കേരളം ആകാംഷയോടെ.... ചികിത്സയില് കഴിയുന്ന വാവാ സുരേഷിന്റെ ആരോഗ്യനിലയില് ആശാവഹമായ പുരോഗതിയുള്ളതായി ഡോക്ടര്മാര് ... മൂര്ഖന്റെ കടിയേറ്റതിനു പിന്നാലെയുണ്ടായ ഹൃദയസ്തംഭനംമൂലം തലച്ചോറിനു ആഘാതം ഉണ്ടായോ എന്ന് പരിശോധിക്കുമെന്നും ഡോക്ടര്മാര്
03 FEBRUARY 2022 07:07 AM IST
മലയാളി വാര്ത്ത
ഇന്നലെ വൈകിട്ടും ഇന്ന് രാവിലെയും സുരേഷിന്റെ ആരോഗ്യ നില അല്പം ആശങ്ക നിറഞ്ഞിരുന്നതായിരുന്നു എങ്കിലും ഇന്നുച്ചയോടെ ആരോഗ്യനിലയില് ആശാവഹമായ പുരോഗതി കൈവന്നതായി ഡോക്ടര്മാര് പറഞ്ഞു.
തലച്ചോറിന്റെ പ്രവര്ത്തനത്തിലും ആശാവഹമായ പുരോഗതിയുണ്ടായതായി കോട്ടയം മെഡിക്കല് കോളജിലെ അഞ്ചംഗ മെഡിക്കല് ടീം വ്യക്തമാക്കി. കൈ ഉയര്ത്താന് പറഞ്ഞപ്പോള് കൈ അല്പം ഉയര്ത്തി മെഡിക്കല് ടീമിന്റെ നിര്ദേശത്തോടെ വാവ സുരേഷ് പ്രതികരിക്കുകയും ചെയ്തു. മാത്രമല്ല അബോധാവസ്ഥയില് കാലുകളും ചലിപ്പിച്ചുതുടങ്ങിയിട്ടുണ്ട്. സാഹചര്യം ഇങ്ങനെയെങ്കിലും കഴിഞ്ഞ ദിവസമുണ്ടായ ഹൃദയാഘാതം ഏറെ കഠിനമായിരുന്നുവെന്നും ആരോഗ്യനില വീണ്ടെടുക്കാന് മാസങ്ങള് വേണ്ടിവരുമെന്നുമാണ് ഡോക്ടര്മാര് വെളിപ്പെടുത്തുന്നത്. നിലവിലെ സാഹചര്യത്തില് ഇനി പാമ്പുപിടിത്തം തുടരാനാകുമോ എന്നതും വ്യക്തമല്ല. ന്യൂറോ, കാര്ഡിയാക് വിദഗ്ധര്മാര് അടങ്ങുന്ന പ്രത്യേക അഞ്ചംഗ സംഘത്തിന്റെ മേല്നോട്ടത്തിലാണ് സുരേഷിന്റെ വിദഗ്ധ ചികിത്സ നടന്നുവരുന്നത്.
സാധാരണക്കാരില് ഒന്നോ രണ്ടോ മിനിറ്റിനുള്ളില് മരണം സംഭവിക്കാവുന്ന അളവിലാണ് വാവ സുരേഷിന്റെ ശരീരത്തില് മൂര്ഖന്റെ വിഷം കയറിയിരിക്കുന്നത്.
ഹൃദയമിടിപ്പും രക്തസമ്മര്ദ്ദവും സാധാരണ നിലയിലേക്കെത്തിയെങ്കിലും സുബോധം വീണ്ടെടുക്കാനായിട്ടില്ല. തിങ്കളാഴ്ച വൈകിട്ട് കോട്ടയത്തെ സ്വകാര്യ ആശുപത്രിയില് നിന്നും മെഡിക്കല് കോളജ് ആശുപത്രിയിലെത്തിക്കുമ്പോള് വാവ സുരേഷിന്റെ നില അതീവ ഗുരുതരാവസ്ഥയിലായിരുന്നു. ഹൃദയത്തിന്റെ പ്രവര്ത്തനം ഇരുപത് ശതമാനം മാത്രമാണ് ഉണ്ടായിരുന്നത്.
