കോവിഡ് നിയന്ത്രണത്തെ തുടർന്ന് തലപ്പാടി അതിര്ത്തിയില് കര്ണാടക സര്ക്കാർ ഏര്പെടുത്തിയ പരിശോധനയില് നേരിയ ഇളവുകള്; ഔദ്യോഗിക പ്രഖ്യാപനം ഇതുവരെയും ലഭിച്ചില്ല
കൊറോണ വ്യാപനത്തെ തുടർന്ന് നിയന്ത്രണത്തിന്റെ പേരില് കാസര്കോട് തലപ്പാടി അതിര്ത്തിയില് കര്ണാടക സര്കാര് ഏര്പെടുത്തിയ പരിശോധനയില് നേരിയ ഇളവുകള്. ഇതുസംബന്ധിച്ച് ഔദ്യോഗിക പ്രഖ്യാപനം ലഭിച്ചിട്ടില്ലെങ്കിലും കര്ശന പരിശോധന ഒഴിവാക്കാമെന്ന നിര്ദേശം ലഭിച്ചതായി പൊലിസ് വ്യക്തമാക്കി.
കേരളത്തില് കോവിഡ് വ്യാപനം രൂക്ഷമായതിനെ തുടര്ന്ന് കഴിഞ്ഞ രണ്ടു മാസത്തിലേറെയായി തലപ്പാടി അതിര്ത്തി കടക്കാന് കേരളത്തില് നിന്ന് കര്ണാടകയിലേക്ക് വരുന്നവര്ക്ക് ആര്ടിപിസിആര് നെഗറ്റീവ് സെര്ടിഫികെറ്റ് നിര്ബന്ധമായിരുന്നു.
തലപ്പാടിക്ക് പുറമെ, കാസര്കോടിനെ കര്ണാടകയുടെ ദക്ഷിണ കന്നഡ ജില്ലയുമായി ബന്ധിപ്പിക്കുന്ന ചെറു റോഡുകളില് വരെ ചെക്പോസ്റ്റുകള് സ്ഥാപിച്ച് കര്ണാടക പരിശോധനയും ശക്തമാക്കിയിരുന്നു. ഇതിനെ ചൊല്ലി, പലവിധ പ്രതിഷേധങ്ങള് ഉണ്ടായെങ്കിലും കര്ണാടക പരിശോധനയില് നിന്നും വിട്ടുനിന്നില്ല. ഇപ്പോള് ദസറ ആഘോഷം പൂര്ത്തിയായതോടെയാണ് തലപ്പാടി അതിര്ത്തിയില് ഇളവുകള് നൽകിയത്.
മിക്ക സ്ഥലങ്ങളിലും വാഹന പരിശോധന ഒഴിവാക്കി. ഇടറോഡുകളില് നേരത്തേതന്നെ കര്ശന പരിശോധന കര്ണാടക അവസാനിപ്പിച്ചതുമായിരുന്നു.
https://www.facebook.com/Malayalivartha
