വിതുരയില്‍ ആദിവാസി യുവാവിനെ കാണാനില്ലെന്ന് ബന്ധുകള്‍ വിതുര പോലീസില്‍ പരാതി നല്‍കി. ഞായറാഴ്ച്ച വൈകിട്ട് വീട്ടില്‍ നിന്നും പോയ മണലി സ്വദേശി സന്തോഷ് എന്നയാളെ ആണ് കാണാതായത്. മെഡിക്കല്‍ കോളജ് ആശുപത്രിയില്‍ നിന്നും കാണാതായതെന്നാണ് പരാതി.

ഞായറാഴ്ച രാത്രി 11 മണിയോടെ പാലോട് തെന്നൂരില്‍ വെച്ച് കാണാതായ സന്തോഷ് സഞ്ചരിച്ച ജീപ്പും സ്‌കൂട്ടറും കൂട്ടിയിടിച്ചുണ്ടായ അപകടത്തില്‍ ഒരാള്‍ മരിച്ചിരുന്നു. മറ്റൊരാള്‍ക്ക് പരിക്ക് പറ്റിയതിനെ തുടര്‍ന്ന് സന്തോഷും കൂടെയുണ്ടായിരുന്ന വ്യക്തിയും ചേര്‍ന്ന് മെഡിക്കല്‍ കോളജില്‍ കൊണ്ടുപോയി. ഇവിടെ വെച്ചാണ് കാണാതായതെന്നാണ് ബന്ധുക്കള്‍ ആരോപിക്കുന്നത്.