മുന് സിപിഎം സംസ്ഥാന സെക്രട്ടറിയും പോളിറ്റ് ബ്യൂറോ അംഗവുമായ കോടിയേരി ബാലകൃഷ്ണന്റെ മകന് ബിനോയി കോടിയേരി പ്രതിയായ പീഡനക്കേസില് വിചാരണയും വിധിയും സിപിഎം പാര്ട്ടി കോണ്ഗ്രസ് വേളയില് വന്നാല് നിറംകെടുത്തുമോ എന്ന് സിപിഎമ്മില് ആശങ്ക
ബിനോയി കോടിയേരിയുടെ മുംബൈയിലെ പെണ്ണുകേസ് വരും മാസങ്ങളില് വരാനിരിക്കുന്ന സിപിഎം പാര്ട്ടി കോണ്ഗ്രസിന്റെ നിറംകെടുത്തുമോ എന്ന് സിപിഎമ്മില് ആശങ്ക.
മുന് സിപിഎം സംസ്ഥാന സെക്രട്ടറിയും പോളിറ്റ് ബ്യൂറോ അംഗവുമായ കോടിയേരി ബാലകൃഷ്ണന്റെ മകന് ബിനോയി കോടിയേരി പ്രതിയായ പീഡനക്കേസില് വിചാരണയും വിധിയും സിപിഎം പാര്ട്ടി കോണ്ഗ്രസ് വേളയില് വന്നാല് പാര്ട്ടി സമ്മേളനങ്ങള് ആകെ ചീറ്റുമോയെന്ന ആശങ്കയാണ് പാര്ട്ടി നേതൃത്വത്തെ കുഴയ്ക്കുന്നത്.
ബിഹാര് സ്വദേശിയായ നര്ത്തകിയെ പ്രലോഭിപ്പിച്ചും പണംകൊടുത്തും വശംവദയാക്കി വര്ഷങ്ങളോളം പീഡിപ്പിക്കുകയും കുട്ടി ജനിച്ചതോടെ അവരെ ഉപേക്ഷിക്കുകയും ചെയ്ക കേസില് വൈകാതെ വിചാരണ തുടങ്ങുകയാണ്.
ഡിഎന്എ ഫലം വന്നാലുടന് വിചാരണ തുടങ്ങിയാല് പീഢനക്കേസില് ബിനോയി കോടിയേരിക്ക് വര്ഷങ്ങളുടെ തടവും പിഴയും കിട്ടുമെന്ന സാഹചര്യമാണ്. പാര്ട്ടി കോണ്ഗ്രസ് സംസ്ഥാന സമ്മേളനത്തിന് മുന്പ് മുംബൈയില് ഫ്ളാറ്റില് കഴിയുന്ന യുവതിയ്ക്ക് കോടികള് നഷ്ടപരിഹാരം നല്കി എങ്ങനെയും കേസ്
ഒഴിവാക്കാനുള്ള നീക്കം സിപിഎം പാര്ട്ടി തലത്തില് നീങ്ങുന്നുണ്ട്.
മുംബൈയില് ഫ്ളാറ്റും കോടികള് ബാങ്ക് നിക്ഷേപവും നല്കി പെണ്ണുകേസ് ഒതുക്കിത്തീര്ക്കാനുള്ള നീക്കങ്ങള് മാസങ്ങള്ക്ക് മുന്പേ ആരംഭിച്ചിരുന്നതായാണ് സൂചന. എന്നാല് ബിനോയ് കോടിയേരിയെ പ്രതിയാക്കി യുവതിയുടെ പരാതിയില് മുംബൈ കോടതി കേസ് ചാര്ജ് ചെയ്ത സാഹചര്യത്തില് കോടതിക്കു പുറത്ത് കേസ് ഒതുക്കി തീര്ക്കുക എളുപ്പമല്ല. മാത്രവുമല്ല കുട്ടിയുടെ ഡിഎന്എ ഫലം അനുസരിച്ച് കുട്ടിയുടെ പിതാവ് കോടിയേരിയുടെ ബിനോയിയാണെന്ന് തെളിഞ്ഞാല് ശിക്ഷ ഉറപ്പാണ്. അത് സിപിഎം പാര്ട്ടിക്ക് ദേശീയ തലത്തില്തന്നെ കളങ്കവുമാണ്.
