കണ്ണൂർ കോടതി വളപ്പിൽ പൊട്ടിത്തെറി, പരിശോധന നടത്തി ബോംബ് സ്ക്വാഡും ഡോഗ് സ്ക്വാഡും
കണ്ണൂർ കോടതി വളപ്പിൽ മാലിന്യം കത്തിക്കുന്നതിനിടെ പൊട്ടിത്തെറിയുണ്ടായി.സ്ഥലത്ത് ബോംബ് സ്ക്വാഡും ഡോഗ് സ്ക്വാഡും പരിശോധന നടത്തി. സംഭവത്തിൽ അസ്വാഭാവികതയൊന്നും കണ്ടെത്തിയിട്ടില്ലെന്നാണ് പൊലീസ് അറിയിച്ചത്.
അതേസമയം എകെജി സെന്ററിന് നേരെയുള്ള ബോംബാക്രമണത്തില് പൊലീസ് പ്രതികൾക്കായി അന്വേഷണം തുടരുകയാണ്. കന്റോണ്മെന്റ് സിഐ ഷാഫിയുടെ നേതൃത്വത്തിലാണ് അന്വേഷണം.കഴിഞ്ഞ ദിവസം രാത്രി 11.24ന് ഡിയോ സ്കൂട്ടറിലെത്തിയ യുവാവാണ് എകെജി സെന്ററിന് നേരെ ബോംബെറിഞ്ഞത്.
പൊലീസുകാര് നില്ക്കുന്ന പ്രധാന കവാടം ഒഴിവാക്കി കവാടത്തിന്റെ വശത്തുള്ള എകെജി സെന്ററിന്റെ പ്രധാന ഗെയ്റ്റിന് മുന്നിലേക്കായിരുന്നു ബോംബേറ്.സ്കൂട്ടറിലെത്തിയ അക്രമി ആക്രമണത്തിന് ശേഷം കുന്നുകുഴി ഭാഗത്തേക്ക് വണ്ടിയോടിച്ച് പോയതായും സിസിടിവി ദൃശ്യങ്ങള് വ്യക്തമാകുന്നു.
സംഭവ സ്ഥലത്ത് ഫോറന്സിക് പരിശോധന നടക്കുകയാണ്. പത്രത്തില് പൊതിഞ്ഞ നൂലില് കെട്ടിയ സ്ഫോടകവസ്തുവിന്റെ അവശിഷ്ടങ്ങള് പൊലീസ് സംഘം കണ്ടെത്തി.ഡോഗ് സ്ക്വാഡും ഫോറന്സിക് സംഘവും പ്രദേശത്ത് പരിശോധന നടത്തി. പൊലീസ് കുന്നുകുഴി പ്രദേശത്തെ സിസിടിവി ദൃശ്യങ്ങളും പരിശോധിച്ചുവരികയാണ്.
https://www.facebook.com/Malayalivartha