സന്തോഷ് പണ്ഡിറ്റ് തൻറേതായ കാഴ്ച്ചപ്പാടുകൾ ഫേസ്ബുക്കിലൂടെ പങ്കു വയ്ക്കാറുണ്ട്. ഇപ്പോൾ ഇതാ ഒരു രാഷ്ട്രീയ നിരീക്ഷണവുമായി രംഗത്ത് വന്നിരിക്കുകയാണ്. അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; പണ്ഡിറ്റിന്റെ രാഷ്ട്രീയ നിരീക്ഷണം

പത്മഭൂഷൺ പുരസ്കാരം പശ്ചിമബം​ഗാൾ മുൻ മുഖ്യമന്ത്രിയും സിപിഎം നേതാവുമായ ബുദ്ധദേവ് ഭട്ടാചാര്യ ജി നിരസിച്ചല്ലോ .. ഇതിനു മുമ്പ് കേരളത്തിലെ ഒരു സാഹിത്യകാരനും , ഒരു ഗായികയും ഈ അവാർഡ് നിരസിച്ചിട്ടുണ്ട് . നിരസിക്കാൻ ഉള്ള സ്വാതന്ത്ര്യം എല്ലാവർക്കും ഉണ്ട്.. പക്ഷെ ഒരു മുൻ മുഖ്യമന്ത്രി നിരസിച്ചത് ശരിയായില്ല എന്നാണു എന്റെ അഭിപ്രായം .

രാജ്യത്തിൻ്റെ ആദരവ് നിരസിക്കുന്ന ഒരു മുൻ മുഖ്യമന്ത്രി എന്ന് ചരിത്രം രേഖപ്പെടുത്തുന്നത് നല്ലതാണോ ? എന്നാൽ കോൺഗ്രസ് പാർട്ടിയുടെ കരുത്തനായ നേതാവ് ഗുലാം നബി ആസാദ് ജി ഈ അവാർഡ് സന്തോഷത്തോടെ വാങ്ങുന്നു. ഇന്ത്യ കൊടുക്കുന്ന ബഹുമതിയാണ് അതിൽ രാഷ്ട്രീയം കാണേണ്ട കാര്യം ഇല്ലാ എന്ന് ചിന്തിക്കുന്നു .

ഇതിനു മുമ്പ് അമേരിക്ക അടക്കം വിദേശ രാജ്യങ്ങൾ കൊടുത്ത പല അവാർഡും , ബഹുമതിയും നിരവധി കമ്മ്യൂണിസ്റ്റ് നേതാക്കൾ അവിടെ പോയി തന്നെ വാങ്ങിയിട്ടുണ്ട് . രാജ്യത്തെ പ്രതിനിധീകരിച്ചു അവാർഡ് തരുമ്പോൾ അത് സാമ്രാജ്യത്വ ശക്തിയാണോ , ഫാസിസം കൊണ്ട് നടക്കുന്നവർ ആണോ , തരുന്നവരുടെ രാഷ്ട്രീയം എന്ത് എന്ന് ചിന്തിക്കേണ്ട ആവശ്യം ഉണ്ടെന്നു എനിക്ക് തോന്നുന്നില്ല .

എങ്കിലും കമ്മ്യൂണിസ്റ്റ് പാർട്ടി നിലപാട് അറിഞ്ഞു തീരുമാനം എടുത്ത നേതാവ് പാർട്ടിയോട് നൂറു ശതമാനം ആത്മാർഥത കാണിച്ചു എന്ന് കരുതാം .
ഹെലികോപ്ടർ അപകടത്തിൽ കൊല്ലപ്പെട്ട സംയുക്ത സൈനിക മേധാവി ജനറൽ ബിപിൻ റാവത് ജി അടക്കം നാല് പേർക്ക് ഈ വർഷത്തെ പത്മവിഭൂഷൺ പുരസ്കാരം നൽകി .

കേരളത്തിൽ നിന്ന് നാലു പേർ പത്മശ്രീ പുരസ്കാരത്തിന് അർഹരായി. ശങ്കരനാരായണ മേനോന്‍ ചുണ്ടയില്‍ ജി (കായികം) , ശോശാമ്മ ഐപ്പ് ജി (മൃഗസംരക്ഷണ മേഖല), പി.നാരായണ കുറുപ്പ് ജി (സാഹിത്യം), കെ.വി. റാബിയ ജി (സാമൂഹ്യ പ്രവർത്തനം ) തുടങ്ങിയവർക്കാണ് പത്മശ്രീ. എല്ലാ അവാർഡ് ജേതാക്കൾക്കും അഭിനന്ദനങ്ങൾ .

(വാൽകഷ്ണം ... അടുത്ത വർഷമെങ്കിലും അവാർഡ് പ്രഖ്യാപിക്കുമ്പോൾ കേന്ദ്ര സർക്കാർ കുറച്ചു കൂടി സൂക്ഷ്മത പുലർത്തും എന്ന് കരുതുന്നു . അവാർഡ് കിട്ടിയ വ്യക്തി അത് നിരസിക്കുന്നത് രാജ്യത്തെ മറ്റു രാജ്യങ്ങൾക്കു മുന്നിൽ മോശമാക്കുവാൻ കാരണം ആകും എന്ന് ഇപ്പോഴും ചിന്തിക്കുക . പത്മ അവാർഡ് എന്നല്ല , സിനിമാ അവാർഡ് ആയാലും ഈ അനുഭവം ഓർക്കുക ..)