ചരിത്രശില ചവിട്ടി പൊട്ടിച്ചു വെറും മൂന്നുചവിട്ടുകൊണ്ട്; വിനോദസഞ്ചാരിയെ പോലീസ് തിരയുന്നു
ചരിത്രസ്മാരകങ്ങളും സന്ദര്‍ശിക്കുന്നത് വിനോദസഞ്ചാരികള്‍ക്ക് ഏറ്റവും ഇഷ്ട്ടപ്പെട്ട ഒരുകാര്യമാണ് അവിടെ എത്തിയതിന്റെ തെളിവുകള്‍ അവശേഷിപ്പിക്കണമെന്ന് മോഹമുള്ളവരാണ് പലരും. ചരിത്രസ്മാരകങ്ങളില്‍ സ്വന്തം പേരും വിലാസവും എഴുതിവച്ചാണ് ഇവര്‍ പലപ്പോഴും മടങ്ങാറ്. ഇത്തരക്കാരുടെ എണ്ണം കൂടിവരുന്നത് ഓര്‍ മിപ്പിക്കുന്നതാണ് ഇന്ത്യയിലെ മിക്ക പുരാവസ്തുചരിത്ര സ്മാരകങ്ങളും.
അതില്‍നിന്നും ഏറെ വ്യത്യസ്തമായി ചൈനയിലെ ചരിത്രസ്മാരകത്തിലെ 1000 വര്‍ഷം പഴക്കമുള്ള ചുണ്ണാമ്പ്ശില തകര്‍ത്ത വിനോദസഞ്ചാരിക്കെതിരേയുള്ള രോഷപ്രകടനങ്ങള്‍ സാമൂഹികമാധ്യമങ്ങളില്‍ നിറയുകയാണ്. തിങ്കളാഴ്ച ഗ്വയിഷു പ്രവിശ്യയിലെ സെങാടോയിലെ ചരിത്രസ്മാരകത്തിലാണ് സംഭവം.
മറ്റ് സഞ്ചാരികള്‍ നോക്കിനില്‍ക്കേ മൂന്ന് ചവിട്ടുകൊണ്ട് ഇയാള്‍ ആയിരംവര്‍ഷം പഴക്കമുള്ള ചുണ്ണാമ്പുശില തകര്‍ക്കുകയായിരുന്നു. സ്ഥലത്തെ സുരക്ഷാക്യാമറയിലാണ് ഈ രംഗങ്ങള്‍ പതിഞ്ഞത്. ശില തകര്‍ ത്തശേഷമുള്ള ഇയാളുടെ ആഹ്‌ളാദപ്രകടനവും വീഡിയോയില്‍ വ്യക്തമായി കാണാം. ക്യാമറയിലെ ദൃശ്യങ്ങള്‍ ഉപയോഗിച്ച് പ്രതിയെ കണ്ടെത്താനുള്ള ശ്രമത്തിലാണ് പോലീസ്. നിയമനടപടിക്കൊപ്പം വന്‍തുക പിഴയും അടയ്‌ക്കേണ്ട കുറ്റമാണ് ഇയാള്‍ ചെയ്തിരിക്കുന്നതെന്ന് അധികൃതര്‍ പറഞ്ഞു.
https://www.facebook.com/Malayalivartha