വിവാഹ വാഗ്ദാനം നല്കി പീഡിപ്പിച്ചെന്ന പരാതിയില് ബിനോയ് കോടിയേരിയ്ക്കെതിരെ മുംബൈ പോലീസ് ലൈംഗിക പീഡനം, വഞ്ചന, അപമാനിക്കല്, ഭീഷണിപ്പെടുത്തല് എന്നിവയടക്കം ചാര്ജ് ചെയ്താണ് അന്ധേരി മെട്രോപോളിറ്റന് മജിസ്ട്രേറ്റ് കോടതിയിലാണ് 678 പേജുള്ള കുറ്റപത്രം സമര്പ്പിച്ചിരിക്കുന്നത്. കേസ് രജിസ്റ്റര് രജിസ്റ്റര് ചെയ്തു് ഒന്നര വര്ഷത്തിന് ശേഷമാണ് കുറ്റപത്രം സമര്പ്പിച്ചത്. ഡിഎന്എ ഫലം വന്നാലുടന് കേസില് വിചാരണ തുടങ്ങുകയും ചെയ്യും. . ബിനോയ് പീഡനം നടത്തിയതിന് തെളിവുണ്ടെന്ന് കുറ്റപത്രത്തില് പറയുന്നു. ബിഹാര് സ്വദേശിയായ യുവതിക്ക് വിമാന ടിക്കറ്റും വിസയും അയച്ചുകൊടുത്തതിന്റേയും മുബൈയില് ഫ്ളാറ്റ് എടുത്ത് കൊടുത്തതിന് ഉടമകളുടെയും മൊഴികള് ബിനോയ്ക്കെതിരെ കുറ്റപത്രത്തിലുണ്ട്.
വിവാഹ വാഗ്ദാനം നല്കി പീഡനം, വഞ്ചന, ഭീഷണിപ്പെടുത്തല് എന്നിവയടക്കമുള്ള കുറ്റങ്ങളാണ് ബിനോയ്ക്കെതിരെയുള്ളത്.
മുംബൈയിലെ ദിന്ഡോഷി സെഷന്സ് കോടതിയിലാണ് വിചാരണ നടക്കുക. ബിനോയി കോടിയേരി കുറ്റം നിഷേധിച്ച സാഹചര്യത്തിലാണ് ഡിഎന്എ ഫലം നിര്ണായതമാകുന്നത്.
വിവാഹ വാഗ്ദാനം നല്കി ബിനോയ് വര്ഷങ്ങളോളം ബന്ധം തുടര്ന്നെന്നും 11 വയസുള്ള മകനുണ്ടെന്നുമാണ് യുവതി ആരോപിച്ചത്. ദുബായില് ബാര് ഡാന്സര് ആയിരിക്കെയാണ് ബിനോയിയെ പരിചയപ്പെട്ടത്. ബിനോയി പതിവായി ഡാന്സ് ബാറില് എത്തുകയും രാത്രികാല മദ്യപാനത്തിനിടെ കറന്സി കെട്ടികള് വാരിയെറിഞ്ഞും ഡോളര്മാലയണിയിച്ചും വജ്രാഭരണങ്ങള് സമ്മാനിച്ചും യുവതിയെ പ്രലോഭിപ്പിച്ച് കീഴ്പ്പെടുത്തി കാലങ്ങളോളം ലൈംഗികമായി ഉപയോഗിച്ചതായാണ് പരാതി.
2009 നവംബറില് ഗര്ഭിണിയായതോടെ മുംബൈയിലേക്കു മാറി. വാടകയടക്കമുള്ള ചെലവുകള്ക്കു ബിനോയ് പണം നല്കിയിരുന്നു. എന്നാല് 2015നു ശേഷം പണം നല്കാതെ ഒഴിഞ്ഞുമാറിതോടെയാണ് യുവതി കേസുമായി മുന്നോട്ടിറങ്ങിയത്. ബിനോയി വിവാഹ വാഗ്ദാനം നല്കി 2009 മുതല് 2018 വരെ പീഡിപ്പിച്ചെന്നുവെന്നാണ് യുവതിയുടെ പരാതിയില് പറയുന്നത്.
