നടന് ജോജു ജോര്ജിനെതിരെ ആരോപണങ്ങള് ആവര്ത്തിച്ച് കെ സുധാകരന്;എല്ഡിഎഫിന് ഭരണമുള്ളപ്പോള് ജോജു മദ്യപിച്ചില്ലെന്ന് വരുത്താന് അനായാസം കഴിയും
കോണ്ഗ്രസ് നടത്തിയ വഴിതടയല് സമരത്തിനെതിരെ പ്രതികരിച്ച നടന് ജോജു ജോര്ജിനെതിരെ ആരോപണങ്ങള് ആവര്ത്തിച്ച് കെപിസിസി പ്രസിഡന്റ് കെ സുധാകരന്. എല്ഡിഎഫിന് ഭരണമുള്ളപ്പോള് ജോജു മദ്യപിച്ചില്ലെന്ന് വരുത്താന് അനായാസം കഴിയുമെന്നും പരിശോധനാഫലം ശരിയായാല് പോലും മദ്യപനെ പോലെയാണ് ജോജു പെരുമാറിയതെന്നും കെ സുധാകരന് ആരോപിച്ചു.
ജോജു മദ്യപിച്ചെന്ന് പ്രചരിപ്പിച്ചത് കോണ്ഗ്രസുകാരല്ലെന്നും പോലീസുകാരാണ് അത്തരത്തില് ആദ്യം പറഞ്ഞതെന്നും സ്വകാര്യ വാര്ത്ത ചാനലിന് നല്കിയ അഭിമുഖത്തില് സുധാകരന് ആരോപിച്ചു. അതേസമയം, നടന് ജോജു ജോര്ജുമായി ബന്ധപ്പെട്ടുണ്ടായ പ്രശ്നം ഒത്തുതീര്പ്പിലേക്കെന്ന് കോണ്ഗ്രസ് അറിയിച്ചു. ജോജുവിന്റെ സുഹൃത്തുക്കളുമായി സംസാരിച്ചതായും ഒത്തുതീര്പ്പിന് മുന്കയ്യെടുക്കുമെന്നും എറണാകുളം ഡിസിസി പ്രസിഡന്റ് മുഹമ്മദ് ഷിയാസ് മാധ്യമങ്ങളോട് വ്യക്തമാക്കി. കേസുകള് പിന്വലിക്കുന്നത് പരസ്പരം ചര്ച്ച ചെയ്ത് തീരുമാനിക്കുമെന്നും ഷിയാസ് പറഞ്ഞു.
https://www.facebook.com/Malayalivartha
