കേന്ദ്ര സര്‍ക്കാര്‍ നയങ്ങളിൽ പ്രതിഷേധിച്ചു കോൺഗ്രസ് നേതാവ് രാഹുൽ ഗാന്ധി നയിക്കുന്ന 'ഭാരത് ജോഡോ' യാത്രയ്ക്ക് ഇന്നു തുടക്കം. ഇപ്പോഴിതാ ഈ യാത്രയെ അഭിനന്ദിച്ചുകൊണ്ട് രംഗത്ത് എത്തിയിരിക്കുകയാണ് മുരളി തുമ്മാരുകുടി.

ഫേസ്ബുക്ക് കുറിപ്പ് ഇങ്ങനെ;

ഭാരത യാത്ര

രാഹുൽ ഗാന്ധി രണ്ടോ മൂന്നോ വർഷത്തിനകം ഒരു ഭാരതയാത്ര നടത്തുമെന്ന് ഞാൻ പ്രവചിച്ചത് ജൂലൈ 2019-ൽ ആണ്. ഇന്നിപ്പോൾ അത് തുടങ്ങുകയാണ്. ആശംസകൾ. ഇന്ത്യയെ മൊത്തം കണ്ടറിയാനുള്ള ഒരു അവസരമാണ് ഇത്തരം യാത്രകൾ. അതിലൊന്നിൽ കയറിപ്പറ്റണം എന്നത് എന്റെ ഒരു ആഗ്രഹമാണ്. ഇത്തവണ നടന്നില്ല. പക്ഷെ ഐഡിയ വിട്ടിട്ടുമില്ല.

എന്റെ കസിൻ Sheeba Ramachandran ഈ യാത്രയിൽ കേരളത്തിൽ നിന്നും ഫുൾ ടൈം പങ്കെടുക്കുന്ന എട്ടു പേരിൽ ഒരാളാണ്. ഏറെ സന്തോഷവും അഭിമാനവും ഉണ്ട്. എല്ലാ ആശംസകളും.
മുരളി തുമ്മാരുകുടി.