പ്രാ​യ​പൂ​ര്‍​ത്തി​യാ​കാ​ത്ത പെ​ണ്‍​കു​ട്ടി​യെ ക​ട​ത്തി​കൊ​ണ്ടു​പോ​കാ​ന്‍ ശ്ര​മി​ച്ച യു​വാ​വി​നെ പിടികൂടി പോലീസ്. സോ​ഷ്യ​ല്‍ മീ​ഡി​യ​യെ ഉ​ള്‍​പ്പെ​ടെ വി​ദ​ഗ്ധ​മാ​യി ഉ​പ​യോ​ഗി​ച്ച പോ​ലീ​സ് ന​ട​ത്തി​യ അ​ന്വേ​ഷ​ണ​മാ​ണ് സി​നി​മാ സ്‌​റ്റൈ​ല്‍ ക്ലൈ​മാ​ക്‌​സോ​ടെ അ​വ​സാ​നി​ച്ച​ത്. പ്രാ​യ​പൂ​ര്‍​ത്തി​യാ​കാ​ത്ത പെ​ണ്‍​കു​ട്ടി​യെ ക​ട​ത്തി​കൊ​ണ്ടു​പോ​കാ​ന്‍ ശ്ര​മി​ച്ച യു​വാ​വി​നെ അ​തി​വി​ദ​ഗ്ധ​മാ​യി പോ​ലീ​സ് പി​ടി​കൂ​ടു​ക​യാ​യി​രു​ന്നു. സി​സി​ടി​വി ദൃ​ശ്യ​ങ്ങ​ളു​ടേ​യും സൈ​ബ​ര്‍ സെ​ല്ലി​ന്‍റെ​യും സ​ഹാ​യ​ത്തോ​ടെ​യാ​ണ് പ്ര​തി​യേ​യും കോ​ഴി​ക്കോ​ട് പ​ന്തി​രാ​ങ്കാ​വ് വെ​ള്ളി​മാ​ടു​കു​ന്ന് സ്വ​ദേ​ശി​യാ​യ പെ​ണ്‍​കു​ട്ടി​യേ​യും പോ​ലീ​സ് ക​ണ്ടെ​ത്തി​യ​ത്.

തി​ങ്ക​ളാ​ഴ്ച വൈ​കി​ട്ട് നാ​ലി​നാ​ണ് കോ​ഴി​ക്കോ​ട് പ​ന്തി​രാ​ങ്കാ​വ് വി​ദ്യാ​നി​കേ​ത​ന്‍ സ്‌​കൂ​ള്‍ വി​ദ്യാ​ര്‍​ഥി​നി​യാ​യ പെ​ണ്‍​കു​ട്ടി​യെ കാ​ണാ​നി​ല്ലെ​ന്ന് വീ​ട്ടു​കാ​ര്‍ പ​ന്തീ​രാ​ങ്കാ​വ് സ്റ്റേ​ഷ​നി​ല്‍ പ​രാ​തി​പ്പെ​ട്ട​ത്. തൊ​ട്ടു​പി​ന്നാ​ലെ ന​ഗ​ര​ത്തി​ലെ മു​ഴു​വ​ന്‍ സി​സി​ടി​വി ദൃ​ശ്യ​ങ്ങ​ളും പോ​ലീ​സ് പ​രി​ശോ​ധി​ച്ചെ​ങ്കി​ലും ഒ​ന്നും ക​ണ്ടെ​ത്താ​നാ​യി​ല്ല. തു​ട​ര്‍​ന്നാ​ണ് റയി​ല്‍​വേ സ്റ്റേ​ഷ​നി​ലെ നാ​ല്‍​പ​തോ​ളം സി​സി​ടി​വി കാ​മ​റ​ക​ള്‍ പ​രി​ശോ​ധി​ച്ച​ത്. ഇ​തി​ലൊ​ന്നി​ല്‍ പെ​ണ്‍​കു​ട്ടി ഒ​രാ​ള്‍​ക്കൊ​പ്പം ന​ട​ന്നു​പോ​കു​ന്ന​തി​ന്‍റെ​യും കൗ​ണ്ട​റി​ല്‍ നി​ന്ന് ടി​ക്ക​റ്റെ​ടു​ക്കു​ന്ന​തി​ന്‍റെ​യും ദൃ​ശ്യം കി​ട്ടി.

