വിദ്യാര്‍ത്ഥിനികളെ ശാരീരികമായി ഉപദ്രവിച്ചെന്ന പരാതിയില്‍ മദ്രസ അദ്ധ്യാപകനെ പൊലീസ് കസ്റ്റഡിയില്‍ എടുത്തു. പെരുമ്ബെട്ടി പൊലീസ് സ്റ്റേഷന്‍ പരിധിയിലെ വായ്പൂര് ഊട്ടുകുളം മദ്രസയിലെ അദ്ധ്യാപകന്‍ കൊല്ലം കാവനാട് തെക്കേവാപ്പറമ്ബ് പനമൂട്ടില്‍ കിഴക്കേതില്‍ ഉസ്താദ് മുഹമ്മദ് സാലിഹ് (57) ആണ് പെരുമ്ബെട്ടി പൊലീസിന്റെ കസ്റ്റഡിയില്‍ ഉള്ളത്.

മൂന്നു പെണ്‍കുട്ടികളെ ഇയാള്‍ ശാരീരികമായി ഉപദ്രവിച്ചൂവെന്ന് പരാതി ലഭിച്ചിരുന്നു. കുട്ടികളില്‍ ഒരാളുടെ മാതാവിന്‍െ്റ പരാതി പ്രകാരമാണ് അറസ്റ്റ്. പ്രതി പൊലീസ് കസ്റ്റഡിയില്‍ നിരീക്ഷണത്തിലാണ്. പോക്സോ ആക്‌ട് പ്രകാരമാണ് ഇയാള്‍ക്കെതിരേ കേസ് എടുത്തിട്ടുള്ളത്. അറസ്റ്റ് രേഖപ്പെടുത്തി ഇയാളെ നാളെ കോടതിയില്‍ ഹാജരാക്കും.