയത്. ഇസ്ലാമിക് നിയമങ്ങള് രാജ്യത്ത് അടിച്ചേല്പ്പിക്കുകയും വിദേശ സ്വാധീനം ഇല്ലാതാക്കുകയുമായിരുന്നു അവരുടെ ലക്ഷ്യം.
രണ്ട് വര്ഷത്തിനുള്ളില്, താലിബാന് രാജ്യത്തിന്റെ ഭൂരിഭാഗവും സ്വന്തമാക്കി, 1996 ല് ഇസ്ലാമിക നിയമത്തിന്റെ കടുത്ത വ്യാഖ്യാനങ്ങള് അധിഷ്ടിതമാക്കി അവര് ഒരു ഇസ്ലാമിക് എമിറേറ്റ് പ്രഖ്യാപിച്ചു. കാബൂള് പിടിച്ചടക്കിയതിന് പിന്നാലെ കര്ശന സ്ത്രീ വിരുദ്ധ നിയമങ്ങള് അവിടെ നടപ്പിലാക്കി. സ്തീകള് ബുര്ക്ക മാത്രമേ ധരിക്കാവു, പഠിക്കാനോ, ജോലി ചെയ്യാനോ സാധ്യമല്ല, ഒററക്ക് യാത്ര ചെയ്യാന് കഴിയില്ല, ടെലിവിഷന്, സംഗീതം, മറ്റു ആഘോഷ്ങ്ങള് ചുടങ്ങിയവയ്ക്കെല്ലാം അവര് നിരോധനം ഏര്പ്പെടുത്തി. അതേ സമയം മറ്റ് മുജാഹിദ്ദീന് ഗ്രൂപ്പുകള് രാജ്യത്തിന്റെ വടക്ക് ഭാഗത്തേക്ക് പിന്വാങ്ങുകയും ചെയ്തു.
2001 സെപ്റ്റംബര് 11ന് യുഎസില് നടന്ന അല്ഖയ്ദ ആക്രമണത്തെ തുടര്ന്ന് അതേ വര്ഷം നവംബറില് യുഎസ് പിന്തുണയുള്ള സൈന്യം അഫ്ഗാനിന്റെ വടക്കുഭാഗത്തു നിന്ന് കാബൂളിലേക്ക് നീങ്ങി. സേനയുടെ വ്യോമാക്രമണവും അന്ന് നടന്നു. 19 പേര് ചേര്ന്ന് നാല് യു.എസ് വാണിജ്യ വിമാനങ്ങള് തട്ടിയെടുത്തു. ഇതില് രണ്ടെണ്ണം വേള്ഡ് ട്രേഡ് സെന്ററിലേക്ക് ഇടിച്ചു കയറ്റി. അക്രമണത്തില് 2000ല് അധികം ആളുകളാണ് കൊല്ലപ്പെട്ടത്.
പീന്നീട് താലിബാന് വിദൂര പ്രദേശങ്ങളിലേക്ക് നിങ്ങി. അവിടെ അഫ്ഗാന് സര്ക്കാരിനും പാശ്ചാത്യ സഖ്യകക്ഷികള്ക്കുമെതിരെ 20 വര്ഷം നീണ്ട കലാപം ആരംഭിച്ചു.
മുല്ല മുഹമ്മദ് ഒമര് ആയിരുന്നു താലിബാന്റെ സ്ഥാപകനും ആദ്യ നേതാവും. താലിബാനെ അട്ടിമറിച്ച ശേഷം മുല്ല മുഹമ്മദ് ഒമര് ഒളിവില് പോയിരുന്നു. 2013 ല് മുല്ല മുഹമ്മദ് ഒമറിന്റെ മരണം സംഭവിച്ചെങ്കിലും രണ്ട് വര്ഷത്തിന് ശേഷം മാത്രമാണ് മകന് അത് സ്ഥിരീകരിച്ചത്.
അഞ്ചുവര്ഷത്തെ ഭരണകാലത്ത്, താലിബാന് ശരീഅത്ത് നിയമത്തിന്റെ കര്ശനമായ പതിപ്പാണ് നടപ്പിലാക്കിയത്. സ്ത്രീകള് ജോലി ചെയ്യുന്നതും പഠിക്കുന്നതും വിലക്കി. ഒരു പുരുഷ രക്ഷകര്ത്താവിനൊപ്പം അല്ലെങ്കില് സ്ത്രീകള് പുറത്തിറങ്ങരുതെന്നും താലിബാന് ഭരണത്തില് നിബന്ധനയുണ്ടായിരുന്നു.
പരസ്യമായി വധശിക്ഷകളും ചാട്ടവാറടികളും സാധാരണമായിരുന്നു. പാശ്ചാത്യ സിനിമകളും പുസ്തകങ്ങളും നിരോധിച്ചു, ഇസ്ലാമിന് കീഴില് ദൈവനിന്ദയായി കാണപ്പെടുന്ന സാംസ്കാരിക കലാരൂപങ്ങള് നശിപ്പിക്കപ്പെട്ടു.താലിബാന് ഇതിനകം നിയന്ത്രിക്കുന്ന മേഖലകളില് ഈ ഭരണരീതി മടക്കിക്കൊണ്ടുവരാന് ആഗ്രഹിക്കുന്നു എന്നാണ് അവരെ എതിര്ക്കുന്നവരും പാശ്ചാത്യ രാജ്യങ്ങളും ആഗ്രഹിക്കുന്നത്. എന്നാല് എതിരാളികളും പാശ്ചാത്യ രാജ്യങ്ങളും ഉന്നയിക്കുന്ന ആ വാദം താലിബാന് നിഷേധിക്കുന്നു.
അമേരിക്കയും ഐക്യരാഷ്ട്രസഭയും താലിബാനെതിരെ ഉപരോധം ഏര്പ്പെടുത്തിയിരുന്നു. മിക്ക രാജ്യങ്ങളും ഈ സംഘത്തെ നയതന്ത്രപരമായി അംഗീകരിക്കുമെന്നതിന് സൂചനകള് നല്കിയിട്ടുമില്ല. ചൈന പോലുള്ള മറ്റ് രാജ്യങ്ങള് താലിബാനെ നിയമാനുസൃതമായ ഭരണമായി അംഗീകരിക്കുമെന്ന് സൂചന നല്കാന് തുടങ്ങിയിട്ടുണ്ട്.
https://www.facebook.com/Malayalivartha
