സംസ്ഥാനത്തെ കോവിഡ് നിയന്ത്രണങ്ങളില്‍ കൂടുതല്‍ ഇളവുകള്‍ നല്‍കുന്നു. കോവിഡ് അവലോകന യോഗത്തിലാണ് തീരുമാനമായത്. ഒരു ഡോസ് വാക്‌സിന്‍ സ്വീകരിച്ചവര്‍ക്കും സിനിമ തീയറ്ററില്‍ പ്രവേശിക്കാം.


വിവാഹത്തിനും മരണത്തിനും പങ്കെടുക്കുന്നവരുടെ എണ്ണത്തിലും കൂടുതല്‍ ഇളവ് നല്‍കി. വിവാഹങ്ങള്‍ക്ക് 100 മുതല്‍ 200 പേര്‍ക്ക് വരെ പങ്കെടുക്കാന്‍ സാധിക്കും.

നേരത്തെ, രണ്ടു ഡോസ് വാക്‌സിന്‍ സ്വീകരിച്ചവര്‍ക്ക് മാത്രമേ തീയറ്ററില്‍ പ്രവേശനമുണ്ടായിരുന്നുള്ളു. എന്നാല്‍ തീയറ്റര്‍ ഉടമകളുടെ ഇടപെടലിനെ തുടര്‍ന്നാണ് ഇക്കാര്യത്തിലും ഇളവ് ലഭിച്ചത്.

അതേസമയം അടച്ചിട്ട ഹാളുകളില്‍ 100 പേര്‍ക്കും തുറന്ന സ്ഥലങ്ങളില്‍ 200 പേര്‍ക്കും പങ്കെടുക്കാനുമാണ് തീരുമാനമായത്. സ്‌കൂളില്‍ കുട്ടികള്‍ക്ക് രോഗലക്ഷണം കണ്ടാല്‍ ഉടന്‍ ചികിത്സ നല്‍കണമെന്നും യോഗം നിര്‍ദേശിച്ചു.