'പൃഥ്വിരാജ് ഉള്പ്പെടെ ഈ സിനിമ നടന്മാര് ഇന്ന് വരെ എന്തെങ്കിലും വിഷയം പഠിച്ചു മനസിലാക്കിയ ശേഷം പോസ്റ്റ് ഇട്ടതായി എന്റെ അറിവില് ഇല്ല. അത് കൊണ്ട് അവരുടെ പ്രതികരണത്തെ ഒഴുക്കിനനുസരിച്ചുള്ള ഒരു നീന്തല് ആയി കണ്ടാല് മതി...' നടന് പൃഥ്വിരാജിന്റെ പ്രതികരണത്തിനെതിരെ സംവിധായകനും രാഷ്ട്രീയ നിരീക്ഷകനുമായ അഖില് മാരാര്
മുല്ലപെരിയാര് വിഷയത്തില് നിരവധിപേരാണ് പ്രതികരണവുമായി രംഗത്ത് എത്തിയത്. പിന്നാലെ നടന് പൃഥ്വിരാജ് രംഗത്ത് വന്നിരുന്നു. 125 വര്ഷം പഴക്കമുളള ഒരു ഡാം പ്രവര്ത്തിക്കുന്നതിന് എന്ത് ഒഴിവുകഴിവ് പറഞ്ഞാലും അത് സമ്മതിക്കാനാവില്ലെന്നും രാഷ്ട്രീയവും സാമ്പത്തികവുമായ കാര്യങ്ങള് മാറ്റിവെച്ച് ശരി എന്തോ അത് ചെയ്യാനുള്ള സമയമായി എന്നുമായിരുന്നു പൃഥ്വി പ്രതികരിച്ചത്. എന്നാൽ ഇതിനെതിരെ സംവിധായകനും രാഷ്ട്രീയ നിരീക്ഷകനുമായ അഖില് മാരാര്.
'പൃഥ്വിരാജ് ഉള്പ്പെടെ ഈ സിനിമ നടന്മാര് ഇന്ന് വരെ എന്തെങ്കിലും വിഷയം പഠിച്ചു മനസിലാക്കിയ ശേഷം പോസ്റ്റ് ഇട്ടതായി എന്റെ അറിവില് ഇല്ല. അത് കൊണ്ട് അവരുടെ പ്രതികരണത്തെ ഒഴുക്കിനനുസരിച്ചുള്ള ഒരു നീന്തല് ആയി കണ്ടാല് മതി' എന്നാണ് ഫേസ്ബുക്കിൽ കുറിച്ചിരിക്കുന്നത്. മുല്ലപ്പെരിയാര് പണിതത് ബ്രിട്ടീഷുകാരന് ആയത് കൊണ്ട് നമുക്ക് സമാധാനമായി ഉറങ്ങാമെന്ന് പറയുന്ന അഖില് ഏനാത് പാലം, പലാരിവട്ടം പാലം, കെ.എസ്.ആര്.ടി.സി കോഴിക്കോട് ടെര്മിനല് തുടങ്ങി കേരളത്തിലെ ഒട്ടുമിക്ക എല്ലാ റോഡുകളും പണിത ശേഷമുള്ള അവസ്ഥ ഓര്മ ഉണ്ടെങ്കില് മിണ്ടാതിരിക്കുക എന്നതാണ് അത്യുത്തമെന്നും പരിഹസിക്കുകയും ചെയ്തു.
അഖില് മാരാരുടെ ഫേസ്ബുക്ക് പോസ്റ്റ്:
മുല്ലപ്പെരിയാര് വിഷയത്തെ കുറിച്ചു അഖിലേട്ടന് ഒന്നും പറഞ്ഞില്ലല്ലോ പൃഥ്വിരാജ് ഉള്പ്പെടെ എല്ലാവരും ക്യാമ്പയിന് ചെയ്യുന്നല്ലോ…? കഴിഞ്ഞ2 ദിവസമായി എന്റെ ഭാര്യ ഉള്പ്പെടെ പലരും എന്നോട് ചോദിച്ച ചോദ്യമാണ്. മറുപടി..
പൃഥ്വിരാജ് ഉള്പ്പെടെ ഈ സിനിമ നടന്മാര് ഇന്ന് വരെ എന്തെങ്കിലും വിഷയം പഠിച്ചു മനസിലാക്കിയ ശേഷം പോസ്റ്റ് ഇട്ടതായി എന്റെ അറിവില് ഇല്ല. അത് കൊണ്ട് അവരുടെ പ്രതികരണത്തെ ഒഴുക്കിനനുസരിച്ചുള്ള ഒരു നീന്തല് ആയി കണ്ടാല് മതി. മുല്ലപ്പെരിയാറിന്റെ ബലത്തെ കുറിച്ചോ അതിന്റെ പ്ലാനിനെ കുറിച്ചോ എനിക്ക് യാതൊരു അറിവും ഇല്ല. ഒന്നറിയാം 2011 ഇല് ഡാം തകരും എന്ന്. പി ജെ ജോസഫ് വിളിച്ചു കൂവി നടന്നപ്പോള് ഡാം നിര്മ്മിക്കാന് 666കോടി ആണ് എസ്റ്റിമേറ്റ് ഇട്ടതെങ്കില് ഇന്നത് 1000 കോടി ആയി. പിന്നെ എന്റെ സിനിമയില് ജോജു ജോര്ജ് പറയുന്ന 2 ഡയലോഗുകള് ഞാന് മുന്കൂട്ടി എഴുതുന്നു..
നിരഞ്ജന് : ചേട്ടാ ചുമ്മാതെ വലിയ നേതാവ് കളിക്കല്ലേ..?
ചിരിക്കുന്ന ജോജു: നേതാവോ ഞാനോ..?
എടാ മോനെ ഈ നാട്ടില് നേതാവ് ആവാന് എന്ത് ചെയ്യണം..?
സംശയത്തോടെ നിരഞ്ജന്: എന്ത് ചെയ്യണം..?
ജോജു: ഒന്നും ചെയ്യരുത്… ഒന്നും ചെയ്യിക്കാന് സമ്മതിക്കരുത്.
മുല്ലപ്പെരിയാര് പണിതത് ബ്രിട്ടീഷുകാരന് ആയത് കൊണ്ട് നമുക്ക് സമാധാനമായി ഉറങ്ങാം.. ഏനാത് പാലം…പലാരിവട്ടം പാലം.. Ksrtc കോഴിക്കോട് ടെര്മിനല് കേരളത്തിലെ ഒട്ടുമിക്ക എല്ലാ റോഡുകളും പണിത ശേഷമുള്ള അവസ്ഥ ഓര്മ ഉണ്ടെങ്കില് മിണ്ടാതിരിക്കുക എന്നതാണ് അത്യുത്തമം..
https://www.facebook.com/Malayalivartha
