ഉന്നത വിദ്യാഭ്യാസ മന്ത്രിയുടെയും സി പി എം ആക്റ്റിംഗ് സെക്രട്ടറിയുടെയും നാട്ടില്‍ നടന്ന എസ് എഫ് ഐ യുടെ അഴിഞ്ഞാട്ടം ദേശീയ തലത്തില്‍ വാര്‍ത്തയായി. സരസ്വതി ക്ഷേത്രത്തിന്റെ മുന്നിലുള്ളഎസ് എഫ് ഐ യുടെ ലൈംഗിക അരാജകത്വം വിളമ്പുന്ന ഫ്‌ലക്‌സുകള്‍ കണ്ട് കേരളം ഞ്ഞെട്ടിയത്. തുടര്‍ന്ന് സി പി എം സംസ്ഥാന നേതൃത്വം ഇടപെട്ട് ഫ്‌ലക്‌സുകള്‍ നീക്കം ചെയ്തു. സ്വന്തം തട്ടകത്തിലെ ആഭാസം കണ്ടിട്ടും കോളേജിന്റെ ചുമതലയുള്ള മന്ത്രി ആര്‍.ബിന്ദു പ്രതികരിച്ചതേയില്ല.

ലൈംഗികതയും അഭാസത്തരവും നിറഞ്ഞ ഫ്ളക്സുകള്‍ സോഷ്യല്‍ മീഡിയയില്‍ അടക്കം പരിഹാസത്തിന് കാരണമായിരുന്നു. ഇത്തരം ബോര്‍ഡുകള്‍ സ്ഥാ പിക്കാന്‍ അനുമതി നല്‍കിയ കോളേജ് അധികൃതര്‍ക്കെതിരേയും പ്രതിഷേധമുണ്ടായി. ഇതേത്തുടര്‍ന്ന് ബോര്‍ഡ് നീക്കിയില്ലെങ്കില്‍ ശക്തമായ നടപടി നേരിടുമെന്ന് കോളേജ് അധികൃതര്‍ അറിയിച്ചതോടെ ഫ്ളക്‌സുകള്‍ നീക്കിയത്. എസ്എഫ്‌ഐ പ്രവര്‍ത്തകര്‍ തന്നെയാണ് ഫ്ളക്‌സുകള്‍ നീക്കം ചെയ്തത്.

ചുംബനങ്ങളുടേയും ലൈംഗിക ബന്ധത്തില്‍ ഏര്‍പ്പെടുന്നതിന്റെയും ബോര്‍ഡുകളാണ് ക്യാംപസ് നിറയെ വച്ചിരുന്നത്.'തുറിച്ച് നോക്കണ്ട, ഒന്ന് ചിന്തിക്കൂ... ഞാനും നീയുമെല്ലാം എങ്ങനെയുണ്ടായി' എന്ന ക്യാപ്ഷനോടെ സ്ഥാപിച്ച ഫ്ളക്‌സാസാണ് കൂടുതല്‍ അരോചകം.

മറ്റൊരു ബോര്‍ഡില്‍ താലിബാന് പിന്തുണ പ്രഖ്യാപിച്ചിട്ടുണ്ട് കൂടാതെ പാലസ്തീന്‍ തീവ്രവാദികള്‍ക്ക് ഐക്യദാര്‍ഢ്യം പ്രഖ്യാപിച്ച് ബോര്‍ഡുകളും സ്ഥാപിച്ചിട്ടുണ്ട്. നേരത്തെ കൊച്ചിന്‍ ദേവസ്വം ബോര്‍ഡിന് കീഴിലുള്ള കോളേജില്‍ ദേവീദേവന്മാരെ അവഹേളിച്ചും വികൃതമായി ചിത്രീകരിച്ചും ചില അധ്യാപകരുടെ മൗനസമ്മതതോടെ എസ്എഫ്ഐ വിവാദങ്ങളുണ്ടാക്കാന്‍ ശ്രമിച്ചിരുന്നു.

തൃശ്ശൂര്‍ കേരളവര്‍മ കോളേജിലെ എസ്എഫ്‌ഐ പോസ്റ്ററുകള്‍ ഇന്ത്യന്‍ ജനതയോടുള്ള വെല്ലുവിളിയാണെന്ന് എബിവിപി വ്യക്തമാക്കി. കേരളവര്‍മ കോളേജില്‍ ഇതിന് മുന്‍പും എസ്എഫ്‌ഐയുടെ ഭാഗത്ത് നിന്നും ഇത്തരത്തില്‍ സമാനമായ പ്രവര്‍ത്തനം നടക്കാറുണ്ടെന്നും, ഇത് എസ്എഫ്‌ഐയുടെ നയമാണെന്നും മനസിലാക്കാവുന്നതാണ്. ഭാരതത്തിന്റെ ദേശീയതയെ അപമാനിച്ചുകൊണ്ട് താലിബാനിസത്തെയും തീവ്രവാദത്തെയും വെള്ളപൂശാനുള്ള ശ്രമങ്ങളാണ് ക്യാംപസുകളില്‍ എസ്എഫ്‌ഐ നടത്തിക്കൊണ്ടിരിക്കുന്നത്.

