പ്ലസ് വൺ വിദ്യാർഥിയെ സീനിയർ വിദ്യാർഥികൾ റാഗിങ്ങിന് ഇരയാക്കി. കാസർകോട് കുമ്പളയിൽ അംഗടിമുഗർ ഗവ ഹയർ സെക്കൻഡറി സ്കൂളിലെ വിദ്യാർഥിയാണ് റാഗിങ്ങിനിരയായതായി പരാതി നൽകിയത്.

അതേസമയം വിദ്യാർഥിയുടെ പരാതിയിന്മേൽ കുമ്പള പൊലീസ് അന്വേഷണം ആരംഭിച്ചു. ഇക്കഴിഞ്ഞ ചൊവ്വാഴ്ച വൈകിട്ടോടെ സ്കൂൾ വിട്ട് വീട്ടിലേക്ക് മടങ്ങാൻ ബസ് സ്റ്റോപ്പിൽ എത്തിയപ്പോഴാണ് സീനിയർ വിദ്യാർഥികൾ റാ​ഗ് ചെയ്തത്. മാത്രമല്ല ബസ് സ്റ്റോപ്പിൽ തടഞ്ഞുവെച്ച് പ്ലസ് വൺ വിദ്യാർഥിയെ റാ​ഗ് ചെയ്യുന്ന വിഡിയോ ദൃശ്യങ്ങളും പുറത്തുവന്നിട്ടുണ്ട്.

ഇവിടെ വെച്ച് സാങ്കൽപ്പികമായി മോട്ടർ സൈക്കിൾ ഓടിക്കാൻ ആവശ്യപ്പെട്ടായിരുന്നു റാ​ഗിങ്. പക്ഷേ കുട്ടി വിസമതിച്ചതോടെ മുഖത്തടിക്കുമെന്ന് ഭീഷണിപ്പെടുത്തി. സംഭവത്തെ തുടർന്ന് ഇരു കൂട്ടരെയും പൊലീസ് സ്റ്റേഷനിലേക്ക് വിളിച്ചു വരുത്തിയിരുന്നു. തുടർന്ന് റാ​ഗ് ചെയ്ത വിദ്യാർഥികൾക്കെതിരെ സ്കൂളിന്റെ ഭാഗത്തു നിന്നും ഉടൻ നടപടിയുണ്ടാകും.