പുരാവസ്തുക്കളുടെ പേരില്‍ കോടികളുടെ തട്ടിപ്പ് നടത്തിയ മോന്‍സന്‍ മാവുങ്കലുമായി നടൻ ബാലയ്ക്ക് അടുത്ത ബന്ധമുണ്ടെന്ന് പുറത്ത് വന്നതിന് പിന്നാലെ ഇതുമായി ബന്ധപ്പെട്ട് ഒരു ചാനലിൽ നടന്ന ചർച്ചയ്ക്കിടെ പരസ്പ്പര ബന്ധമില്ലാതെ സംസാരിച്ച് താരം.

അറസ്റ്റിലായ വ്യക്തി തട്ടിപ്പുകാരനാണെന്ന് ബോധ്യമായില്ലേ എന്നായിരുന്നു അവതാരകന്‍ ചോദിച്ചത്. 

അതിന് ഒരു ബന്ധമില്ലാത്ത കാര്യങ്ങളാണ് ബാല മറുപടി പറഞ്ഞത്.

തമിഴില്‍ അണ്ണാത്തെ എന്ന രജനികാന്ത് പടം ചെയ്തുകൊണ്ടിരിക്കുകയാണ് താന്‍. 240 കോടി രൂപയുടെ ബഡ്ജറ്റ് ആണ് ഇതിന്.

അതില്‍ താന്‍ വില്ലന്‍ ആണ്. താന്‍ ആ കാര്യത്തില്‍ ശ്രദ്ധിക്കാനോ അതോ ഇതില്‍ ശ്രദ്ധിക്കണോ? ഇതായിരുന്നു ബാല നല്‍കിയ മറുപടി.

ഇടയ്ക്ക് എലിസബത്തിനെ വിളിച്ചിരുത്തുകയും ചെയ്തു. എന്‍റെ വൈഫ് ഇവിടെയുണ്ട്. അവള്‍ എല്ലാം കാണുന്നുണ്ട്.

എന്‍റെ അമ്മ അടുത്ത മുറിയില്‍ ഉണ്ട്. ഇതെല്ലാം തങ്ങളുടെ വിധിയാണ്.

എന്‍റെ കമ്മിറ്റ് മെന്റ് ദൈവത്തോടാണ് മനുഷ്യന്മാരോട് അല്ല എന്നാണ് ബാല പറഞ്ഞത്.

ഇതിനോടകം തന്നെ താരത്തിന്റെ ഈ പെരുമാറ്റം സോഷ്യൽ മീഡിയയിൽ ചർച്ചയായി കഴിഞ്ഞു.