തീവ്രവാദ-രാജ്യവിരുദ്ധ ശക്തികളാണോ എസ്എഫ്‌ഐയെ നിയന്ത്രിക്കുന്നത് എന്ന് സംശയിക്കേണ്ടിയിരിക്കുന്നു. ഭാരതത്തിന്റെ ജനാധിപത്യത്തെയും, ദേശീയതയെയും ബോധപൂര്‍വം ക്യാംപസുകളില്‍ നിന്നും ഇല്ലായ്മ ചെയ്യാനുള്ള എസ്എഫ്‌ഐയുടെ ആസൂത്രിത നീക്കങ്ങളെ വിദ്യാര്‍ത്ഥിസമൂഹം ഒന്നടങ്കം ചെറുത്തുതോല്പിക്കേണ്ടതുണ്ടെന്നും എബിവിപി വ്യക്തമാക്കി.

2017 ല്‍ ക്യാമ്പസില്‍ എസ്എഫ്‌ഐ സ്ഥാപിച്ച ഫ്ളക്‌സും വിവാദമായിരുന്നു. ഹിന്ദു ദൈവമായ ദേവിയെ നഗ്നയാക്കിയെന്നായിരുന്നു അന്ന് ഫ്ളക്‌സ് സ്ഥാപിച്ചത്.

കേരളത്തിലെ എല്ലാ കാമ്പസുകളിലും ഇത്തരത്തില്‍ രാഷ്ട്രീയ സംഘടനകള്‍ ബോര്‍ഡുകള്‍ സ്ഥാപിക്കാറുണ്ട്. എന്നാല്‍ ഇത്തരത്തില്‍ ആദ്യമായാണ് ആഭാസകരമായ ബോര്‍ഡുകള്‍ സ്ഥാപിക്കുന്നത്. ഇങ്ങനെയുള്ള ബോര്‍ഡ് സ്ഥാപിക്കരുതെന്ന് ആരും വിലക്കിയില്ല. കേരളവര്‍മ്മ
കോളേജിലെ അധ്യാപകര്‍ക്ക് എസ് എഫ് ഐ യെ ഭയമാണ്. മുമ്പ് തങ്ങളെ ചോദ്യം ചെയ്ത പ്രിന്‍സിപ്പലി ന്റെ സഞ്ചയനം ആഘോഷിച്ച പാരമ്പര്യമാണ് എന്ന് എഫ് ഐ ക്കുള്ളത്. സംസ്ഥാനത്തെ എല്ലാ കോളേജിലും ഇതു തന്നെയാണ് അവസ്ഥ.

ഉന്നത വിദ്യാഭ്യാസ മന്ത്രി കേരള വര്‍മ്മ കോളേജിലെ ആഭാസം അപ്പോള്‍ തന്നെ അറിഞ്ഞിരുന്നു. എന്നാല്‍ അവര്‍ അറിഞ്ഞില്ലെന്ന് നടിച്ചു. സി പി എം ആക്റ്റിംഗ് സെക്രട്ടറിയും ഇക്കാര്യമറിഞ്ഞിരുന്നു. എന്നാല്‍ ഉന്നത നേതാക്കള്‍ ഇത് കണ്ടില്ലെന്ന് നടിക്കാനാണ് സംസ്ഥാന നേതൃത്വത്തില്‍ നിന്നും നിര്‍ദ്ദേശം ലഭിച്ചത്. പാര്‍ട്ടി കഴിഞ്ഞ കുറെ നാളുകളായി പോഷക സംഘടനകള്‍ നടത്തുന്ന ഇത്തരം ശ്രമങ്ങള്‍ കണ്ടില്ലെന്ന് നടിക്കുകയാണ്. കോളേജില്‍ നടക്കുന്ന കാര്യങ്ങള്‍ കോളേജ് തന്നെ പരിഹരിക്കട്ടെയെന്നാണ് പാര്‍ട്ടിയുടെ നിലപാട്. അതാണ് മന്ത്രി നി ശബ്ദത പാലിച്ചത്.