രാജ്യസഭയില്‍ നിന്നു 12 പ്രതിപക്ഷ എംപിമാരെ സസ്‌പെന്‍ഡു ചെയ്ത നടപടി.... പ്രതിപക്ഷം ഒന്നടങ്കം ഇന്നു രാജ്യസഭ ബഹിഷ്‌കരിക്കും
രാജ്യസഭയില്‍ നിന്നു 12 പ്രതിപക്ഷ എംപിമാരെ സസ്‌പെന്‍ഡു ചെയ്ത നടപടി.... പ്രതിപക്ഷം ഒന്നടങ്കം ഇന്നു രാജ്യസഭ ബഹിഷ്‌കരിക്കും. പാര്‍ലമെന്റിലെ ഗാന്ധി പ്രതിമയ്ക്കു മുന്നില്‍ സസ്‌പെന്‍ഷനിലായ എംപിമാര്‍ ദിവസവും നടത്തുന്ന സത്യഗ്രഹത്തില്‍ രാജ്യസഭയിലെ മുഴുവന്‍ പ്രതിപക്ഷ എംപിമാരും ഇന്ന് അണിചേരും.
കഴിഞ്ഞ സമ്മേളനത്തിലെ പ്രതിഷേധത്തിന്റെ പേരില്‍ ഒരു സമ്മേളന കാലം മുഴുവന്‍ 12 പ്രതിപക്ഷ എംപിമാരെ കൂട്ടത്തോടെ പുറത്തു നിര്‍ത്തിയ സംഭവം കേട്ടുകേള്‍വിയില്ലാത്തതാണെന്ന് നേതാക്കള്‍ ചൂണ്ടിക്കാട്ടി.
പാര്‍ലമെന്റിന്റെ ശൈത്യകാല സമ്മേളനം കഴിഞ്ഞ മാസം 29ന് തുടങ്ങിയതു മുതല്‍ എംപിമാര്‍ സത്യഗ്രഹം തുടര്‍ന്നിട്ടും പ്രശ്‌നപരിഹാരം നീളുന്നതിനാലാണ് മുഴുവന്‍ പ്രതിപക്ഷ എംപിമാരും സമരത്തില്‍ പങ്കാളികളാകാന്‍ തീരുമാനിച്ചത്.
രാജ്യസഭയിലെ പ്രതിപക്ഷ നേതാവ് മല്ലികാര്‍ജുന്‍ ഖാര്‍ഗെയുടെ നേതൃത്വത്തില്‍ പ്രതിപക്ഷ എംപിമാര്‍ കക്ഷിഭേദമന്യേ സമരത്തില്‍ പങ്കുചേരാനാണു തീരുമാനം. സോണിയാ ഗാന്ധി, രാഹുല്‍ ഗാന്ധി, എ.കെ. ആന്റണി അടക്കമുള്ള പ്രതിപക്ഷ നേതാക്കളെല്ലാം കഴിഞ്ഞ ദിവസങ്ങളില്‍ സത്യഗ്രഹമിരിക്കുന്ന എംപിമാര്‍ക്കു പിന്തുണയുമായെത്തിയിരുന്നു. എന്‍സിപി നേതാക്കളായ ശരത് പവാര്‍, പ്രഫുല്‍ പട്ടേല്‍, ശിവസേനാ എംപി സഞ്ജയ് റാവത്ത്, എസ്പി നേതാവ് ജയ ബച്ചന്‍ തുടങ്ങി നിരവധി നേതാക്കളും ഇന്നലെ സത്യഗ്രഹ വേദിയിലെത്തി പിന്തുണ പ്രഖ്യാപിച്ചു.
https://www.facebook.com/Malayalivartha
