ഓണനാളുകളിലെ പൂജകൾക്കായി ശബരിമല ശ്രീധർമ്മശാസ്താ ക്ഷേത്ര നട ഇന്ന് തുറക്കും. വൈകിട്ട് 5 മണിക്കാണ് നട തുറക്കുന്നത്. തുടർന്ന് ഉദയാസ്തമയപൂജ, അഷ്ടാഭിഷേകം, കലശാഭിഷേകം, കളഭാഭിഷേകം, പടി പൂജ, പുഷ്പാഭിഷേകം എന്നിവ നട തുറന്നിരിക്കുന്ന ദിവസങ്ങളിൽ നടക്കും.

അതേസമയം ക്ഷേത്ര ദർശനത്തിനായി ഭക്തർ ദർശനത്തിനായി വെർച്വൽ ക്യൂ സംവിധാനം ഉപയോഗിക്കണം. ഇതിനായി നിലയ്‌ക്കലിൽ ഭക്തർക്കായി സ്‌പോട്ട് ബുക്കിംഗ് കൗണ്ടറുകളും ഒരുക്കിയിട്ടുണ്ട്.

ഇതിനൊപ്പം തന്നെ ഭക്തർക്കായി ഉത്രാടം മുതൽ ചതയം വരെ ഓണ സദ്യയും ഒരുക്കാനാണ് തീരുമാനം. സെപ്റ്റംബർ 10 ശനിയാഴ്ച രാത്രി 10 ന് ഹരിവരാസനം പാടി നട അടയ്‌ക്കും.