തിരുവനന്തപുരത്ത് മദ്യപാനത്തിനിടയിലെ തര്‍ക്കത്തില്‍ കുപ്പികൊണ്ട് തലയ്ക്ക് അടിയേറ്റ് ഓരാള്‍ക്ക് പരിക്ക്. തലസ്ഥാനത്തെ കുപ്രസിദ്ധ ഗുണ്ടയായ മെന്റല്‍ ദീപുവിനാണ് പരിക്കേറ്റത്. ചന്തവിളയില്‍ വെച്ചാണ് സംഭവം നടന്നത്.

ദീപുവും ഒരു സംഘവും മദ്യപിക്കുന്നതിനിടെയാണ് കൂട്ടത്തിലൊരാള്‍ കുപ്പികൊണ്ട് ശക്തമായി തലയ്ക്കടിച്ചത്. ഗുരുതരമായി പരിക്കേറ്റ ദീപുവിനെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

സംഭവവുമായി ബന്ധപ്പെട്ട് ഒരാളെ പോലീസ് കസ്റ്റഡിയിലെടുത്തിട്ടുണ്ട്. പോത്തന്‍കോട് പോലീസാണ് കേസ് അന്വേഷിക്കുന്നത്.