യുവതിയുടെ ദുരൂഹ മരണത്തില് ഭര്ത്താവ് അറസ്റ്റില്; യുവതിയുടെ മാതാപിതാക്കളുടെ പരാതിയിലായിരുന്നു കേസ് രജിസ്റ്റർ ചെയ്തത്
കിടപ്പുമുറിയിൽ യുവതി തൂങ്ങിമരിച്ച സംഭവത്തിൽ ഭർത്താവ് അറസ്റ്റിലായി.
മൂക്കുതല മാക്കാലിയില് താമസിച്ചിരുന്ന മുല്ലപ്പുള്ളി വളപ്പില് പ്രവീണയെ (26) മരിച്ച നിലയില് കണ്ട സംഭവത്തിൽ ഭര്ത്താവ് പ്രജീഷിനെ (34) തിരൂര് ഡിവൈ.എസ്.പി ബെന്നി പിടികൂടി.
മേയ് നാലിന് രാത്രി എട്ടരയോടെയാണ് പ്രവീണയെ കിടപ്പുമുറിയില് തൂങ്ങിമരിച്ച നിലയില് കണ്ടെത്തിയിരുന്നത്. പ്രവീണയുടെ മാതാപിതാക്കള് നല്കിയ പരാതിയില് ഭര്തൃപീഡനം, ആത്മഹത്യ പ്രേരണകുറ്റം തുടങ്ങിയവക്ക് പ്രജീഷിനെതിരെ നേരത്തേ ചങ്ങരംകുളം പൊലീസ് കേസെടുക്കുകയായിരുന്നു.
സി.ഐ ബഷീര് ചിറക്കലിന്റെ നേതൃത്വത്തില് തിരൂര് ഡിവൈ.എസ്.പിക്ക് കീഴിലെ പ്രത്യേക സംഘമാണ് അന്വേഷണം നടത്തിയത്. സി.പി.ഒ സുജന, എസ്.സി.പി.ഒ ഷിജു എന്നിവരും അന്വേഷണ സംഘത്തോടൊപ്പമുണ്ടായിരുന്നു. ശാസ്ത്രീയ തെളിവുകളും സാക്ഷിമൊഴികളുമടക്കം ശേഖരിച്ചാണ് അറസ്റ്റ്. പ്രജീഷിനെ പൊന്നാനി ജുഡീഷ്യല് മജിസ്ട്രേറ്റ് കോടതിയില് ഹാജരാക്കി റിമാന്ഡ് ചെയ്തു.
https://www.facebook.com/Malayalivartha
