കേരള സിലബസ് വിദ്യാര്‍ത്ഥികള്‍ പുതുക്കിയിറക്കിയ കീം റാങ്ക് പട്ടികയ്‌ക്കെതിരെ നാളെ സുപ്രീംകോടതിയെ സമീപിക്കും. പുതിയ റാങ്ക് പട്ടിക പ്രസിദ്ധീകരിച്ചതോടെ പിന്നോട്ടുപോയ ഒരു കൂട്ടം വിദ്യാര്‍ത്ഥികള്‍ ചേര്‍ന്നാണ് ഹര്‍ജി സമര്‍പ്പിക്കുക. പുതിയ ഫോര്‍മുല ഡിവിഷന്‍ ബെഞ്ചും തള്ളിയെങ്കിലും അപ്പീല്‍ പോകേണ്ടെന്നായിരുന്നു സര്‍ക്കാര്‍ തീരുമാനം.

ഇതോടെയാണ് സ്വന്തം നിലയ്ക്ക് സുപ്രീംകോടതിയെ സമീപിക്കാനായി ഒരു വിഭാഗം വിദ്യാര്‍ത്ഥികള്‍ ഒരുങ്ങുന്നത്. ഇതിനിടെ, പ്രവേശന നടപടികള്‍ പൂര്‍ത്തീകരിക്കുന്നതിനുള്ള സമയപരിധി ഒരു മാസം കൂടി നീട്ടിത്തരണമെന്ന് ആവശ്യപ്പെട്ട് എ.ഐ.സി.ടി.ഇയെ സമീപിച്ചിരിക്കുകയാണ് സര്‍ക്കാര്‍. നിലവിലെ സമയപരിധി ഓഗസ്റ്റ് 15ന് അവസാനിക്കാനിരിക്കെയാണ് സര്‍ക്കാരിന്റെ ഈ നീക്കമുള്ളത്.