നാണക്കേട് മാറ്റിയേ പറ്റൂ... സര്ക്കാരിനേയും പോലീസിനേയും നാണം കെടുത്തി ജാമ്യം കിട്ടിയ പിസി ജോര്ജിനെ അകത്തിടാന് ശക്തമായ നീക്കം; പിസി ജോര്ജിന്റെ ജാമ്യം റദ്ദാക്കാന് പൊലീസ് കോടതിയിലേക്ക്; ജാമ്യ ഉപാധികള് ലംഘിച്ചെന്നു റിപ്പോര്ട്ട് നല്കും
ഈരാട്ടുപേട്ടയിലെ വീട്ടില് നിന്നും വെളുപ്പാന്കാലത്ത് പിസി ജോര്ജിനെ പോലീസ് കസ്റ്റഡിയിലെടുത്തപ്പോള് സര്ക്കാരിനും പോലീസിനും വലിയ കൈയ്യടിയാണ് കിട്ടിയത്. കേന്ദ്ര മന്ത്രി വി മുരളീധരനെ എആര് ക്യാമ്പിന്റെ പടി ചവിട്ടാന് അനുവദിക്കാതെ ഇരുന്നതോടെ ഒരു കാര്യം ഉറപ്പിച്ചു. പിസി അടുത്ത കാലത്തൊന്നും പുറത്തിറങ്ങില്ല. എന്നാല് ഒരു മണിക്കൂറിനുള്ളില് പിസി പൊടിയും തട്ടി പുറത്തിറങ്ങി. അതോടെ വലിയ നാണക്കേടാണ് പോലീസിനുണ്ടായത്.
എന്തിനാണ് പെട്രോളും അടിച്ച് ഉറക്കം കളഞ്ഞ് ഈരാറ്റുപേട്ടയിലെത്തി പിസി ജോര്ജിനെ ആനയിച്ചത്... ഈ നാണക്കേടില് നിന്നും മാറാന് പുതിയ തന്ത്രമൊരുക്കുകയാണ്. മതവിദ്വേഷ പ്രസംഗത്തില് പി.സി.ജോര്ജിന് മജിസ്ട്രേറ്റ് കോടതി അനുവദിച്ച ജാമ്യം റദ്ദാക്കാന് പൊലീസ് ജില്ലാ കോടതിയെ സമീപിച്ചേക്കും. ഇന്ന് തന്നെ പി.സി.ജോര്ജിന് ജാമ്യം അനുവദിച്ച മജിസ്ട്രേറ്റിന്റെ ഉത്തരവ് ലഭിക്കാന് ഡെപ്യൂട്ടി ഡയറക്ടര് ഓഫ് പ്രോസിക്യൂഷന് അപേക്ഷ നല്കും. ഉത്തരവ് പരിശോധിച്ച ശേഷമായിരിക്കും അപ്പീല് നല്കുന്ന കാര്യത്തില് ഡയറക്ടര് ജനറല് ഓഫ് പ്രോസിക്യൂഷന് തീരുമാനമെടുക്കുക.
പ്രോസിക്യൂഷനെ കേള്ക്കാതെയാണ് മജിസ്ട്രേറ്റ് ജാമ്യം നല്കിയതെന്നാണ് പൊലീസ് വാദം. ഇതുകൂടാതെ പി.സി.ജോര്ജ് ജാമ്യ ഉപാധികള് ലംഘിച്ചുവെന്നും പ്രോസിക്യൂഷന് ചൂണ്ടികാട്ടുന്നുണ്ട്. ജാമ്യമില്ലാവകുപ്പ് പ്രകാരം അറസ്റ്റ് ചെയ്ത പി.സി.ജോര്ജിന് മണിക്കൂറുകള്ക്കുള്ളില് ജാമ്യം ലഭിച്ചത് പൊലീസിന് വലിയ തിരിച്ചടിയായിരുന്നു. അതിനാല് ജാമ്യം റദ്ദാക്കാന് അപ്പീല് നല്കാന് തന്നെയാണ് സാധ്യത.
