കണ്ണൂരില് മാകരായുധങ്ങള് ഉപേക്ഷിച്ച നിലയില്; പോപ്പുലര് ഫ്രണ്ടിന്റേതെന്ന് സംശയം
വിളക്കോട് മുഴക്കുന്ന് പഞ്ചായത്തിലെ ചാക്കാടുനിന്നു വടിവാളുകള് ഉള്പ്പെടെ നിരവധി മാരകായുധങ്ങള് കണ്ടെടുത്തു. പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തില് ചൊവ്വാഴ്ച വൈകിട്ട് നടത്തിയ പരിശോധനയിലാണ് സ്വകാര്യ വ്യക്തിയുടെ പറമ്പിനടുത്തുള്ള ഓവുചാലില് ഒളിപ്പിച്ചുവച്ച നിലയില് മാരകായുധങ്ങള് കണ്ടെത്തിയത്.
ഏഴു വടിവാളുകള്, കൈമഴു, പിച്ചാത്തി, നഞ്ചക്ക് തുടങ്ങിയ ആയുധങ്ങളാണ് പിടികൂടിയത്. ചാക്കില് കെട്ടി സൂക്ഷിച്ച നിലയിലായിരുന്നു ആയുധങ്ങള്. മുഴക്കുന്ന് എസ്ഐ ഷിബു, എസ്ഐ നാസര് പൊയിലന്, എഎസ്ഐ രാജ് നവാസ് എന്നിവരുടെ നേതൃത്വത്തിലുള്ള പൊലീസ് സംഘമാണ് ആയുധങ്ങള് കസ്റ്റഡിയില് എടുത്തത്. അന്വേഷണം ആരംഭിച്ചു. ഈ ആയുധങ്ങള്ക്ക് പോപ്പുലര് ഫ്രണ്ടുമായി ബന്ധമുണ്ടെന്നാണ് സംശയം. റെയ്ഡ് മയന്ന് ഉപേക്ഷിച്ചതാകാം എന്നാണ് വിലയിരുത്തല്
അതേസമയം പോപ്പുലര് ഫ്രണ്ട് ഓള് ഇന്ത്യ നേതാവിനെ സംസ്ഥാന വൈദ്യുതി വകുപ്പ് ജോലിയില് നിന്നും പിരിച്ചുവിട്ടു. പിഎഫ്ഐ ചെയര്മാന് ഓവുങ്കല് മുഹമ്മദ് അബ്ദുല് സലാം എന്ന ഒ.എം.എ സലാമിനെയാണ് കെ.എസ്.ഇ.ബി സര്വ്വീസില് നിന്ന് പിരിച്ചുവിട്ടത്. രാജ്യവ്യാപകമായി പിഎഫ്ഐ നിരോധിക്കപ്പെട്ട സാഹചര്യത്തിലാണ് നടപടി എത്തിയത്. മാസങ്ങളായി സലാം സസ്പെന്ഷനിലായിരുന്നു.
പോപ്പുലര് ഫ്രണ്ടില് പ്രവര്ത്തിക്കുന്നതുമായി ബന്ധപ്പെട്ട് അനുമതിയില്ലാതെ വിദേശയാത്ര നടത്തിയതും സര്വ്വീസ് ചട്ടം ലംഘിച്ചതും ഉള്പ്പടെയുള്ള കാരണങ്ങളാല് 2020 ഡിസംബര് 14 മുതല് സലാം സസ്പെന്ഷനിലായിരുന്നു. രാജ്യവ്യാപകമായി നടന്ന റെയ്ഡിനോട് അനുബന്ധിച്ച് സലാമിനെ അറസ്റ്റു ചെയ്തിരുന്നു. നിലവില് എന്ഐഎ കസ്റ്റഡിയിലാണ് സലാം. സലാമിനെതിരെ വിജിലന്സ് അന്വേഷണവും നടന്നുവരികയായിരുന്നു. സര്വ്വീസില് നിന്ന് പിരിച്ചുവിടാനുള്ള നടപടികളുടെ ഭാഗമായി ഈ വര്ഷം ഓഗസ്റ്റില് സലാമിന് ഷോകോസ് നോട്ടീസ് നല്കിയിരുന്നു. ഇതിനെതിരെ സലാം ഹൈക്കോടതിയെ സമീപിച്ചുവെങ്കിലും വിധി അനുകൂലമായില്ല. സെപ്തംബര് 30നാണ് സലാമിനെ ജോലിയില് നിന്നും പിരിച്ചു വിട്ടത്. മഞ്ചേരിയിലെ റീജണല് ഓഡിറ്റ് ഓഫീസിലെ സീനിയര് ഓഡിറ്റ് ഓഫീസര് ആയിരുന്നു സലാം.
കെഎസ്ഇബിയില് ഉദ്യോഗസ്ഥാനായിരിക്കെ പോപ്പുലര് ഫ്രണ്ടിന് വേണ്ടി സര്വ്വീസ് ചട്ടം ലംഘിച്ച് പ്രവര്ത്തനങ്ങള് നടത്തിയ പോപ്പുലര് ഫ്രണ്ട്ചെയര്മാനായിരുന്ന ഒ.എം.എ. സലാമിന് രണ്ട് പാസ്പോര്ട്ടുകള് ഉണ്ടായിരുന്നതായി കണ്ടെത്തല്. ഇതില് പുറത്തുകാണിക്കാത്ത ഇ9354435 നമ്പറിലുള്ള രണ്ടാമത്തെ പാസ്പോര്ട്ട് വിജിലന്സ് ഓഫീസിന് മുന്പില് ഹാജരാക്കിയിട്ടില്ല. ഒരു സര്ക്കാര് ഉദ്യോഗസ്ഥന് വിദേശ യാത്ര നടത്തണമെങ്കില് സര്ക്കാര് വകുപ്പിന്റെ അനുമതി വാങ്ങണം. ഇത് വാങ്ങാതെ പല തവണ സലാം വിദേശരാജ്യങ്ങള് സന്ദര്ശിച്ചത് ഗുരുതരമായ ചട്ടലംഘനമാണെന്ന് കെഎസ്ഇബി പറയുന്നു. ബാങ്ക് അക്കൗണ്ടുമായി ബന്ധപ്പെട്ട ഇടപാടുകള് പരിശോധിക്കാന് അന്വേഷണ ഉദ്യോഗസ്ഥരോട് സലാം സഹകരിച്ചിട്ടില്ലെന്ന പരാതിയും നിലനില്ക്കുന്നു.
https://www.facebook.com/Malayalivartha
