ഭർതൃ വീട്ടിൽ തൂങ്ങി മരിച്ച് ഇരുപത്തിനാലുകാരി. കരിവള്ളൂരിലാണ് ഈ സംഭവം നടന്നിരിക്കുന്നത്. കഴിഞ്ഞ ദിവസമായിരുന്നു ഈ സംഭവം നടന്നത്. ഭർതൃവീട്ടിലെ പീഡനം മൂലമാണ് സൂര്യ ജീവനൊടുക്കിയതെന്ന ആരോപണവുമായി ബന്ധുക്കളും രംഗത്ത് വന്നു. ഭർത്താവ് രാഗേഷും അമ്മയും ചേർന്ന് യുവതിയെ നിരന്തരം പീഡിപ്പിച്ചിരുന്നുവെന്ന് ബന്ധുക്കൾ ആരോപിച്ചു.

കഴിഞ്ഞ വർഷമായിരുന്നു രാഗേഷിന്റെയും സൂര്യയുടെയും വിവാഹം നടന്നത്. എട്ട് മാസം പ്രായമുള്ള മകനും ഭർത്താവ് രാഗേഷും അമ്മയും മാത്രമായിരുന്നു സൂര്യയ്ക്കൊപ്പം വീട്ടിലുണ്ടായിരുന്നത്. സ്വന്തം വീട്ടുകാരോട് സൂര്യ ഭർതൃ വീട്ടുകാരെ കുറിച്ച് പരാതി പറഞ്ഞിരുന്നു. തുടർന്ന് ബന്ധുക്കൾ ഇടപെട്ടു. ഇനി ഇത്തരത്തിലുള്ള പെരുമാറ്റം ഉണ്ടാകില്ലെന്ന് രാഗേഷ് ഉറപ്പു നൽകുകയും ചെയ്തു.

എന്നാൽ സൂര്യയുടെ കുടുംബം നൽകിയ പരാതിയിൽ രാഗേഷിനും അമ്മയ്ക്കുമെതിരെ പയ്യന്നൂർ പൊലീസ് കേസെടുക്കുന്ന സാഹചര്യം വരെ ഉണ്ടായിട്ടുണ്ട്. എല്ലാറ്റിനുമൊടുവിലാണ് ഇപ്പോൾ ഇരുപത്തിനാലുകാരി ഭർതൃ വീട്ടിൽ തന്നെ തൂങ്ങി മരിച്ച നിലയിൽ കണ്ടെത്തിയിരിക്കുന്നത്.