രണ്ടു വര്ഷം മുന്പ് കോടിയേരി ബാലകൃഷ്ണന്റെ ഭാര്യ വിനോദിനി മുംബൈയിലെത്തി യുവതിയുമായി എങ്ങനെയും ധാരണയിലെത്താന് ശ്രമം നടത്തിയിരുന്നു. കോടികളുടെ ആസ്തി പാര്ട്ടിയുടെ ബലത്തില് ബിസിനസിലൂടെ സമ്പാദിച്ച കോടിയേരി കുടുംബം കേസ് ചെറിയ നഷ്ടപരാഹാരം കൊടുത്ത് ഒത്തുതീര്പ്പിലാക്കാന് അഭിഭാഷകന് മുഖേന ശ്രമം നടത്തിയെങ്കിലും യുവതി അതിന് വശംവദയായില്ല. യുവതിക്കൊപ്പം കുട്ടിയെ കാണുകയും കുട്ടിയുടെ ഫോട്ടോ കോടിയേരി കാണുകയും ചെയ്തതോടെ ഒത്തുതീര്പ്പുകള്കൊണ്ട് കാര്യമില്ലെന്ന തീരുമാനത്തിലെത്തുകയായിരുന്നു.
ബിഹാറിലെ പാവപ്പെട്ട കുടുംബാംഗമായ യുവതി ഡാന്സ് പഠിച്ച് ഉപജീവനം തേടിയാണ് ഗള്ഫിലെ ബാറിലെത്തിയത്. ഇവരുടെ സാമ്പത്തിക പിന്നോക്കാവസ്ഥ മുതലെടുത്താണ് കോടിയേരിയുടെ മകന് യുവതിയെ വശപ്പെടുത്തിയതെന്ന് യുവതി ആരോപിക്കുന്നു. കുട്ടിയുടെ ചെലവിനും തനിക്കുമായി അഞ്ചുകോടി രൂപ വേണമെന്നായിരുന്നു യുവതിയുടെ ആവശ്യം.
എന്നാല് ഹിന്ദി അറിയാത്തതിനാല് വിനോദിനിക്ക് യുവതിയുമായി സംസാരിക്കാനായില്ല. അവര് തിരിച്ചുപോവുകയും പിന്നീട് ബിനോയ് കോടിയേരി നേരിട്ട് മധ്യസ്ഥ ചര്ച്ചയ്ക്ക് മുംബൈയിലെത്തുകയും ചെയ്തു. കുട്ടി തന്റേതല്ലെന്നായിരുന്നു ബിനോയ് കോടിയേരിയുടെ വാദം. അഞ്ചുകോടി തരാനാകില്ലെന്നും പറഞ്ഞു. ഇതോടെ ഒത്തുതീര്പ്പു ചര്ച്ചകള് പരാജയപ്പെട്ടപ്പോഴാണ് യുവതി കോടതിയിലേക്കു നീങ്ങിയത്.
ഡിഎന്എ പരിശോധഫലം എതിരാകുമെന്ന് ഉറപ്പായതോടെ വിവാഹവാഗ്ദാനം നല്കി പീഡിപ്പിച്ചെന്ന കേസില് ബിനോയ് കോടിയേരി പരാതിക്കാരിയായ യുവതിയുമായി പാര്ട്ടിതലത്തിലും ഒത്തുതീര്പ്പിന് ശ്രമം നടത്തിയിരുന്നു. യുവതിയുടെ ചില അടുത്ത അടുത്ത സുഹൃത്തുക്കള് വഴിയായിരുന്നു നീക്കം. എന്നാല്, യുവതി ഇതിനു വഴങ്ങിയിട്ടില്ല.
വിവാഹവാഗ്ദാനം നല്കി പീഡിപ്പിച്ചെന്ന കേസില്, വിചാരണ മാറ്റിവയ്ക്കണമെന്ന ബിനോയ് കോടിയേരിയുടെ അപേക്ഷയെയും യുവതി കോടതിയില് എതിര്ത്തു.ആദ്യഘട്ടങ്ങളില് ചെലവെല്ലാം വഹിച്ചിരുന്നെങ്കിലും പിന്നീട് ഒഴിഞ്ഞുമാറാന് തുടങ്ങിയപ്പോള് നടത്തിയ അന്വേഷണത്തിലാണ് ബിനോയ് കോടിയേരി വിവാഹിതനാണെന്ന് തിരിച്ചറിഞ്ഞതെന്നും പരാതിയില് പറയുന്നുണ്ട്.
"
https://www.facebook.com/Malayalivartha
