യാത്രക്കാരുടെ ശ്രദ്ധയ്ക്ക്..... ഓണക്കാലത്ത് വാഹനപരിശോധന കര്ശനമാക്കി മോട്ടോര് വാഹനവകുപ്പ്..... അപകടനിരക്ക് കുറയ്ക്കുക ലക്ഷ്യം, പൊലീസ് എല്ലാ സ്റ്റേഷന് പരിധിയിലും മൂന്നിലധികം സ്ക്വാഡുകളുടെ നേതൃത്വത്തില് പരിശോധന , മോട്ടോര് വാഹന വകുപ്പിന്റെ 11സ്ക്വാഡുകളാണ് ജില്ലയില് അവധി ദിവസങ്ങളിലും പരിശോധന നടത്തുക
യാത്രക്കാരുടെ ശ്രദ്ധയ്ക്ക്..... ഓണക്കാലത്ത് വാഹനപരിശോധന കര്ശനമാക്കി മോട്ടോര് വാഹനവകുപ്പ്..... അപകടനിരക്ക് കുറയ്ക്കുക ലക്ഷ്യം, പൊലീസ് എല്ലാ സ്റ്റേഷന് പരിധിയിലും മൂന്നിലധികം സ്ക്വാഡുകളുടെ നേതൃത്വത്തില് പരിശോധന , മോട്ടോര് വാഹന വകുപ്പിന്റെ 11സ്ക്വാഡുകളാണ് ജില്ലയില് അവധി ദിവസങ്ങളിലും പരിശോധന നടത്തുക.
അമിത വേഗം, ഹെല്മെറ്റ്, ലൈസന്സ്, സീറ്റ് ബെല്റ്റ്, ഇന്ഷ്വറന്സ്, ടാക്സ്, പെര്മിറ്റ് എന്നിവയ്ക്കാണ് പിഴ ചുമത്തുന്നത്. മുന് വര്ഷത്തേക്കാള് അപകടനിരക്ക് കുറയ്ക്കുകയാണ് ലക്ഷ്യം.
ഹൈവേ പൊലീസ് ദേശീയപാതയിലും ഗ്രാമീണ റോഡുകളിലും പരിശോധന ശക്തമാക്കി. പൊലീസ് ഇന്റര് സെപ്ടര് വാഹനങ്ങളും വാഹന പരിശോധനക്ക് സജ്ജമായി.ജോയിന്റ് ആര്.ടി.ഒമാരും എന്ഫോഴ്സ്മെന്റുമാണ് രംഗത്തുള്ളത്. എന്ഫോഴ്സ്മെന്റിന്റെ അഞ്ചുമാസത്തെ അവലോകനത്തില് പിഴ ചുമത്തുന്നതില് സംസ്ഥാനത്തെ രണ്ടാമത്തെ ജില്ലയാണ് ആലപ്പുഴ.
കഴിഞ്ഞ ഏപ്രില് ഒന്നുമുതല് ആഗസ്റ്റ് 31വരെ വാഹന പരിശോധനയില് 1798 കേസുകളിലായി ഒന്നരക്കോടിയോളം രൂപ പിഴ ഈടാക്കിയാണ് ജില്ല സ്ഥാനത്ത് എത്തിയത്.ഓണക്കാലത്ത് അവധിയില്ലാതെതന്നെ ടീമുകള് പരിശോധനയില് സജീവമാകും. വ്യാജ നമ്പര് പ്ളേറ്റുകള് ഉപയോഗിച്ച് ബൈക്കുകളില് പായുന്ന യുവാക്കളാണ് കുടുങ്ങുന്നവരില് കൂടുതലും.
വ്യാജ നമ്പര് പ്ലേറ്റുകളും നിയമാനുസൃതമല്ലാതെ ഫാന്സി സ്റ്റിക്കര് നമ്പര് പ്ലേറ്റുകള് ഘടിപ്പിക്കുന്ന വാഹനങ്ങള്ക്കെതിരെയും നടപടി കര്ശനമാക്കിയിട്ടുണ്ട്. ജില്ലയില് ഒരു ആര്.ടി.ഒ ഓഫീസും ആറ് സബ് ആര്.ടി ഓഫീസുകളുമാണുള്ളത്. പുറമേ ആറ് സ്ക്വാഡും അത്രയും തന്നെ എന്ഫോഴ്സ്മെന്റ് വിഭാഗവും രംഗത്തുണ്ട്.
https://www.facebook.com/Malayalivartha
