സംസ്ഥാനത്ത് ഇന്നു മുതല് വ്യാഴാഴ്ച വരെ ഒറ്റപ്പെട്ട കനത്ത മഴയ്ക്ക് സാധ്യതയെന്ന് മുന്നറിയിപ്പ്... ഏഴു ജില്ലകളില് യെല്ലോ അലര്ട്ട് പ്രഖ്യാപിച്ചു, പ്രളയസാധ്യതാ പ്രദേശങ്ങളില് താമസിക്കുന്നവര് ജാഗ്രത പാലിക്കണമെന്നും കാലാവസ്ഥാ നിരീക്ഷണ കേന്ദ്രം
സംസ്ഥാനത്ത് തിങ്കളാഴ്ച മുതല് വ്യാഴാഴ്ച വരെ ഒറ്റപ്പെട്ട കനത്ത മഴയ്ക്ക് സാധ്യതയെന്ന് മുന്നറിയിപ്പ്. ഏഴു ജില്ലകളില് യെല്ലോ അലര്ട്ട് പ്രഖ്യാപിച്ചു.
പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളില് തിങ്കളാഴ്ച മുതല് വ്യാഴാഴ്ച വരെയും തിരുവനന്തപുരം കൊല്ലം ജില്ലകളില് ചൊവ്വാഴ്ച മുതല് വ്യാഴാഴ്ച വരെയുമാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്.
ഇവിടങ്ങളിലെ ഒറ്റപ്പെട്ട പ്രദേശങ്ങളില് എഴ് മുതല് 11 സെന്റിമീറ്റര് വരെയുള്ള ശക്തമായ മഴയ്ക്കാണ് സാധ്യതയെന്നും ഈ ജില്ലകളിലെ പ്രളയസാധ്യതാ പ്രദേശങ്ങളില് താമസിക്കുന്നവര് ജാഗ്രത പാലിക്കണമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
കേരള, കര്ണാടക തീരത്തും ലക്ഷദ്വീപ് ഭാഗത്തും മത്സ്യബന്ധനത്തിനു നിരോധനമില്ല. അതേസമയം മധ്യ കിഴക്കന് മധ്യപടിഞ്ഞാറന് അറബിക്കടലില് അടുത്ത 24 മണിക്കൂറില് കാറ്റിന്റെ വേഗം ചില അവസരങ്ങളില് മണിക്കൂറില് 60 കിലോമീറ്റര് വരെ ആകാന് സാധ്യതയുള്ളതിനാല് മത്സ്യത്തൊഴിലാളികള് ഈ ഭാഗത്തേക്കു പോകരുതെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പു നല്കി.
"
https://www.facebook.com/Malayalivartha