ആദ്യഘട്ടത്തില് അബോധാവസ്ഥയിലായ വാവ സുരേഷ് മരുന്നുകളോട് കാര്യമായി പ്രതികരിച്ചിരുന്നില്ല. മാത്രവുമല്ല വിഷത്തിന്റെ ആഘാതം മൂലം ഹൃദയാഘാതം തീവ്രമാകുമോ എന്ന ആശങ്കയുമുണ്ടായിരുന്നു. തിങ്കളാഴ്ച വൈകുന്നേരം ചങ്ങനാശ്ശേരിക്കു സമീപം കുറിച്ചിയില് നിന്ന് മൂര്ഖന്പാമ്പിനെ പിടിക്കാന് ശ്രമിക്കുന്നതിനിടെ തിങ്കളാഴ്ച വൈകുന്നേരം നാലരയ്ക്കാണ് വാവ സുരേഷിന് കടിയേറ്റത്.
ആറരയടി നീളമുള്ള മൂര്ഖനെ പിടികൂടി ചാക്കിലേക്ക് മാറ്റുന്നതിനിടെ പൊടുന്നനെ വളഞ്ഞുവന്ന് സുരേഷിന്റെ വലതുതുടയില് ആഞ്ഞു കടിക്കുകയായിരുന്നു.
ആദ്യം കോട്ടയം ഭാരത് ആശുപത്രിയില് പ്രവേശിപ്പിച്ച സുരേഷിനെ പിന്നീട് കോട്ടയം മെഡിക്കല് കോളേജ് ആശുപത്രിയിലേക്ക് മാറ്റുകയായിരുന്നു.
കുറിച്ചി ഗ്രാമപ്പഞ്ചായത്ത് ഒന്നാംവാര്ഡില് പാട്ടാശ്ശേരി വാണിയപ്പുരയ്ക്കല് ജലധരന്റെ വീടിനുസമീപത്തെ കരിങ്കല്ലിനടയില് ഒരാഴ്ചയായി കഴിഞ്ഞിരുന്ന മൂര്ഖനെ പിടിക്കാന് തിങ്കളാഴ്ച മൂന്നുമണിയോടെ വാവ സുരേഷ് എത്തിയത്. സുരേഷ് കല്ക്കെട്ട് പൊളിച്ചുമാറ്റിയതോടെ പാമ്പ് പുറത്തുചാടി ഉടന് പാമ്പിനെ വാവ സുരേഷ് വാലില് തൂക്കിയെടുത്തു. പാമ്പിനെ ഇടാന് പ്ലാസ്റ്റിക് ടിന് ആവശ്യപ്പെട്ടു.
അതില് കയറ്റാനാവാതെവന്നതോടെ ചാക്ക് ഉപയോഗിച്ചു. ചാക്കിനുള്ളില് മൂന്നുതവണ പാമ്പ് കയറിയെങ്കിലും ഉടന് പുറത്തിറങ്ങി. വീണ്ടും ചാക്കിനുള്ളില് കയറ്റാനുള്ള ശ്രമത്തിനിടയിലാണ് വാവ സുരേഷിന്റെ തുടയില് പാമ്പ് ആഞ്ഞുകടിച്ചത്. സുരേഷ് പാമ്പിനെ ബലമായി കാലില്നിന്ന് പറിച്ചെറിഞ്ഞശേഷം ഇരുകൈയുംകൊണ്ട് അമര്ത്തി രക്തം പുറത്തേക്കുകളഞ്ഞു. വീണ്ടും കരിങ്കല്കൂട്ടത്തിലേക്ക് കയറാന് ശ്രമിച്ച പാമ്പിനെ അദ്ദേഹം ഉടന് പിടികൂടി ടിന്നിലാക്കി. പിന്നീട് നാട്ടുകാരുടെ സഹായത്തോടെയാണ് കോട്ടയം ഭാരത് സ്വകാര്യ ആശുപത്രിയിലും തുടര്ന്ന് മെഡിക്കല് കോളജിലും എത്തിച്ചത്. "
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
