തിരുവനന്തപുരം മേയര്‍ ആര്യ രാജേന്ദ്രന്‍ വിവാഹിതയാകുന്നു.... വരന്‍ ബാലുശേരി എംഎല്‍എ കെ.എം. സച്ചിന്‍ ദേവ്
തിരുവനന്തപുരം മേയര്‍ ആര്യ രാജേന്ദ്രന്‍ വിവാഹിതയാകുന്നു.... വരന്‍ ബാലുശേരി എംഎല്‍എ കെ.എം. സച്ചിന്‍ ദേവ്. വിവാഹ തീയതി തീരുമാനിച്ചിട്ടില്ല. ഒരു മാസത്തിന് ശേഷമാവും വിവാഹം.
ബാലസംഘം എസ്എഫ്‌ഐ പ്രവര്‍ത്തന കാലം മുതലുള്ള ഇവരുടെ പരിചയമാണ് വിവാഹത്തിലേക്കെത്തിയത്. ബാലസംഘം, എസ്എഫ്‌ഐ പ്രവര്‍ത്തന കാലത്തു തന്നെ ഇരുവരും സുഹൃത്തുക്കളായിരുന്നു.
എസ്എഫ്‌ഐ സംസ്ഥാന സെക്രട്ടറിയായിരിക്കെ ഇക്കഴിഞ്ഞ നിയമസഭാ തിരഞ്ഞെടുപ്പിലാണ് ഇരുപത്തിയെട്ടുകാരനായ സച്ചിന്‍ദേവ് നിയമസഭയിലേക്കു മത്സരിച്ച് വിജയിച്ചത്.
കോഴിക്കോട് നെല്ലിക്കോട് സ്വദേശിയാണ് സച്ചിന്‍ദേവ്. കോഴിക്കോട്് ഗവണ്‍മെന്റ് ആര്‍ട്‌സ് കോളേജില്‍ നിന്നും ഇംഗ്ലീഷ് സാഹിത്യത്തില്‍ ബിരുദവും കോഴിക്കോട് ലോ കോളേജില്‍ നിന്നും നിയമ ബിരുദവും നേടിയ സച്ചിന്‍ നിലവില്‍ എസ്എഫ്‌ഐ അഖിലേന്ത്യാ ജോയിന്റ് സെക്രട്ടറി കൂടിയാണ്.
അതേസമയം ഇരുപത്തിയൊന്നാം വയസ്സില്‍ തിരുവനന്തപുരം നഗരസഭയുടെ മേയറായതിലൂടെ രാജ്യത്തിന്റെയാകെ ശ്രദ്ധ നേടിയ വിദ്യാര്‍ത്ഥി നേതാവാണ് ആര്യ രാജേന്ദ്രന്‍. ബാല സംഘത്തിന്റെ സംസ്ഥാന പ്രസിഡന്റും എസ്എഫ്‌ഐ സംസ്ഥാന കമ്മിറ്റി അംഗവുമായ ആര്യ നിലവില്‍ സിപിഎം ചാല ഏരിയ കമ്മിറ്റി അംഗവുമാണ്.
തിരുവനന്തപുരം ഓള്‍ സെയിന്റ്‌സ് കോളേജില്‍ വിദ്യാര്‍ത്ഥിയായിരിക്കെയാണ് ആര്യ രാജേന്ദ്രന്‍ രാജ്യത്തെ ഏറ്റവും പ്രായം കുറഞ്ഞ മേയറായി ശ്രദ്ധ നേടിയത്.
https://www.facebook.com/Malayalivartha
