സ്കൂളുകള് തുറക്കുന്നതിന് മുന്നോടിയായി ശുചീകരണ പ്രവര്ത്തനങ്ങള് ... തിരുവനന്തപുരം പൂജപ്പുരയിലെ സര്ക്കാര് സ്കൂളില് ശുചീകരണ പ്രവര്ത്തനങ്ങള്ക്ക് നേതൃത്വം നല്കി മന്ത്രി വി ശിവന്കുട്ടി
നവംബര് ഒന്നിന് സ്കൂളുകള് തുറക്കുന്നതിന് മുന്നോടിയായി സംസ്ഥാനത്തെ സ്കൂളുകളില് ശുചീകരണ പ്രവര്ത്തനങ്ങളും അണുനശീകരണ പ്രവര്ത്തനങ്ങളും നടക്കുകയാണ്. പൊതുജന പങ്കാളിത്തത്തോടെ എംഎല്എമാരും തദ്ദേശഭരണ സ്ഥാപന മേധാവികളും സ്കൂള് അടിസ്ഥാനത്തിലുള്ള ജനകീയ സമിതികളുമാണ് ശുചീകരണ പ്രവര്ത്തനങ്ങള്ക്ക് നേതൃത്വം നല്കുന്നത്.
പൊതു വിദ്യാഭ്യാസവും തൊഴിലും വകുപ്പ് മന്ത്രി വി ശിവന്കുട്ടി പൂജപ്പുര പാങ്ങോട് ഗവണ്മെന്റ് എല് പി സ്കൂളില് ശുചീകരണ പ്രവര്ത്തനങ്ങള് ഉദ്ഘാടനം ചെയ്തു. തിരുവനന്തപുരം മേയര് ആര്യാ രാജേന്ദ്രനും ശുചീകരണ പ്രവര്ത്തനങ്ങളില് പങ്കെടുത്തു. സ്കൂളുകള് തുറക്കുന്നതിന് മുന്നോടിയായി സ്കൂളുകള് വൃത്തിയാക്കുന്നതിനും അണുവിമുക്തമാക്കുന്നത്തിനുമുള്ള വന് പദ്ധതിയാണ് പൊതുവിദ്യാഭ്യാസ വകുപ്പ് ആസൂത്രണം ചെയ്തു നടപ്പാക്കുന്നത്.
സ്കൂളിനെ സജ്ജമാക്കല്,ഫര്ണിച്ചറുകള് റിപ്പയര് ചെയ്ത് സജ്ജമാക്കല്,ഇഴജന്തുക്കളും മറ്റും ഉണ്ടാകാനിടയുള്ള സാഹചര്യം ഒഴിവാക്കാന് വൃത്തിയാക്കേണ്ട ഇടങ്ങളെല്ലാം വൃത്തിയാക്കി എന്ന് ഉറപ്പാക്കല് തുടങ്ങിയ പ്രവര്ത്തനങ്ങളാണ് ഓരോ സ്കൂളുകളും കേന്ദ്രീകരിച്ച് നടക്കുന്നത്.
"
https://www.facebook.com/Malayalivartha
