തരൂര് പറഞ്ഞ് തീരും മുമ്പ്... കണ്ണൂരില് പിടിയിലായ യുവതികളെപ്പറ്റി കൂടുതല് വെളിപ്പെടുത്തലുമായി എന്ഐഎ; ഐസിസില് ചേരാന് പദ്ധതിയിട്ടു, സിറിയയില് പോകാന് ടെഹ്റാന് വരെ എത്തി; ഇവര്ക്ക് ഐസിസുമായി അടുത്തബന്ധം
താലീബാന് വീഡിയോയില് മലയാളി സാന്നിധ്യം ശശി തരൂര് വെളിപ്പെടുത്തി മണിക്കൂറുകള്ക്കുള്ളില് കേരളത്തില് വലിയൊരു സംഭവം ഉണ്ടായിരിക്കുകയാണ്. ഇന്ത്യയില് ഐസിസിന് വേണ്ടി സോഷ്യല് മീഡിയ വഴി പ്രചാരണം നടത്തിയ കേസില് കണ്ണൂരില് രണ്ട് യുവതികള് അറസ്റ്റിലായി.
ഈ യുവതികള് ഐസിസില് ചേരാന് പദ്ധതിയിട്ടിരുന്നതായി എന്.ഐ.എ. വെളിപ്പെടുത്തി. ഇവര്ക്ക് ഐസിസുമായി അടുത്തബന്ധമുണ്ടെന്നാണണ് എന്.ഐ. എ പറയുന്നത്.
കണ്ണൂര് താണ സ്വദേശികളായ ഷിഫാ ഹാരിസ്, മിഷ്ഹ സിദ്ദിഖ് എന്നിവരാണ് പിടിയിലായത്. മിഷ്ഹ സിദ്ധീഖ് സിറിയയിലേക്കുള്ള യാത്രയില് ഇറാനിലെ ടെഹ്റാന് വരെ എത്തിയെന്നാണ് എന്.ഐ.എ പറയുന്നത്. മുഷാബ് അന്വര്, ഷിഫ ഹാരിസ് എന്നിവരെ ഐസിസിലേക്ക് അടുപ്പിച്ചത് മിഷ്ഹയാണ്. മിഷ്ഹ കശ്മീരിലിലുള്ള കൂട്ടാളികള്ക്ക് ഐസിസ് പ്രവര്ത്തനങ്ങള്ക്ക് പണം അയച്ചു നല്കി. കാശ്മീരിലേക്ക് പോകാനായിരുന്നു ഷിഫ ഹാരിസിന്റെ പദ്ധതിയെന്നും എന്ഐഎ പറയുന്നു
ഏഴ് പേരടങ്ങുന്ന മലയാളി സംഘം ഭീകര പ്രവര്ത്തനങ്ങള്ക്കായി കാശ്മീരില് പോകാന് പദ്ധതി ഇട്ടിരുന്നു. ഡല്ഹിയില് നിന്നെത്തിയ എന്.ഐ.എ സംഘം ഇന്നലെ അതിരാവിലെ രഹസ്യമായാണ് കണ്ണൂര് താണയിലെ വീട്ടില് നിന്നും ഷിഫാ ഹാരിസ്, മിഷ്ഹ സിദ്ദിഖ് എന്നിവരെ അറസ്റ്റ് ചെയ്തത്. കണ്ണൂരിലെ മജിസ്ട്രേറ്റ് കോടതിയില് ഹാജരാക്കി പ്രതികളെ ട്രാന്സിറ്റ് കസ്റ്റഡിയില് വാങ്ങി.
യുവതികള് ക്രോണിക്കിള് ഫൗണ്ടേഷന് എന്ന പേരില് ഗ്രൂപ്പുണ്ടാക്കി സമൂഹമാദ്ധ്യമത്തിലൂടെ ഐസിസിനായി ആശയപ്രചാരണം നടത്തിയെന്നാണ് എന്.ഐ.എ പറയുന്നത്. കൊച്ചി യൂണിറ്റിനെ പോലും അറിയിക്കാതെയാണ് ഡല്ഹി സംഘം കണ്ണൂരിലെത്തി അറസ്റ്റ് ചെയ്തത്.
