അങ്ങനെയങ്ങ് പോകാന് വരട്ടെ..... അമിതവേഗത്തില് ഓവര്ടേക്ക് ചെയ്ത സ്വകാര്യബസിനെ ഒന്നരക്കിലോമീറ്ററോളം പിന്തുടര്ന്ന് തടഞ്ഞിട്ട് പ്രതിഷേധിച്ച് സ്കൂട്ടര് യാത്രക്കാരിയായ യുവതി
അങ്ങനെയങ്ങ് പോകാന് വരട്ടെ..... അമിതവേഗത്തില് ഓവര്ടേക്ക് ചെയ്ത സ്വകാര്യബസിനെ ഒന്നരക്കിലോമീറ്ററോളം പിന്തുടര്ന്ന് തടഞ്ഞിട്ട് പ്രതിഷേധിച്ച് സ്കൂട്ടര് യാത്രക്കാരിയായ യുവതി.
പാലക്കാട് ഗുരുവായൂര് റൂട്ടില് ഓടുന്ന സ്വകാര്യബസ് കൂറ്റനാട് ചാലിശേരിയിലൂടെ ഇന്നലെ രാവിലെ പോകുമ്പോഴാണ് മരണപ്പാച്ചില് നടത്തിയത് .ചാലിശ്ശേരിക്കു സമീപമാണ് പെരുമണ്ണൂര് സ്വദേശി സാന്ദ്ര ബസ് തടഞ്ഞിട്ടത്. അപകടകരമായ വേഗമായിരുന്നു ബസിന്റേതെന്നും തന്നെ ഇടിച്ച മട്ടിലാണ് കടന്നുപോയതെന്നും യുവതി .
എതിരെ വന്ന ലോറിയെ കടന്നുപോകുന്നതിനിടെയാണ് ബസ് െ്രെഡവറുടെ ഭാഗത്തുനിന്ന് ഈ അതിക്രമം ഉണ്ടായത്. കടന്നു പോകാനാകില്ല എന്ന ഉറപ്പായിട്ടും ഡ്രൈവര് ഓവര്ടേക്ക് ചെയ്തതിനാല് സാന്ദ്രയ്ക്ക് സ്കൂട്ടര് റോഡരികിലെ കനാലിലേക്ക് വെട്ടിച്ച് ഇറക്കേണ്ടി വരികയുണ്ടായി.വന് അപകടത്തില് നിന്നാണ് തലനാരിഴക്ക് താന് രക്ഷപെട്ടതെന്ന് സാന്ദ്ര ആരോപിക്കുന്നു.
ബസ് തടയുമ്പോള് െ്രെഡവറുടെ ചെവിയില് ഇയര്ഫോണുണ്ടായിരുന്നു. ഇതിന്റെ വീഡിയോ ദൃശ്യങ്ങള് പുറത്തുവന്നിട്ടുണ്ട്. സംഭവത്തില് അന്വേഷണം നടത്തുമെന്ന് പാലക്കാട് ആര്.ടി.ഒ അറിയിച്ചു.
വിഷയം അന്വേഷിച്ച് നടപടി സ്വീകരിക്കാനായി പട്ടാമ്പി ജോയിന്റ് ആര്.ടി.ഒയോട് നിര്ദ്ദേശിച്ചു. ബസ് ജീവനക്കാരോട് ആര്.ടി.ഒ ഓഫീസില് ഹാജരാകാനായി ആവശ്യപ്പെട്ടു. ബസ് ജീവനക്കാരുടെ ഭാഗത്ത് തെറ്റുണ്ടെന്ന് തെളിഞ്ഞാല് നടപടിയുമായി മുന്നോട്ടു പോകാനാണ് മോട്ടോര് വാഹനവകുപ്പ് തീരുമാനിച്ചിരിക്കുന്നത്.
അതേസമയം യാത്രക്കാരുടെ ശ്രദ്ധയ്ക്ക്..... ഓണക്കാലത്ത് വാഹനപരിശോധന കര്ശനമാക്കി മോട്ടോര് വാഹനവകുപ്പ്..... അപകടനിരക്ക് കുറയ്ക്കുക ലക്ഷ്യം, പൊലീസ് എല്ലാ സ്റ്റേഷന് പരിധിയിലും മൂന്നിലധികം സ്ക്വാഡുകളുടെ നേതൃത്വത്തില് പരിശോധന , മോട്ടോര് വാഹന വകുപ്പിന്റെ 11സ്ക്വാഡുകളാണ് ജില്ലയില് അവധി ദിവസങ്ങളിലും പരിശോധന നടത്തുക.
അമിത വേഗം, ഹെല്മെറ്റ്, ലൈസന്സ്, സീറ്റ് ബെല്റ്റ്, ഇന്ഷ്വറന്സ്, ടാക്സ്, പെര്മിറ്റ് എന്നിവയ്ക്കാണ് പിഴ ചുമത്തുന്നത്. മുന് വര്ഷത്തേക്കാള് അപകടനിരക്ക് കുറയ്ക്കുകയാണ് ലക്ഷ്യം.
ഹൈവേ പൊലീസ് ദേശീയപാതയിലും ഗ്രാമീണ റോഡുകളിലും പരിശോധന ശക്തമാക്കി. പൊലീസ് ഇന്റര് സെപ്ടര് വാഹനങ്ങളും വാഹന പരിശോധനക്ക് സജ്ജമായി.ജോയിന്റ് ആര്.ടി.ഒമാരും എന്ഫോഴ്സ്മെന്റുമാണ് രംഗത്തുള്ളത്. എന്ഫോഴ്സ്മെന്റിന്റെ അഞ്ചുമാസത്തെ അവലോകനത്തില് പിഴ ചുമത്തുന്നതില് സംസ്ഥാനത്തെ രണ്ടാമത്തെ ജില്ലയാണ് ആലപ്പുഴ.
ഓണക്കാലത്ത് അവധിയില്ലാതെതന്നെ ടീമുകള് പരിശോധനയില് സജീവമാകും. വ്യാജ നമ്പര് പ്ളേറ്റുകള് ഉപയോഗിച്ച് ബൈക്കുകളില് പായുന്ന യുവാക്കളാണ് കുടുങ്ങുന്നവരില് കൂടുതലും.
വ്യാജ നമ്പര് പ്ലേറ്റുകളും നിയമാനുസൃതമല്ലാതെ ഫാന്സി സ്റ്റിക്കര് നമ്പര് പ്ലേറ്റുകള് ഘടിപ്പിക്കുന്ന വാഹനങ്ങള്ക്കെതിരെയും നടപടി കര്ശനമാക്കി .
https://www.facebook.com/Malayalivartha
