തിരുവനന്തപുരം വെഞ്ഞാറമൂട് കാറും ബൈക്കുകളും കൂട്ടിയിടിച്ചു. ബൈക്ക് യാത്രികരായ മൂന്ന് പേര്‍ക്കും പരിക്കേറ്റയാളുമായി ആശുപത്രിയിലേക്കു പോയ ആംബുലന്‍സ് അപകടത്തില്‍പ്പെട്ട് ഡ്രൈവര്‍ക്കും പരിക്കേറ്റു.

ഇന്നലെ ഉച്ചയ്ക്ക് 2ന് വെഞ്ഞാറമൂടിന് സമീപം വയ്യേറ്റായിരുന്നു അപകടം നടന്നത്. ബൈക്ക് യാത്രികരായ ഖബറടി സ്വദേശി അഖില്‍(21), പോത്തന്‍കോട് സ്വദേശി ഗോകുല്‍ (27), പേരുമല താഹാ മന്‍സിലില്‍ നാസറുദ്ദീന്‍ (56), ആംബുലന്‍സ് ഡ്രൈവര്‍ കിളിമാനൂര്‍ സ്വദേശി അനന്തു(29) എന്നിവര്‍ക്കാണ് പരിക്കേറ്റത്.

വയ്യേറ്റ് നിന്ന് വെഞ്ഞാറമൂട്ടിലേക്ക് വരികയായിരുന്ന യുവാക്കളുടെ ബൈക്കും എതിര്‍ദിശയില്‍ വന്ന നാസറുദ്ദീന്റെ വാഹനവുമാണ് ആദ്യം കൂട്ടിയിടിച്ചത്.

നാസറുദ്ദീന്റെ പിന്നാലെയെത്തിയ കാറും ബൈക്കുകളിലേക്ക് ഇടിച്ചുകയറുകയായിരുന്നു. പരിക്കേറ്റ നാസറുദ്ദീനുമായി ആശുപത്രിയിലേക്ക് പോകവേയാണ് കാട്ടായിക്കോണത്തുവച്ച് അനന്തു ഓടിച്ചിരുന്ന ആംബുലന്‍സ് എതിര്‍ദിശയില്‍ വന്ന ലോറിയുമായി കൂട്ടിയിടിച്ചാണ് മറിഞ്ഞത്.

നാസറുദ്ദീനെ വെഞ്ഞാറമൂട്ടിലെ സ്വകാര്യ മെഡിക്കല്‍ കോളേജ് ആശുപത്രിയിലും ഗോകുല്‍ , അനന്തു, അഖിലില്‍ എന്നിവരെ തിരുവനന്തപുരം മെഡിക്കല്‍ കോളേജ് ആശുപത്രിയിലും പവേശിപ്പിച്ചിട്ടുണ്ട്.