ക്രിസ്മസിന് മലയാളി കുടിച്ചു തീര്‍ത്തത് 333 കോടിയുടെ മദ്യം. കഴിഞ്ഞവര്‍ഷത്തേക്കാള്‍ 53 കോടി രൂപയുടെ അധിക വില്‍പ്പനയാണ് നടന്നത്. ക്രിസ്മസ് തലേന്ന് വിറ്റത് 224 കോടിയുടെ മദ്യം. ക്രിസ്മസിനും തൊട്ടുമുന്‍പുള്ള മൂന്നു ദിവസങ്ങളിലുമായി കേരളത്തില്‍ വിറ്റഴിച്ചത് 791 കോടിയുടെ മദ്യമാണ്.

ക്രിസ്മസ് കാലത്തെ റെക്കോര്‍ഡ് വില്‍പ്പനയാണിതെന്ന് വെബ്‌കോ എംഡി ഹര്‍ഷിത അട്ടല്ലൂരി വ്യക്തമാക്കി. ഇക്കഴിഞ്ഞ ഓണക്കാലത്ത് 10 ദിവസം കുടിച്ചുതീര്‍ത്തത് 921 കോടി രൂപയുടെ റെക്കോര്‍ഡ് മദ്യമാണ്. 70 കോടി മദ്യക്കുപ്പികളാണ് പ്രതിവര്‍ഷം ശരാശരി വിറ്റഴിക്കുന്നത്.