സതീശനും സുധാകരനുമെതിരെ പരാതി പെട്ടിയുമായി ഡല്‍ഹിയിലെത്തിയ ഉമ്മന്‍ ചാണ്ടിയെ സോണിയാ ഗാന്ധി നിരാശനാക്കി തിരിച്ചുവിട്ടു.

ഉമ്മന്‍ ചാണ്ടി അദ്ദേഹത്തിന്റെ പ്രായം ശ്രദ്ധിക്കണമെന്നും ഡല്‍ഹിയിലെ മഞ്ഞില്‍ വീണുരുകരുതെന്നും സോണിയാജി പറഞ്ഞതായാണ് വിവരം.ചാണ്ടി ഉമ്മന്റെ കാര്യം സുധാകരനോട് പറയാമെന്ന ഉറപ്പ് ഉമ്മന്‍ ചാണ്ടിക്ക് കിട്ടിയത് മാത്രമാണ് ഏക ആശ്വാസം.

ചാണ്ടി ഉമ്മന് കെ പി സി സി ഓഫീസിന്റെ വരാന്തയില്‍ പോലും ഇടം നല്‍കാത്തതാണ് ഉമ്മന്‍ ചാണ്ടിയെ വേദനിപ്പിച്ചത്. അടുത്ത നിയമസഭാ തെരഞ്ഞടുപ്പിലോ ലോകസഭാ തെരഞ്ഞടുപ്പിലോ മകനെ മത്സരിപ്പിച്ച് ജയിപ്പിക്കാന്‍ ഉമ്മന്‍ ചാണ്ടിക്ക് ആഗ്രഹമുണ്ട്.താ നും തന്റെ ഗ്രൂപ്പുമൊന്നും ഉമ്മന്‍ ചാണ്ടിക്ക് വിഷയമേയല്ല. തന്റെ കണ്ണടയും മുമ്പ് മകനെ ഒരു കരയ്‌ക്കെത്തിക്കുക എന്ന ആഗ്രഹം മാത്രമാണ് അദ്ദേഹത്തിനുള്ളത്. എന്നാല്‍ ഇതില്‍ എ ഗ്രൂപ്പ് നേതാക്കള്‍ക്ക് അമര്‍ഷമുണ്ട്.

കേരള കോണ്‍ഗ്രസ് എം യു ഡി എഫ് വിട്ടതോടെ കോട്ടയം പാര്‍ലെമെന്റ് സീറ്റില്‍ കോണ്‍ഗ്രസിന് സ്ഥാനാര്‍ത്ഥിയെ മത്സരിപ്പിക്കാം. ഇതില്‍ ചാണ്ടി ഉമ്മന് താത്പര്യമുണ്ട്. എന്നാല്‍ കെ സി ജോസഫിനെ പോലുള്ള നേതാക്കള്‍ക്ക് ഇപ്പോഴും കോട്ടയം സീറ്റില്‍ താത്പര്യമുണ്ട്.

കെപിസിസി പുനസംഘടനയിലും, അച്ചടക്ക നടപടികളിലുമുള്ള കടുത്ത അതൃപ്തി ഉമ്മന്‍ചാണ്ടി ദേശീയ അധ്യക്ഷ സോണിയ ഗാന്ധിയെ അറിയിച്ചു. . രാഷ്ട്രീയകാര്യ സമിതി ഉപദേശകസമിതി മാത്രമാണോയെന്നതില്‍ എഐസിസി വ്യക്തത വരുത്തണമെന്ന് ഉമ്മന്‍ചാണ്ടി ആവശ്യപ്പെട്ടിട്ടുണ്ട്. കെപിസിസി അധ്യക്ഷന്‍ കെ സുധാകരന്റെയും പ്രതിപക്ഷനേതാവ് വി ഡി സതീശന്റെയും പ്രവര്‍ത്തന ശൈലിയില്‍ ഗ്രൂപ്പുകളുടെ കടുത്ത എതിര്‍പ്പറിയിച്ചാണ് ഉമ്മന്‍ചാണ്ടി സോണിയഗാന്ധിയെ കണ്ടത്. സംഘടന തെരഞ്ഞെടുപ്പ് പ്രഖ്യാപിച്ചതിന് ശേഷവും നടക്കുന്ന പുനസംഘടനയെ ഉമ്മന്‍ചാണ്ടി ചോദ്യം ചെയ്തു.

