ശമ്പള പരിഷ്കരണം ആവശ്യപ്പെട്ട് കെഎസ്ആര്ടിസി ജീവനക്കാര് ഇന്ന് അര്ധരാത്രി മുതല് പണിമുടക്കും....
ശമ്പള പരിഷ്കരണം ആവശ്യപ്പെട്ട് കെഎസ്ആര്ടിസി ജീവനക്കാര് ഇന്ന് അര്ധരാത്രി മുതല് പണിമുടക്കും. പ്രതിപക്ഷ ട്രേഡ് യൂണിയനായ ടിഡിഎഫ് (ഐഎന്ടിയുസി) 48 മണിക്കൂറും കേരള സ്റ്റേറ്റ് ട്രാന്സ്പോര്ട്ട് എംപ്ലോയീസ് യൂണിയന് (എഐടിയുസി), കെഎസ്ടി എംപ്ലോയീസ് സംഘ് (ബിഎംഎസ്), കെഎസ്ആര്ടി എംപ്ലോയീസ് അസോസിയേഷന് (സിഐടിയു) എന്നീ സംഘടനകള് 24 മണിക്കൂറുമാണ് പണിമുടക്ക് നടത്തുന്നത്.
ജീവനക്കാരുടെ ശമ്പള പരിഷ്കരണം സംബന്ധിച്ച് മന്ത്രിതല ചര്ച്ചയില് തീരുമാനമാകാത്തതിനെ തുടര്ന്നാണ് പണിമുടക്കുമായി മുന്നോട്ടു പോകുന്നതിനു ജീവനക്കാരുടെ സംഘടനകള് തീരുമാനിച്ചത്.
തങ്ങളുടെ ആവശ്യങ്ങളില് വ്യക്തമായ മറുപടി പറയുന്നതിനു സര്ക്കാരിനു കഴിഞ്ഞില്ലെന്നാണ് ജീവനക്കാരുടെ ആരോപണം. മാസ്റ്റര് സ്കെയില്, പ്രാബല്യ തീയതി എന്നീ വിഷയങ്ങളില് ചര്ച്ചയില് വ്യക്തമായ ഒരു ഉറപ്പും നല്കിയില്ല.
പാര്ക്ക് ബസുകള് നിരത്തിലിറക്കി യാത്രാക്ലേശം പരിഹരിക്കുക, ശമ്പള പരിഷ്ക്കരണം എത്രയും വേഗം നടപ്പാക്കുക എന്നതുള്പ്പെടെ വിവിധ ആവശ്യങ്ങള് ചര്ച്ചയില് സംഘടനകള് മുന്നോട്ടുവച്ചിട്ടുണ്ട്. എന്നാല് അന്തിമ തീരുമാനമെടുക്കുന്നതിനു സര്ക്കാര് സാവകാശം ചോദിച്ചു.
എന്നാല് അടുത്ത ശമ്പള വിതരണത്തിനു മുന്പായി ശമ്പള പരിഷ്കരണ നടപടികള് പൂര്ത്താക്കാന് സാധിക്കുമെന്നും സംഘടനകള് സമരത്തിനിറങ്ങരുതെന്നും ഗതാഗതമന്ത്രി ആന്റണി രാജു സംഘടനാ പ്രതിനിധികളോട് അഭ്യര്ഥിച്ചെങ്കിലും സമരവുമായി മുന്നോട്ടു പോകുന്ന നിലപാടില് സംഘടനകള് ഉറച്ചു നില്ക്കുകയാണ്.
https://www.facebook.com/Malayalivartha
