കൊഴുപ്പിക്കാന് നോക്കിയതാ സാറെ... വയനാട് എംപിയ്ക്ക് വല്ലപ്പോഴും സന്ദര്ശിക്കാനുള്ള സ്ഥലമല്ല വയനാട്; രാഹുല് ഗാന്ധിയുടെ വയനാട് ഓഫീസ് ആക്രമിച്ച തക്കം നോക്കി കൊഴുപ്പിക്കാന് നോക്കിയ കോണ്ഗ്രസുകാര് അറസ്റ്റില്; ഗാന്ധിചിത്രം തകര്ത്തത് കോണ്ഗ്രസുകാരെന്ന വാര്ത്ത വന്നതോടെ ദേശീയതലത്തില് നാണം കെട്ട് കോണ്ഗ്രസ്
കോണ്ഗ്രസുകാര് അടുത്തകാലത്ത് ഏറ്റവുമധികം സ്കോര് ചെയ്ത സംഭവമാണ് വയനാട്ടില് രാഹുല് ഗാന്ധിയുടെ ഓഫീസ് എസ്എഫ്ഐക്കാര് ആക്രമിച്ചത്. അതില് പരമാവധി മുതലെടുപ്പ് നടത്തിയപ്പോള് രംഗം കൊഴുപ്പിക്കാന് നോക്കിയതിനാണ് ഇപ്പോള് രാഹുല് ഗാന്ധി പോലും നാണം കെടുന്നത്. ആക്രമണ ശേഷം ഗാന്ധിജി ചിത്രം ചാനലുകളില് കണ്ടതാണ്. എന്നാല് ആരുടെയോ ഇടപെടല് കാരണം രംഗം കൊഴുപ്പിക്കാന് നോക്കിയതാണ് പണി പാളിയത്.
വയനാട് കല്പറ്റയിലെ രാഹുല്ഗാന്ധി എംപിയുടെ ഓഫിസിലെ ഗാന്ധി ചിത്രം തകര്ത്ത സംഭവത്തില് എംപിയുടെ പിഎ ഉള്പ്പടെ നാല് കോണ്ഗ്രസ് പ്രവര്ത്തകരാണ് അറസ്റ്റിലായത്. രാഹുല് ഗാന്ധി എം പിയുടെ ഓഫിസിലെ പേഴ്സണല് അസിസ്റ്റ് രതീഷ് കുമാര്, ഓഫിസ് സ്റ്റാഫ് രാഹുല് എസ്ആര്, കോണ്ഗ്രസ് പ്രവര്ത്തകരായ നൗഷാദ്, മുജീബ് എന്നിവരെയാണ് ചോദ്യം ചെയ്യലിന് ശേഷം അറസ്റ്റ് ചെയ്തത്. ഇവര്ക്കെതിരെ ജാമ്യം ലഭിക്കുന്ന വകുപ്പുകളാണ് ചുമത്തിയിരിക്കുന്നത്. ഇന്ന് തന്നെ ഇവരെ സ്റ്റേഷന് ജാമ്യത്തില് വിട്ടയക്കും.
അതസമയം രാഹുല് ഗാന്ധിയുടെ ഓഫീസിലെ ഗാന്ധി ചിത്രം തകര്ത്ത കേസില് കോണ്ഗ്രസ് പ്രവര്ത്തകരെ അറസ്റ്റ് ചെയ്തതില് പ്രതിഷേധിച്ച് വയനാട് ജില്ലയിലെ വിവിധയിടങ്ങളില് ഇന്ന് പ്രതിഷേധ പ്രകടനം സംഘടിപ്പിക്കും. മണ്ഡലം കോണ്ഗ്രസ് കമ്മിറ്റികളുടെ നേതൃത്വത്തിലാണ് പ്രതിഷേധം. പുതിയ സംഘത്തെ രൂപീകരിച്ച് വീണ്ടും അന്വേഷണം നടത്തണമെന്നാണ് കോണ്ഗ്രസ് ആവശ്യം.
