വീണ്ടും വീണ്ടും ആവര്ത്തിക്കാം. സ്വന്തമായും നല്ല അഭിനയം കാഴ്ചവെക്കണം. നല്ല ഒരു നടിയായി മാറട്ടെ!! നന്ദഗോപാല് മാരാരെ അവതരിപ്പിച്ച് വീണ്ടും വൈറലായി ആവര്ത്തന; അഭിനന്ദനവുമായി മമ്മൂട്ടി
കെ കെ ഷൈലജ ടീച്ചറിന്റെ തീപ്പൊരി പ്രസംഗം ഡബ്സ്മാഷ് ചെയ്ത് വൈറലായ കുഞ്ഞ് മിടുക്കി ആവര്ത്തനയെ ആരും മറന്നിട്ടുണ്ടാകില്ല. ആ ഡബ്സ്മാഷിന് നിരവധിപേർ പ്രശംസയും അറിയിച്ചിരുന്നു
ഇപ്പോഴിതാ നരസിംഹം സിനിമയിലെ മമ്മൂട്ടിയുടെ നന്ദഗോപാല് മാരാരെ അവതരിപ്പിച്ചുകൊണ്ട് വീണ്ടും താരമാകുകയാണ് ആ ഏഴുവയസ്സുകാരി. എന്നാല് ഹൈലൈറ്റ് അതൊന്നുമല്ല. വീഡിയോക്ക് അഭിനന്ദനം അറിയിച്ച് ആവര്ത്തനയ്ക്ക് ശബ്ദ സന്ദേശം അയച്ചിരിക്കുകയാണ് നടന് മമ്മൂട്ടി.
'ആവര്ത്തന വളരെ നന്നായിട്ടുണ്ട്. വീണ്ടും വീണ്ടും ആവര്ത്തിക്കാം. സ്വന്തമായും നല്ല അഭിനയം കാഴ്ചവെക്കണം. നല്ല ഒരു നടിയായി മാറട്ടെ. അതിനുള്ളില് പഠിത്തമൊക്കെ പാസ്സായി അഭിനയം അല്ലാതെ മറ്റൊരു തൊഴില് കണ്ടെത്തുക.
അതിനു ശേഷം അഭിനയം തൊഴിലാക്കുക', ഇതാണ് മമ്മൂട്ടിയുടെ വാക്കുകള്. മമ്മൂട്ടി ശബ്ദസന്ദേശം അയച്ചതിന്റെ ആഹ്ലാദത്തിലാണ് പാലക്കാട് സ്വദേശിനിയായ ആവര്ത്തന ഇപ്പോള്. മമ്മൂട്ടിക്ക് നന്ദി അറിയിച്ച് മറുപടി അയക്കാനും ആവർത്തന മറന്നിട്ടില്ല കേട്ടോ...
https://www.facebook.com/Malayalivartha