കഴിഞ്ഞ മാര്ച്ച് മുതല് യുവതികള് എന്.ഐ.എ നിരീക്ഷണത്തിലായിരുന്നു. താണയിലെ ഇവരുടെ വീട്ടില് നേരത്തെ എന്.ഐ.എ നടത്തിയ റെയ്ഡില് ലാപ്ടോപ്, മൊബൈല് ഫോണുകള്, ഹാര്ഡ് ഡിസ്ക്, പെന്ഡ്രൈവ് എന്നിവ പിടിച്ചെടുത്തിരുന്നു. ആറു മാസത്തിലധികം നീണ്ട അന്വേഷണത്തിലാണ് യുവതികളെ പിടികൂടിയത്. ഇവരുടെ കൂട്ടാളി മുസാദ് അന്വര് നേരത്തെ അറസ്റ്റിലായിരുന്നു. സംഘാംഗമായ അമീര് അബ്ദുള് റഹ്മാനെ മംഗലാപുരത്ത് നിന്ന് ആഗസ്റ്റ് നാലിന് അറസ്റ്റ് ചെയ്തെന്നാണ് സൂചന.
താണയിലെ ഇവരുടെ ബന്ധു വീട്ടില് നടത്തിയ റെയ്ഡില് എന്.ഐ.എ നോട്ടീസ് നല്കിയ യുവാവിനെയും യുവതിയെയും കഴിഞ്ഞ മാര്ച്ചില് അറസ്റ്റ് ചെയ്തിരുന്നു. അറസ്റ്റിലായ യുവതി ഐസിസില് ചേരാന് സിറിയയിലേക്ക് പോകുന്നതിനിടെ ടെഹ്റാന് എയര്പോര്ട്ടില് വച്ച് ഇറാക്ക് സൈന്യം പിടികൂടി തിരികെ ഇന്ത്യയിലേക്ക് അയച്ചതാണ്. അറസ്റ്റിലായ ഷിഫ ഹാരിസിനും മിസ്ഹ സിദ്ദിഖിനും നേരത്തേ പിടിയിലായവരുമായി ബന്ധമുണ്ടെന്ന് തെളിഞ്ഞിരുന്നു.ഇവര് കണ്ണൂരില് താമസിച്ച് കേരളത്തിലടക്കം ഐസിസ് റിക്രൂട്ട്മെന്റ് നടത്തുന്ന ഏജന്റാണെന്നാണ് എന്.ഐ.എയുടെ കണ്ടെത്തല്.
ആഗസ്റ്റ് ആദ്യത്തില് കേരളത്തില് നിന്ന് ഐസിസിലേക്ക് റിക്രൂട്ട്മെന്റ് നടത്തിയ കേസില് അഞ്ച് പേരെ കൂടി എന്.ഐ.എ അറസ്റ്റ് ചെയ്തിരുന്നു. ബംഗളുരുവില് നിന്ന് മൂന്ന് പേരും ജമ്മുവില് നിന്ന് രണ്ട് പേരുമാണ് അറസ്റ്റിലായത്. ദീപ്തി മര്ല, മുഹമ്മദ് അമര്, എസ് മഥേഷ് എന്നിവരാണ് ബംഗളുരുവില് അറസ്റ്റിലായത്. ഹമ്മീദ്, ഹസ്സന് എന്നിവരെ ജമ്മുവില് നിന്ന് അറസ്റ്റ് ചെയ്തു.
മംഗളുരു അടക്കം രാജ്യത്തെ വിവിധയിടങ്ങളില് എന്.ഐ.എ നേരത്തെ പരിശോധന നടത്തിയിരുന്നു. ഇവരില് നിന്ന് ഡിജിറ്റല് രേഖകളും പിടിച്ചെടുത്തിരുന്നു. കര്ണാടക മുന് എം.എല്.എ ഇദ്ദീനബ്ബയുടെ വസതിയിലും എന്.ഐ എ പരിശോധന നടത്തി. അതിന് പിന്നാലെയാണ് യുവതികളുടെ അറസ്റ്റ്.
"
https://www.facebook.com/Malayalivartha