വിശദമായ വിവരങ്ങള് മേല്ക്കോടതിയെ അറിയിച്ച് ജാമ്യം റദ്ദാക്കുനുള്ള നടപടികള് സ്വീകരിക്കാന് സിറ്റി പൊലീസ് കമ്മീഷണര്ക്ക് ഡിജിപിയും നിര്ദ്ദേശം നല്കിയിട്ടുണ്ട്. അതിനാല് ജാമ്യം നല്കിയ ഉത്തരവ് പരിശോധിച്ച ശേഷം ഇന്നു തന്നെ അപ്പീല് കാര്യത്തില് തീരുമാനമുണ്ടാകും
മത വിദ്വേഷ പ്രസംഗം നടത്തിയെന്ന പരാതിയില് പൊലീസ് അറസ്റ്റ് ചെയ്ത പിസി ജോര്ജിന് ഉപാധികളോടെയാണ് കഴിഞ്ഞ ദിവസം ജാമ്യം ലഭിച്ചത്. മതവിദ്വേഷ പരാമര്ശങ്ങള് നടത്തരുത്, സാക്ഷികളെ സ്വാധീനിക്കരുത് തുടങ്ങിയ ഉപാധികളോടെയാണ് കോടതി ജാമ്യം അനുവദിച്ചത്. അന്വേഷണ ഉദ്യോഗസ്ഥന് ആവശ്യപ്പെട്ടാല് ഹാജരാകണമെന്നും കോടതി ആവശ്യപ്പെട്ടു. വഞ്ചിയൂര് ജുഡീഷ്യല് മജിസ്ട്രേറ്റ് കോടതിയാണ് ജാമ്യം നല്കിയത്.
പിസി ജോര്ജിന് ജാമ്യം നല്കരുതെന്ന് പ്രോസിക്യൂഷന് വാദിച്ചെങ്കിലും ഉപാധികളോടെ ജാമ്യം അനുവദിക്കുകയായിരുന്നു. ഞായറാഴ്ച രാവിലെയാണ് കേസില് പി സി ജോര്ജിനെ അറസ്റ്റ് ചെയ്തത്. പുലര്ച്ചെ ഇരാറ്റുപേട്ടയിലെ വീട്ടിലെത്തിയ തിരുവനന്തപുരം ഫോര്ട്ട് പൊലീസ് പി സി ജോര്ജ്ജിനെ കസ്റ്റഡിയിലെടുത്ത ശേഷം തിരുവനന്തപുരം എആര് ക്യാമ്പിലെത്തിച്ച് അറസ്റ്റ് രേഖപ്പെടുത്തുകയായിരുന്നു.
വെള്ളിയാഴ്ച അനന്തപുരി ഹിന്ദുമഹാ സമ്മേളത്തിലെ വിദ്വേഷ പ്രസംഗത്തിലാണ് മുന് എംഎല്എ പി സി ജോര്ജിനെ പൊലീസ് അറസ്റ്റ് ചെയ്തത്. ഉത്തരേന്ത്യയിലെ ചില തീവ്ര നിലപാടുള്ള നേതാക്കളെ പോലും കടത്തിവെട്ടും വിധത്തിലുള്ള ജോര്ജിന്റെ പ്രസംഗം വന് വിവാദത്തിലായിരുന്നു. ജോര്ജിന്റെ പ്രസംഗത്തിലെ പരമാര്ശങ്ങള്ക്കെതിരെ യൂത്ത് ലീഗും ഡിവൈഎഫ്ഐയും പൊലീസില് പരാതി നല്കിയി.
ശനിയാഴ്ച രാത്രി ഫോര്ട്ട് പൊലീസ് രജിസ്റ്റര് ചെയ്ത കേസിന്റെ തുടര്ച്ചയായിരുന്നു ഞായറാഴ്ച തിരാവിലെയുള്ള അപ്രതീക്ഷിത പൊലീസ് നീക്കം. മുന്കൂര് ജാമ്യത്തിനുള്ള അവസരം നല്കാതെ അതിവേഗം അറസ്റ്റിലേക്ക് നീങ്ങാന് സര്ക്കാരില് നിന്നും പൊലീസിന് നിര്ദ്ദേശമുണ്ടായിരുന്നു. ജോര്ജിനെ സ്വന്തം വാഹനത്തില് വരാന് പൊലീസ് അനുവദിച്ചു. ഒപ്പം വന് പൊലീസ് സംഘവുമുണ്ടായിരുന്നു. പത്തുമണി കഴിഞ്ഞതോടെ ജോര്ജിനെ എആര് ക്യാമ്പിലെത്തിച്ചു. പ്രാഥമികമായ ചോദ്യം ചെയ്യലിന് ശഷം അറസ്റ്റ് രേഖപ്പെടുത്തി. 7 വര്ഷം വരെ ശിക്ഷ ലഭിക്കുന്നതായിരുന്നു വകുപ്പ്. എന്നാല് പിസി ഈസിയായി ജാമ്യം നേടി പുറത്തു വന്നു. ഇനി പിസിയെ അകത്തിടുക പ്രയാസമാണ്.
"
https://www.facebook.com/Malayalivartha