ടി​ക്ക​റ്റെ​ടു​ത്ത സ​മ​യം വ​ച്ച്‌ കൗ​ണ്ട​റി​ല്‍ പ​രി​ശോ​ധി​ച്ച​പ്പോ​ള്‍ ഇ​രു​വ​രും പോ​യ​ത് കൊ​ല്ല​ത്തേ​ക്കു​ള്ള ട്രെ​യി​നി​ല്‍. പ​ന്തീ​രാ​ങ്കാ​വ് പോ​ലീ​സ് വി​വ​രം അ​റി​യി​ച്ച​തി​ന്‍റെ അ​ടി​സ്ഥാ​ന​ത്തി​ല്‍ റ​യി​ല്‍​വേ പൊ​ലീ​സ് കൊ​ല്ല​ത്ത് ട്രെ​യി​ന്‍ പ​രി​ശോ​ധി​ച്ചെ​ങ്കി​ലും ഇ​വ​ര്‍ ബു​ക്ക് ചെ​യ്ത സീ​റ്റി​ല്‍ കോ​ഴി​ക്കോ​ട്ടു​നി​ന്ന് ആ​രും ക​യ​റി​യി​ട്ടി​ല്ലെ​ന്ന് ക​ണ്ടെ​ത്തി. ഇ​തോ​ടെ അ​ന്വേ​ഷ​ണം വ​ഴി​മു​ട്ടി. എ​ന്നാ​ല്‍ തോ​റ്റ് പി​ന്‍​മാ​റാ​തി​രു​ന്ന പൊ​ലീ​സ് ടി​ക്ക​റ്റ് കൗ​ണ്ട​റി​ല്‍ കൊ​ടു​ത്ത വി​വ​ര​ങ്ങ​ള്‍ ശേ​ഖ​രി​ച്ചു.

ഫോ​ണ്‍ ന​മ്ബ​രി​ല്ല, അ​ജാ​സെ​ന്ന് പേ​ര് മാ​ത്രം. ഇ​തേ പേ​രു​ള​ള​വ​രെ ഫേ​സ്ബു​ക്കി​ല്‍ അ​ന്വേ​ഷി​ച്ചു. അ​തി​ലെ ഫോ​ണ്‍​ന​മ്ബ​ര്‍ സൈ​ബ​ര്‍ സെ​ല്ലി​ന്‍റെ സ​ഹാ​യ​ത്തോ​ടെ പ​രി​ശോ​ധി​ച്ച​പ്പോ​ള്‍ ഒ​രെ​ണ്ണ​ത്തി​ന്‍റെ ലൊ​ക്കേ​ഷ​ന്‍ കൊ​ട്ടാ​ര​ക്ക​ര​യെ​ന്ന് ക​ണ്ടെ​ത്തി. ഇ​തോ​ടെ ച​ട​യ​മം​ഗ​ലം പോ​ലീ​സ് കൊ​ട്ടാ​ര​ക്ക​ര​യി​ല്‍​നി​ന്ന് തി​രി​ച്ചി​ട്ടു​ള്ള മൂ​ന്ന് സൂ​പ്പ​ര്‍​ഫാ​സ്റ്റ് ബ​സു​ക​ള്‍ രാ​ത്രി വ​ഴി​യി​ല്‍ ത​ട​ഞ്ഞ് നി​ര്‍​ത്തി പ​രി​ശോ​ധി​ച്ചു. ഇ​തി​ലൊ​ന്നി​ല്‍ നി​ന്നാ​ണ് ക​ണ്ണൂ​ര്‍ സ്വ​ദേ​ശി​യാ​യ അ​ജാ​സി​നെ​യും പെ​ണ്‍​കു​ട്ടി​യേ​യും ക​ണ്ടെ​ത്തി​യ​ത്.

പെ​ണ്‍​കു​ട്ടി​യെ ഇ​ന്‍​സ്റ്റ​ഗ്രാ​മി​ലൂ​ടെ പ​രി​ച​യ​പ്പെ​ട്ട ഇ​യാ​ള്‍ ആ​ശ​യ​വി​നി​മ​യം ന​ട​ത്തി​യ​തും ഇ​ന്‍​സ്റ്റ​ഗ്രാ​മി​ലൂ​ടെ മാ​ത്ര​മാ​യി​രു​ന്നു. വാ​ട്ട്‌​സ് അ​പ്പോ മ​റ്റ് സോ​ഷ്യ​ല്‍ മീ​ഡി​യ​യോ ഉ​പ​യോ​ഗി​ച്ചി​രു​ന്നി​ല്ല. പെ​ണ്‍​കു​ട്ടി​യെ പി​ന്നീ​ട് വീ​ട്ടു​കാ​ര്‍​ക്കൊ​പ്പം വി​ട്ടു. മാ​സ​ങ്ങ​ളാ​യി ഇ​വ​ര്‍ ത​മ്മി​ല്‍ ഇ​ന്‍​സ്റ്റ​ഗ്രാ​മി​ലൂ​ടെ ചാ​റ്റ് ചെ​യ്യാ​റു​ണ്ടാ​യി​രു​ന്നു. സ്‌​കൂ​ള്‍ തു​റ​ക്കു​ന്ന സ​മ​യ​ത്ത് വീ​ട്ടി​ല്‍ നി​ന്നും പു​റ​ത്തി​റ​ങ്ങാ​മെ​ന്നാ​യി​രു​ന്നു പെ​ണ്‍​കു​ട്ടി കാ​മു​ക​നെ അ​റി​യി​ച്ചി​രു​ന്ന​ത്.