ഗവര്‍ണറുടെ പ്രസ്താവനകള്‍ അസംബന്ധം... ഗവര്‍ണര്‍ ആരിഫ് മുഹമ്മദ് ഖാനെതിരെ ആഞ്ഞടിച്ച് മുഖ്യമന്ത്രി പിണറായി വിജയന്‍.... മുഖ്യമന്ത്രിയുടെ ബന്ധുവിന് ജോലിക്ക് അപേക്ഷിക്കാന്‍ പാടില്ലെന്ന് പറയാന്‍ ഗവര്‍ണര്‍ക്ക് എന്ത് അധികാരമെന്നും പിണറായി.

ഇതില്‍പരം അസംബന്ധം വേറെയില്ല. മുഖ്യമന്ത്രിയുടെ ബന്ധുവിന് ജോലിക്ക് അപേക്ഷിക്കാന്‍ പാടില്ലെന്ന് പറയാന്‍ ഗവര്‍ണര്‍ക്ക് എന്ത് അധികാരമെന്നും പിണറായി ചോദിച്ചു.ഇരിക്കുന്ന സ്ഥാനത്തിന് അനുസരിച്ചായിരിക്കണം വര്‍ത്തമാനം പറയാനുള്ളത്.

മുഖ്യമന്ത്രിയുടെ ബന്ധു എന്നു പറയുന്നയാള്‍ ഒരു വ്യക്തിയാണ്. ആ വ്യക്തിക്ക് അവരുടേതായ സ്വാതന്ത്ര്യവും അവകാശവുമുണ്ട്. അവര്‍ക്ക് അര്‍ഹതയുണ്ടെന്ന് തോന്നുന്ന ജോലിക്ക് അപേക്ഷിക്കാവുന്നതാണ്.

ജോലിക്ക് അപേക്ഷിക്കാന്‍ മുഖ്യമന്ത്രിയുടെ അനുമതി വാങ്ങണം എന്ന് അവര്‍ ചിന്തിക്കുമോ മുഖ്യമന്ത്രിയോട് ചോദിച്ചിട്ടാണോ ബന്ധു അപേക്ഷ നല്‍കുക. നിയമനത്തില്‍ പിശകുണ്ടോ പരിശോധിച്ചോട്ടെ. തെറ്റു ചെയ്തിട്ടുണ്ടെങ്കില്‍ അവര്‍ അനുഭവിച്ചോട്ടെ. അതിന് ഞങ്ങള്‍ ആരെങ്കിലും തടസം നിന്നിട്ടുണ്ടോ മുഖ്യമന്ത്രി ചോദിച്ചു. അവരവര്‍ക്ക് എന്തെങ്കിലും ഗുണമുണ്ടായിക്കോട്ടെ എന്ന് കരുതി ഇതെല്ലാം നോക്കി നില്‍ക്കുകയായിരുന്നു. അതും ഫലിച്ച് കണ്ടില്ല ഗവര്‍ണറെ പരിഹസിച്ച് മുഖ്യമന്ത്രി പറഞ്ഞു.

സര്‍വകലാശാലകളിലെ പോസ്റ്റര്‍ പ്രചരണത്തിനെതിരെ ഗവര്‍ണര്‍ നിലപാടെടുത്തതിനെയും മുഖ്യമന്ത്രി വിമര്‍ശിച്ചു. രാജ്ഭവനില്‍ പോസ്റ്റര്‍ ഒട്ടിക്കാന്‍ എത്തുമ്പോള്‍ മാത്രം തടഞ്ഞാല്‍ മതിയെന്നും ഗവര്‍ണര്‍ക്ക് മറുപടിയായി മുഖ്യമന്ത്രി .