അന്തരിച്ച മുന്‍ സിപിഎം സംസ്ഥാന സെക്രട്ടറിയും പോളിറ്റ്ബ്യൂറോ അംഗവുമായ കോടിയേരി ബാലകൃഷ്ണനെ അപമാനിച്ച് സമൂഹ മാധ്യമങ്ങളിൽ പോസ്റ്റിട്ട അധ്യാപികക്കെതിരെ കേസെടുത്തു. കൂത്തുപറമ്പ് ഹയർ സെക്കൻഡറി സ്കൂൾ അധ്യാപിക ഗിരിജയ്‌ക്കെതിരെയാണ് കേസ്. സംഭവത്തിൽ കൂത്തുപറമ്പ് പോലീസാണ് കേസെടുത്തത്.

ഇതിനു പിന്നീട് ഗിരിജയുടെ താമസ സ്ഥലമായ എടച്ചേരി പോലീസിന് കേസ് കൈമാറി. ഒരു അധ്യാപികയായിരുന്നിട്ടും ഇത്തരത്തിൽ പ്രവർത്തർത്തിച്ച ഗിരിജയെ നിരവധിപേർ സമൂഹ മാധ്യമം വഴി വിമർശിച്ചിരുന്നു. മാത്രമല്ല നേരത്തെ രണ്ടുപേർക്കെതിരെ ഇത്തരത്തിൽ കേസ് എടുത്ത് നിയമ നടപടി സ്വീകരിച്ചിരുന്നു.

കോടിയേരിയെ അപമാനിച്ച് ഫെയ്സ്ബുക്കില്‍ പോസ്റ്റിട്ട ചിതറ സബ് രജിസ്ട്രാര്‍ ഓഫീസിലെ ഹെഡ് ക്ലര്‍ക്ക് സന്തോഷ് രവീന്ദ്രനെയും കോൺഗ്രസ് നേതാവ് മുല്ലപ്പള്ളി രാമചന്ദ്രന്റെ മുൻ ഗൺമാന്‍ ഉറൂബിനെയും ആണ് കഴിഞ്ഞ ദിവസം സര്‍വീസില്‍നിന്ന് സസ്‌പെന്‍ഡ് ചെയ്തത്. ഇതിൽ സന്തോഷ് രവീന്ദ്രനെതിരെ ശാസ്താംകോട്ട പൊലീസ് കേസെടുത്തിട്ടുണ്ട്.