മുൻ ആരോഗ്യ മന്ത്രി കെ കെ ശൈലജ മാഗ്‌സസെ അവാർഡ് നിരസിച്ചിരുന്നു. ഈ വിഷയം വലിയ വിവാദമായിരുന്നു. ഇപ്പോൾ ഇതാ ഈ വിഷയത്തിൽ മുഖ്യമന്ത്രിയെയും കെ കെ ശൈലജയെയും വിമർശിച്ച് സന്ദീപ് ജി വാര്യർ രംഗത്ത് വന്നിരിക്കുകയാണ്. അവാർഡിന്റെ പൊളിറ്റിക്കൽ കറക്ട്നെസ്സ് അമേരിക്കയുടെ കാര്യം വന്നപ്പോൾ നോക്കാത്തതെന്തേ എന്ന വിമർശനമാണ് ഉന്നയിച്ചിരിക്കുന്നത്.

കഴി‌ഞ്ഞ തിരഞ്ഞെടുപ്പിന് മുമ്പ് അമേരിക്കയിലെ വൈറോളജി ഇൻസ്റ്റിറ്റ്യൂട്ട് സന്ദർശിച്ചപ്പോൾ ലഭിച്ച മൊമന്റോ ഏറ്റവും വലിയ അംഗീകാരമായി കരുതിയിരുന്നു. ആ കാര്യം ചൂണ്ടിക്കാണിച്ച് ആണ് സന്ദീപ് വിമർശനമുന്നയിച്ചിരിക്കുന്നത്. അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

ചെഗുവേരയുടെ കൊലപാതകം മുതൽ ഇഎംഎസ്‌ സർക്കാരിനെ പിരിച്ചു വിട്ടതിൽ വരെ റോളുള്ള, ലോകത്തിലെ സകല കമ്മ്യൂണിസ്റ്റ് ഭരണകൂടങ്ങളെയും വേരോടെ പിഴുതെറിഞ്ഞ ചരിത്രമുള്ള അമേരിക്കയിൽ പോയി നിപ്പ വൈറസിനെ പ്രതിരോധിച്ച തള്ളും പറഞ്ഞ് ഈ പിഞ്ഞാണമൊപ്പിച്ചപ്പോൾ പാർട്ടിയിൽ നിന്ന് പെർമിഷൻ വാങ്ങിയിരുന്നോ സഖാവേ ? അവാർഡിന്റെ പൊളിറ്റിക്കൽ കറക്ട്നെസ്സ് അമേരിക്കയുടെ കാര്യം വന്നപ്പോൾ നോക്കാത്തതെന്തേ ?