പലപ്പോഴും ഹോട്ടൽ ഭക്ഷണങ്ങളിൽ ക്ഷണിക്കപ്പെടാത്ത അതിഥികൾ പോലെ പലതും ഉണ്ടാകും. അത്തരത്തിൽ എത്രയെത്ര സംഭവങ്ങളാണ് നാം കണ്ടിട്ടുള്ളത്. ഇപ്പോഴിതാ 8 x 10 സ്പാനർ ഇട്ട കേക്ക് ഉണ്ടെങ്കിൽ അറിയിക്കണേ... എന്ന ആവശ്യവുമായി ശ്രീജിത്ത് പണിക്കർ രംഗത്ത് എത്തിയിരിക്കുകയാണ്. കഴിഞ്ഞദിവസം തിരുവനന്തപുരത്തെ ഒരു ബേക്കറിയിൽ നിന്നും കേക്ക് വാങ്ങിയ അനുഭവമാണ് ഇത്തരത്തിലൊരു ഫേസ്ബുക്ക് കുറിപ്പിലേക്ക് ശ്രീജിത്തിനെ നയിച്ചത്.

ഫേസ്ബുക്ക് കുറിപ്പിന്റെ പൂർണരൂപം ഇങ്ങനെ;

തിരുവനന്തപുരം ശ്രീകാര്യം ക്യുആർഎസ്–നീൽഗിരിസ് സൂപ്പർമാർക്കറ്റിലെ അംബ്രോസിയയിൽ നിന്നും ഇന്നലെ ഒരു ഹവായിയൻ പൈനാപ്പിൾ കേക്ക് വാങ്ങി. നിറയെ നട്ട്സ് വിതറിയ കേക്കാണ്. നല്ല രുചി. കഴിച്ചുവന്നപ്പോൾ എനിക്കും നട്ട്സ് കിട്ടി. നല്ല ഒന്നാന്തരം ഇരുമ്പിന്റെ നട്ട്സ്! നന്ദി അംബ്രോസിയ; ഇനി 8 x 10 സ്പാനർ ഇട്ട കേക്ക് ഉണ്ടെങ്കിൽ അറിയിക്കണേ'.