ഏകപക്ഷീയമായ അച്ചടക്ക നടപടി സ്വീകരിക്കുന്നതില്‍ അമര്‍ഷം അറിയിച്ച ഉമ്മന്‍ചാണ്ടി ഹൈക്കമാന്‍ഡ് നിരീക്ഷണത്തില്‍ സംസ്ഥാന കോണ്‍ഗ്രസില്‍ അച്ചടക്ക സമിതി വേണമെന്നാവശ്യപ്പെട്ടു. പാര്‍ട്ടി ഭരണഘടന പ്രകാരമാണോ ഇപ്പോള്‍ നടന്ന അച്ചടക്ക നടപടികളെന്ന് കേന്ദ്ര നേതൃത്വം പരിശോധിക്കണം. രാഷ്ട്രീയകാര്യ സമിതിയെ നോക്കുകുത്തിയാക്കി നേതാക്കള്‍ തീരുമാനമെടുക്കുന്നുവെന്ന് പരാതിപ്പെട്ട ഉമ്മന്‍ചാണ്ടി രാഷ്ട്രീയ കാര്യ സമിതി ഉപദേശക സമിതി മാത്രമാണെന്ന വിഡി സതീശന്റെ പ്രതികരണവും സോണിയ ഗാന്ധിയുടെ ശ്രദ്ധയില്‍പ്പെടുത്തി.

എല്ലാം സശ്രദ്ധം കേട്ട സോണിയാ ഗാന്ധി പക്ഷേ ഉമ്മന്‍ ചാണ്ടിയെ നിരാശനാക്കി. കേരളത്തില്‍ ഇടതുപക്ഷം രണ്ടാമതും അധികാരത്തില്‍ വരാനുള്ള ഏക കാരണം കോണ്‍ഗ്രസിന്റെ കഴിഞ്ഞകാല പ്രവര്‍ത്തനങ്ങളാണെന്ന് സോണിയ തുറന്നു പറഞ്ഞു.

എന്നാല്‍ പുനസംഘടനയില്‍ നിന്ന് പിന്നോട്ടില്ലെന്നാവര്‍ത്തിച്ച വിഡി സതീശന്‍ ചര്‍ച്ചയാകാമെന്ന ഉപാധി മുന്‍പോട്ട് വച്ചിട്ടുണ്ട് . വിഷയം കൂടുല്‍ സങ്കീര്‍ണ്ണമായതോടെ കേരളത്തിന്റെ ചുമതലയുള്ള താരിഖ് അന്‍വറിനെ ചര്‍ച്ചകള്‍ക്കായി ഹൈക്കമാന്‍ഡ് നിയോഗിച്ചിരിക്കുകയാണ്. നാളെ താരിഖ് അന്‍വര്‍ നടത്തുന്ന ചര്‍ച്ചയുടെ അടിസ്ഥാനത്തിലാകും ഹൈക്കമാന്‍ഡിന്റെ തുടര്‍ന്നുള്ള ഇടപെടല്‍.

അതിനിടെ പുനസംഘടനക്കെതിരായ നീക്കത്തില്‍ നിന്ന് ഗ്രൂപ്പ് നേതാക്കളെ പിന്തിരിപ്പിക്കണമെന്നാവശ്യപ്പെട്ട് ഒരു വിഭാഗം നേതാക്കള്‍ സോണിയ ഗാന്ധിക്ക് കത്തയക്കുകയും ചെയ്തിട്ടുണ്ട്. ഗ്രൂപ്പ് നേതാക്കളുടെ നീക്കം പാര്‍ട്ടിയെ തകര്‍ക്കാന്‍ ആണെന്നാണ് പരാതി. പുന:സംഘടനക്കെതിരായ നീക്കത്തില്‍ നിന്ന് ഇരുവരെയും പിന്തിരിപ്പിക്കണമെന്നും പരാതിക്കാര്‍ ഹൈക്കമാണ്ടിനോട് ആവശ്യപ്പെടുന്നുണ്ട്. ഈ നേതാക്കള്‍ തലമുറ മാറ്റത്തെ എതിര്‍ക്കുന്നത് മക്കള്‍ക്ക് വേണ്ടിയാണെന്നും ഒരു വിഭ?ഗം നേതാക്കള്‍ സോണിയാ ?ഗാന്ധിക്ക് നല്‍കിയ കത്തില്‍ പറയുന്നു.

തത്കാലം കേരള നേതാക്കളെ വെറുപ്പിക്കാതെ മകനെ നഷ്ടപ്പെടുത്താനാണ് ഉമ്മന്‍ ചാണ്ടിയുടെ നീക്കം.