ഇത് അംഗീകരിച്ചില്ലെങ്കില് നിയമ നടപടികളിലേക്കും എസ്പി ഓഫീസിലേക്ക് മാര്ച്ച് നടത്താനുമാണ് തീരുമാനം. കഴിഞ്ഞ ദിവസമാണ് എസ്എഫ്ഐ പ്രതിഷേധത്തിനിടെ ഗാന്ധി ചിത്രം തകര്ന്ന കേസില് രാഹുല് ഗാന്ധിയുടെ ഓഫീസ് സ്റ്റാഫ് ഉള്പ്പടെ അറസ്റ്റിലായത്.
ഇതിനിടെ പ്രതിപക്ഷ നേതാവ് വിഡി സതീശന് ഇന്ന് വയനാട്ടിലെത്തും. ജില്ലാ നേതൃയോഗത്തില് വിഷയം ചര്ച്ചയാകും. രാഹുല്ഗാന്ധിയുടെ കല്പറ്റയിലെ ഓഫിസ് ആക്രമണക്കേസില് കോണ്ഗ്രസ് പ്രവര്ത്തകരെ പ്രതിക്കൂട്ടിലാക്കി എസ് പിയുടെ റിപ്പോര്ട്ട് നേരത്തെ പുറത്തുവന്നിരുന്നു. ഓഫിസിലെ മഹാത്മാ ഗാന്ധിയുടെ ചിത്രം തകര്ത്തത് എസ് എഫ് ഐ പ്രവര്ത്തകരല്ലെന്നായിരുന്നു റിപ്പോര്ട്ട്. പൊലീസ് ഫോട്ടോഗ്രാഫറുടെ ഫോട്ടോയും മൊഴിയും അടിസ്ഥാനമാക്കിയായിരുന്നു എസ്പി റിപ്പോര്ട്ട് തയാറാക്കിയത്.
തെളിവായി ഫോട്ടോകളും റിപ്പോര്ട്ടിനൊപ്പം ഹാജരാക്കിയിട്ടുണ്ട്. എസ് എഫ് ഐ പ്രവര്ത്തകര് കസേരയില് വാഴ വയ്ക്കുന്ന സമയത്ത് ഗാന്ധി ചിത്രം ചുമരിലുണ്ടായിരുന്നു. അതിനുശേഷം ചിത്രം ആദ്യം തറയില് കാണുന്നത് കമഴ്ത്തിയിട്ട നിലയിലാണെന്നും റിപ്പോര്ട്ടില് പറയുന്നുണ്ട്. എംപി ഓഫിസിലെ എസ് എഫ് ഐ ആക്രമണത്തിന് ശേഷം ഗാന്ധി ചിത്രം എസ് എഫ് ഐ പ്രവര്ത്തകര് നശിപ്പിച്ചു എന്നായിരുന്നു ഉയര്ന്ന ആരോപണം.
പൊലീസിന്റെ റിപ്പോര്ട്ട് പുറത്തുവന്നതോടെ കോണ്ഗ്രസ് പ്രവര്ത്തകര് ആരോപണ മുനയിലാവുകയുമായിരുന്നു. എം പി ഓഫിസ് ആക്രമണ ദൃശ്യങ്ങള് പകര്ത്താന് അവിടെ ഉണ്ടായിരുന്ന പൊലീസ് ഫോട്ടോഗ്രാഫറുടെ മൊഴിയും ദൃശ്യങ്ങളും ആണ് പ്രധാന തെളിവായത്.
അതിനിടെ കോണ്ഗ്രസ് പ്രവര്ത്തകരും രാഹുലിന്റെ സ്റ്റാഫും ഗാന്ധി ചിത്രം തകര്ത്തതിന്റെ പേരില് അറസ്റ്റിലായത് ദേശീയ തലത്തില് കോണ്ഗ്രസിന് നാണക്കേടായി. ഗാന്ധിയെ മനസാ കൊണ്ടുനടക്കുന്നവരായ കോണ്ഗ്രസുകാര് തന്നെ ഈ പണി ചെയ്തല്ലോ എന്നാണ് രാഹുലിന്റെ ദു:ഖം.
"
https://www.facebook.com/Malayalivartha
