ഫാത്തിമ തഹ് ലിയക്ക് ബി.ജെ.പിയിലേക്ക് ക്ഷണം; ഫോണില് വിളിച്ച് ബി.ജെ.പിയിലേക്ക് സ്വാഗതം ചെയ്തത് സുരേഷ് ഗോപി എം.പി, ഏവരെയും ഞെട്ടിച്ച് മറുപടി
എം.എസ്.എഫ് ദേശീയ വൈസ് പ്രസിഡന്റ് പദവിയില് നിന്ന് നീക്കപ്പെട്ട ഫാത്തിമ തഹ് ലിയക്ക് ബി.ജെ.പിയിലേക്ക് ക്ഷണം ലഭിച്ചതായി റിപ്പോർട്ട്. സുരേഷ് ഗോപി എം.പിയാണ് നേരിട്ട് ഫോണില് വിളിച്ച് ബി.ജെ.പിയിലേക്ക് സ്വാഗതം ചെയ്തത് എന്നാണ് ലാബിഭ്യമാകുന്ന വിവരം. പ്രധാനമന്ത്രി നരേന്ദ്ര മോദിയുമായി കൂടിക്കാഴ്ചക്ക് അവസരം ഒരുക്കാമെന്നും സുരേഷ് ഗോപി വാഗ്ദാനം ചെയ്യുകയുണ്ടായി.
അതോടൊപ്പം തന്നെ ബി.ജെ.പിയില് ചേരുന്നതിനെ കുറിച്ച് ആലോചിക്കാന് പോലും കഴിയില്ലെന്ന് ഫാത്തിമ മറുപടി നല്കി.
അതേസമയം എം.എസ്.എഫ് സംസ്ഥാന പ്രവര്ത്തക സമിതി യോഗത്തില് പ്രസിഡന്റ് പി.കെ നവാസ് അശ്ലീല പരാമര്ശം നടത്തിയെന്ന് കാണിച്ച് പരാതി നല്കിയ ഹരിത ഭാരവാഹികളെ പിന്തുണച്ചു കൊണ്ട് ഫാത്തിമ തഹ്ലിയ രംഗത്തെത്തുകയുണ്ടായി. ഇതേതുടര്ന്ന് എം.എസ്.എഫ് ദേശീയ വൈസ് പ്രസിഡന്റ് സ്ഥാനത്ത് നിന്ന് അവരെ കഴിഞ്ഞ ദിവസം നീക്കുകയും ചെയ്തു.
ദേശീയ വൈസ് പ്രസിഡന്റ് സ്ഥാനത്തു നിന്ന് നീക്കിയ അവര് പാര്ട്ടി മാറുമെന്ന തരത്തില് വ്യാപക പ്രചരണമുണ്ടായിരുന്നു. ഇതെല്ലാം നിഷേധിച്ചു കൊണ്ട് ഫാത്തിമ തഹ്ലിയ രംഗത്തെത്തിയിരിന്നു.
https://www.facebook.com/Malayalivartha
