കരച്ചിലടക്കാനാവാതെ വീട്ടുകാര്..... നിയന്ത്രണം വിട്ട കാര് ദേശീയപാതയ്ക്കരികില് നിന്നവര്ക്കിടയിലേക്ക് ഇടിച്ചുകയറി ഏഴു വയസ്സുകാരി്ക്കും പിതൃസഹോദരിക്കും ദാരുണാന്ത്യം
കരച്ചിലടക്കാനാവാതെ വീട്ടുകാര്..... നിയന്ത്രണം വിട്ട കാര് ദേശീയപാതയ്ക്കരികില് നിന്നവര്ക്കിടയിലേക്ക് ഇടിച്ചുകയറി ഏഴു വയസ്സുകാരി്ക്കും പിതൃസഹോദരിക്കും ദാരുണാന്ത്യം.
ചാരുംമൂട് പുതുപ്പള്ളികുന്നം പാലവിള കിഴക്കേതില് സുനിലിന്റെയും ജാസ്മിന്റെയും മകള് നസ്രിയ (7), സുനിലിന്റെ സഹോദരിയും ചാരുംമൂട് പുതുപ്പള്ളികുന്നം തടത്തിവിള തെക്കേതില്(നജീബ് മന്സില്) താഹയുടെ ഭാര്യയുമായ മിനിത (37) എന്നിവരാണ് ദാരുണമായി മരിച്ചത്.
പുറക്കാട് പുന്തലയ്ക്ക് സമീപത്തായി ഇന്നലെ വൈകിട്ട് നാലോടെയാണ് അപകടം നടന്നത്. സുനിലിന്റെയും മിനിതയുടെയും മാതാപിതാക്കളായ അബ്ദുല് അസീസ് (68), നബീസ (64) എന്നിവരെക്കൂടാതെ നൂറനാട് മാമൂട് അന്ഷാദ് മന്സിലില് ജലാലുദീന് (45), ഭാര്യ സുനിത (42) എന്നിവരെയും പരുക്കുകളോടെ മെഡിക്കല് കോളജ് ആശുപത്രിയില് പ്രവേശിപ്പിച്ചു. നസ്രിയയും മിനിതയും ആശുപത്രിയില് ചികിത്സയ്ക്കിടെയാണ് മരണമടഞ്ഞത്.
കുത്തിയതോട്ടില് ബന്ധുവിന്റെ വിവാഹത്തില് പങ്കെടുത്ത് മടങ്ങിയതാണ് ഇവര്. വാഹനം റോഡരികില് നിര്ത്തി പുന്തലയ്ക്ക് സമീപം കടല്ത്തീരത്ത് പോയ ശേഷം തിരികെ വാഹനത്തിലേക്കു മടങ്ങുമ്പോള് അമിത വേഗത്തിലെത്തിയ കാര് ഇവരെ ഇടിച്ചു തെറിപ്പിച്ചു. ഇവര് നിന്ന ഭാഗത്തിന് അല്പം അകലെനിന്ന് കാര് റോഡരികിലേക്ക് ഇറങ്ങിയിരുന്നു. മിനിതയുടെ ഷാള് കാറിന്റെ മുന് ഭാഗത്ത് കുടുങ്ങി. പിന്നീട് മിനിത തെറിച്ച് റോഡരികിലെ കുറ്റിക്കാട്ടില് വീണു.
നസ്രിയയുടെ ദേഹത്തും കാര് ഇടിച്ചു കയറി. സമീപത്തെ വൈദ്യുത പോസ്റ്റ് ചുവടോടെ ഇളക്കി മുന്നോട്ടു പോയ കാര് സമീപത്തെ വീടിന്റെ മതിലില് ഇടിച്ചാണ് നിന്നത്. ഓടിക്കൂടിയ നാട്ടുകാരാണ് പരുക്കേറ്റവരെ ആശുപത്രിയിലെത്തിച്ചത്.
മിനിതയുടെ മക്കള്: നജീബ്, ഫര്ഹാന. ചാരുംമൂട് സെന്റ് മേരീസ് എല്പി സ്കൂളിലെ രണ്ടാം ക്ലാസ് വിദ്യാര്ഥിയാണ് നസ്രിയ. സഹോദരി: നസ്രിന്. കാര് ഓടിച്ചിരുന്ന പാലക്കാട് കഞ്ചിക്കോട് സ്വദേശി അബ്ദുല് റഷീദിനെ (50) അമ്പലപ്പുഴ പൊലീസ് കസ്റ്റഡിയിലെടുത്തു.
"
https://www.facebook.com/Malayalivartha
