അപകടത്തില്പ്പെട്ടയാള് റോഡരികില് കിടന്നത് മണിക്കൂറുകളോളം.... ഒടുവില് ദാരുണാന്ത്യം
അപകടത്തില്പ്പെട്ടയാള് റോഡരികില് കിടന്നത് മണിക്കൂറുകളോളം.... ഒടുവില് ദാരുണാന്ത്യം. ഏറ്റുമാനൂരില് അപകടത്തില് പെട്ട് യുവാവ് കിടന്നത് മണിക്കൂറുകളോളം. അപകടത്തെ തുടര്ന്ന് സുഹൃത്ത് വഴിയില് ഉപേക്ഷിച്ച യുവാവിനാണ് ദാരുണാന്ത്യമുണ്ടായത്.
അതിരമ്പുഴ സ്വദേശി ബിനു ആണ് മരിച്ചത്. രാത്രി 12 ഓടെയായിരുന്നു ബിനുവും സുഹൃത്തും യാത്രചെയ്ത ഓട്ടോ അപകടത്തില്പ്പെട്ടത്. തുടര്ന്ന് ബിനുവിനെ വഴിയരികില് കിടത്തിയശേഷം സുഹൃത്ത് ഓട്ടോയുമായി കടന്നു . ബിനുവിന് അപസ്മാരം ഉണ്ടായിരുന്നതായാണ് വിവരം.
സംഭവത്തിന്റെ സിസിടിവി ദൃശ്യങ്ങള് ലഭിച്ചിട്ടുണ്ട്. ഏറ്റുമാനൂര് പൊലീസ് സ്റ്റേഷന് സമീപമായിരുന്നു അപകടം നടന്നത്. നാട്ടുകാര് വന്ന് ഓട്ടോ ഉയര്ത്തി ബിനുവിനെ അതില്തന്നെ കിടത്തി. എന്നാല് ആശുപത്രിയിലെത്തിക്കാന് ആരും തയ്യാറായില്ല.
അപകടസ്ഥലത്ത് നിന്ന് ഓട്ടോയില്ത്തന്നെ മുന്നോട്ട് പോയശേഷം ബിനുവിനെ സുഹൃത്തായ ഓട്ടോ ഡ്രൈവര് വഴിയില് കട വരാന്തയില് കിടത്തുകയായിരുന്നു.
പിന്നീട് ഇയാള് ഓട്ടോയുമായി പോകുന്നതും ദൃശ്യങ്ങളില് കാണാം. രാവിലെ നാട്ടുകാര് അറിയിച്ചതിന്റെ അടിസ്ഥാനത്തില് ഫയര്ഫോഴ്സ് എത്തി 8.30ഓടെ ആശുപത്രിയിലേക്ക് മാറ്റിയെങ്കിലും മരണം സംഭവിച്ചിരുന്നു.
https://www.facebook.com/Malayalivartha