വളരെ വിത്യസ്തമായ ഒരു മോഷണ കഥയാണ് ഇപ്പോൾ പുറത്ത് വരുന്നത്. അതും കോടതിമുറിയ്ക്കുള്ളിൽ തന്നെ അങ്ങനെ സംഭവിച്ചാൽ എന്ത് ചെയ്യും. അത്തരത്തിലുള്ള ഒരു സംഭവമാണ് ഇപ്പോൾ പുറത്ത് വരുന്നത്.

കോടതിമുറിക്കുള്ളിൽ നിന്ന് പൊലീസുകാരന്റെ മൊബൈൽ ഫോൺ മോഷണം പോയി. പേട്ട പൊലീസ് സ്റ്റേഷനിലെ സിവിൽ പൊലീസ് ഓഫീസർ വിജി ഷൈനിന്റെ ഫോണാണ് നഷ്ടമായത്.

അഡീഷണൽ ചീഫ് ജുഡീഷ്യൽ മജിസ്‌ട്രേറ്റ് വിവീജ രവീന്ദ്രൻ കേസുകൾ പരിഗണിക്കുന്നതിനിടെയായിരുന്നു സംഭവം. ഷൈനിന്റെ 18000 രൂപ വിലയുള്ള ഫോണാണ് കള്ളൻ കൊണ്ടുപോയത്.

പെറ്റി കേസുകളുടെ ഫയൽ എടുക്കാൻ കോടതി ഓഫീസിലേക്ക് പോയി മടങ്ങി വന്നപ്പോളാണ് ഫോൺ നഷ്ടമായ വിവരം അറിയുന്നത്.ഷൈനിന്റെ ഫോൺ ഇപ്പോൾ സ്വിച്ച് ഓഫാണ്. അതിനാൽത്തന്നെ ഫോൺ കണ്ടെത്താനുള്ള ശ്രമം പാഴായി. കോടതി ഡ്യൂട്ടിയിൽ നിന്ന് വിട്ടുനിൽക്കാൻ കഴിയാതിരുന്നതിനാൽ ഫോൺ മോഷണം പോയ ഉടൻ വിവരം പൊലീസിൽ അറിയിക്കാനും ഷൈനിന് സാധിച്ചില്ല.