അവസാനം എക്സൈസ് കുടുക്കി... എക്സൈസ് സംഘത്തിന്റെ വരവ് നിരീക്ഷിക്കാന് ആളുകള്; നാട്ടുകാരെ വെല്ലുവിളിച്ച് മദ്യവില്പ്പന തുടര്ന്ന സ്ത്രീ അറസ്റ്റില്
പതിനഞ്ചോളം അബ്കാരി കേസുകളില് പ്രതിയായ സ്ത്രീ മദ്യവില്പ്പനക്കിടയില് അറസ്റ്റിലായി. അറസ്റ്റില്. പത്തിയൂര് കിഴക്ക് സുജഭവനത്തില് അമ്മിണിയാണ് (65) നാട്ടുകാരെ വെല്ലുവിളിച്ച് മദ്യവില്പ്പന നടത്തുന്നതിനിടയില് അറസ്റ്റിലായത്. ആവശ്യക്കാര്ക്ക് ചെറിയ കുപ്പികളിലാക്കിയും അല്ലാതെയുമാണ് ഇവര് മദ്യം വില്പ്പന നടത്തിയിരുന്നത്. എക്സൈസ് സംഘത്തിന്റെ വരവ് നിരീക്ഷിക്കാന് പലഭാഗത്തും ആളെ കൂലിക്ക് നിര്ത്തിയായിരുന്നു വില്പ്പന. ഇതുകാരണം ഇവരെ പിടികൂടുക പ്രയാസമായിരുന്നു. കൂടാതെ കച്ചവട കേന്ദ്രങ്ങള് അടിക്കടി മാറ്റുന്നതും തടസ്സമായി. തുടര്ന്ന് ഒരാഴ്ചയായി എക്സൈസ് ഇന്റലിജന്സ് സംഘം നിരീക്ഷണം നടത്തി തന്ത്രപരമായാണ് കെണി ഒരുക്കിയത്.
ഇവരില്നിന്ന് രണ്ട് ലിറ്റര് മദ്യവും കണ്ടെടുത്തു. ഇവരുടെ വീടിന് സമീപത്തെ കാലിത്തൊഴുത്തില് മദ്യം സൂക്ഷിക്കാന് വേണ്ടി പൈപ്പ് ഉപയോഗിച്ച് നിര്മിച്ച രഹസ്യ അറയും കണ്ടെത്തി. പരാതിപ്പെടുന്നവരെ ഭീഷണിപ്പെടുത്തുക ഇവരുടെ പതിവായിരുന്നു. റെയ്ഡിന് പ്രിവന്റീവ് ഓഫിസര് അംബികേശന്, ഇന്റലിജന്സ് ബ്യൂറോ പ്രിവന്റീവ് ഓഫിസര് അബ്ദുല് ഷുക്കൂര്, സിവില് എക്സൈസ് ഓഫിസര് ശ്രീജിത്ത്, ഷിബു, വനിത സിവില് എക്സൈസ് ഓഫിസര് രശ്മി, ഡ്രൈവര് സുഭാഷ് എന്നിവര് പങ്കെടുത്തു.
https://www.facebook.com/Malayalivartha