ചക്രവാത ചുഴി...സംസ്ഥാനത്ത് ഇന്നും മഴ കനക്കുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്, വിവിധ ജില്ലകളില് ഓറഞ്ച്, യെല്ലോ അലര്ട്ടുകള്
സംസ്ഥാനത്ത് ഇന്നും കനത്ത മഴ. കേരള-കര്ണാടക തീരത്ത് ന്യൂനമര്ദ പാത്തിയും കന്യാകുമാരിക്കടുത്ത് ചക്രവാത ചുഴിയും രൂപപ്പെട്ടത് തുടരുന്നതിനാല് സംസ്ഥാനത്ത് ഇന്നും മഴ കനക്കുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. അഞ്ച് ജില്ലകളില് യെല്ലോ അലര്ട്ട് പ്രഖ്യാപിച്ചു.
എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം ജില്ലകളിലാണ് യെല്ലോ അലര്ട്ട്. ശക്തമായ ഇടിമിന്നലിനും മണിക്കൂറില് 40 കിലോമീറ്റര് വരെ വേഗമുള്ള കാറ്റിനും സാദ്ധ്യതയുണ്ടെന്നാണ് കാലാവസ്ഥാ വകുപ്പിന്റെ പ്രവചനം.
അതിരപ്പിള്ളി വനമേഖലയില് ഉരുള്പൊട്ടിയെന്ന് സൂചന. ചാലക്കുടി പരിയാരത്ത് കപ്പത്തോട് കരകവിഞ്ഞൊഴുകി. പതിനഞ്ചിലേറെ വീടുകളില് വെള്ളം കയറി. ഇന്ന് പുലര്ച്ചെയാണ് വീടുകളില് വെള്ളം കയറിയത്.
പണ്ടാരംപാറ മേഖലയില് നിന്നാണ് വെള്ളം കുത്തിയൊലിച്ച് വന്നത്.അതേസമയം അറബിക്കടലില് കര്ണാടക തീരത്തോട് ചേര്ന്ന് ന്യൂനമര്ദ്ദം രൂപപ്പെടുന്നുണ്ട്. ഇതിന്റെ ഫലമായി തിങ്കള്, ചൊവ്വ ദിവസങ്ങളില് സംസ്ഥാനത്ത് മഴ കൂടുതല് ശക്തിപ്പെട്ടേക്കുമെന്ന് കാലാവസ്ഥാ നിരീക്ഷണ കേന്ദ്രം .
https://www.facebook.com/Malayalivartha
