'പുരാവസ്തു ശേഖരം കാണാനാണ് മഹാന്മാരും മഹതികളും പോയതെന്ന് നിഷ്ക്കളങ്കരേ നിങ്ങള് കരുതുന്നുണ്ടോ? മയക്കുമരുന്ന്, സ്വര്ണ്ണം ഇവയ്ക്കൊപ്പമോ അതിനേക്കാള് മേലെയോ വിലപിടിപ്പു ള്ളതോ ആണ് ലോക മാര്ക്കറ്റില് പുരാവസ്തുക്കള്. അതിന് മോഹവിലയാണ്...' മോന്സന്റെ തട്ടിപ്പില് വീണവരെ പരിഹസിച്ച് സംവിധായകന് ജോണ് ഡിറ്റോ
പുരാവസ്തുക്കളുടെ പേരില് തട്ടിപ്പ് നടത്തിയ മോന്സൺ മാവുങ്കലിന്റെ കൂടുതൽ വിവരങ്ങൾ നാൾക്കുനാൾ പുറത്തുവരികയാണ്. ഇതിനോടൊപ്പം തന്നെ ഉന്നത പോലീസ് ബന്ധവും സിനിമാ ബന്ധവുമൊക്കെ ഏറെ ചർച്ചയാവുകയാണ്. ഇപ്പോഴിതാ മോന്സന്റെ തട്ടിപ്പില് വീണവരെ പരിഹസിച്ച് സംവിധായകന് ജോണ് ഡിറ്റോ രംഗത്ത് എത്തിയിരിക്കുകയാണ്.
മോണ്സന്റേത് ഒരു സിനിമാ സെറ്റാണെന്നും വീട്ടില് വരുന്ന ശ്രീനിവാസനെപ്പോലുള്ള തിരുമണ്ടന്മാരെ അത്ഭുതപ്പെടുത്താനാണ് ഈ കാഴ്ച വസ്തുക്കളെല്ലാമെന്നും അദ്ദേഹം തന്റെ ഫേസ്ബുക്കിൽ കുറിക്കുകയുണ്ടായി. പുരാവസ്തു ശേഖരം കാണാനാണ് മഹാന്മാരും മഹതികളും പോയതെന്ന് നിഷ്ക്കളങ്കരേ നിങ്ങള് കരുതുന്നുണ്ടോയെന്ന് ജോണ് ഡിറ്റോ ചോദിക്കുകയുണ്ടായി. ഇദ്ദേഹത്തിന്റെ ഫേസ്ബുക്ക് പോസ്റ്റ് സമൂഹമാധ്യമങ്ങളിൽ വൈറലാകുകയാണ്.
ജോണ് ഡിറ്റോയുടെ ഫേസ്ബുക്ക് പോസ്റ്റ്:
മോണ്സന്റെ കൂട്ടുകാരി. അനിത പുല്ലയില് എന്ന ഇറ്റാലിയന് പൗരത്വമുള്ളയാള്. അവരെ കൈകൂപ്പുന്ന മുഖ്യമന്ത്രി. പ്രവാസി സംഘടനയുടേയും ലോകകേരള സഭയുടേയും അംഗം. ശബരിമലയില് ആചാര ലംഘനത്തിന് ചരിത്രപിന്തുണ നല്കാന് മോണ്സന്റെ ചെമ്ബോല . 24 News Exclusive.. ഒരു വമ്ബനെത്തൊട്ടപ്പോള് ഒറ്റരാത്രി കൊണ്ട് മോണ്സന് ബാധ്യതയായി. മാധ്യമവാര്ത്തകള് Plant ചെയ്തതോടെ നാര്ക്കോ തര്ക്കവും മറ്റും തീര്ന്നു. സാമ്ബത്തികതട്ടിപ്പു കേസുമാത്രമെടുത്ത് ഒരു മാസത്തിനുള്ളില് പുറത്തു വരാന് സൗകര്യവുമായി പോലീസ്.
ഇത് കള്ളപ്പണത്തിന്റെയും കൊള്ളമുതല് വീതം വയ്ക്കുന്നതിന്റെയും പ്രശ്നമാണ്. മോണ്സന്റെ പ്രധാന ഹൈലൈറ്റ് ഒരു പ്രത്യേക ജാപ്പനീസ് രീതിയുപയോഗിച്ച് പ്രായം ആകാതെ ഉറച്ച ശരീരം നിലനിര്ത്താനുള്ള ടെക്നിക്കാണ്. അയാള് തന്നെയാണ് അതിനുദാഹരണമായിപ്പറയുന്നത്. മോണ്സന് അറുപതിനടുത്ത പ്രായമുണ്ട്. പക്ഷെ കണ്ടാല് ചുള്ളന് ചെക്കന്. ചെറുപ്പമായി യൗവ്വനത്തോടെയിരിക്കാനുള്ള മലയാളിയുടെ ഗൂഢമായ ആഗ്രഹത്തെയാണ് മോണ്സണ് മുതലെടുക്കുന്നത്.
പുരാവസ്തു ശേഖരം കാണാനാണ് മഹാന്മാരും മഹതികളും പോയതെന്ന് നിഷ്ക്കളങ്കരേ നിങ്ങള് കരുതുന്നുണ്ടോ? മയക്കുമരുന്ന്, സ്വര്ണ്ണം ഇവയ്ക്കൊപ്പമോ അതിനേക്കാള് മേലെയോ വിലപിടിപ്പു ള്ളതോ ആണ് ലോക മാര്ക്കറ്റില് പുരാവസ്തുക്കള്. അതിന് മോഹവിലയാണ്. മോശയുടെ അംശവടിയും യശോധയുടെ വെണ്ണക്കുടവും റസൂലിന്റെ ഒലീവ് വിളക്കും ഇയാള് കച്ചവടം ചെയ്തിട്ടില്ല. എഴുതി വച്ച് പ്രദര്ശിപ്പിച്ചിട്ടുമില്ല.
വീട്ടില് വരുന്ന ശ്രീനിവാസനെ പ്പോലുള്ള തിരുമണ്ടന്മാരെ അത്ഭുതപ്പെടുത്താനാണിതൊക്കെ . മോണ്സന്റേത് ഒരു സിനിമാ സെറ്റാണ്. Anti aging ന്റെ അത്ഭുതം തേടിവരുന്നവരിലൂടെ പുരാവസ്തുശേഖരം ഹൈലൈറ്റ് ചെയ്ത് സാമ്ബത്തിക തട്ടിപ്പ് ചെയ്യുന്ന സാദാ തട്ടിപ്പുകാരനായ മോണ്സനെക്കാള് എന്നെ അലോസരപ്പെടുത്തുന്നത് ആദ്യം പറഞ്ഞ ഇറ്റാലിയന് പൗര, പ്രവാസി സംഘടന ലോകകേരളസഭ, കൈകൂപ്പല് , ബെഹ്റ, ശബരിമല ചെമ്ബോല , ദേശാഭിമാനി വാര്ത്ത തുടങ്ങിയവയാണ്.
https://www.facebook.com/Malayalivartha
