ആയിരക്കണക്കിന് പ്രവര്ത്തകരെ പങ്കെടുപ്പിച്ച് മഹാറാലി, പ്രചരണത്തിന് മുന്നിട്ടിറങ്ങാൻ പ്രിയങ്ക ഗാന്ധി, 14ന് കോണ്ഗ്രസ് പ്രചരണം ആരംഭിക്കും, ഹിമാചലിലെ തെരഞ്ഞെടുപ്പ് പ്രചരണം പ്രിയങ്ക ഗാന്ധിയുടെ മേല്നോട്ടത്തിൽ...!
ഹിമാചല് പ്രദേശ് നിയമസഭ തെരഞ്ഞെടുപ്പിന് മുന്നോടിയായി നടക്കുന്ന പ്രചരണം പരിപാടികൾ എഐസിസി ജനറല് സെക്രട്ടറി പ്രിയങ്ക ഗാന്ധിയുടെ മേല്നോട്ടത്തിലായിരിക്കും. കോണ്ഗ്രസ് മുന് അദ്ധ്യക്ഷന് രാഹുല് ഗാന്ധി ഭാരത് ജോഡോ യാത്ര നയിക്കുന്നതിനാലാണ് പ്രിയങ്ക ഇതിനായി മുന്നിട്ടിറങ്ങിയത്.
ആയിരക്കണക്കിന് പ്രവര്ത്തകരെ പങ്കെടുപ്പിച്ച് കൊണ്ട് സംഘടിപ്പിക്കുന്ന മഹാറാലിയോടെയാണ് കോണ്ഗ്രസ് പ്രചരണം ആരംഭിക്കുന്നത്. പരിവര്ത്തന് പ്രഗതിയ മഹാ റാലി'യെന്ന പേരിൽ ഒക്ടോബര് 14ന് സോളനിലാണ് മഹാറാലി നടക്കുന്നത്. പ്രിയങ്ക ഗാന്ധി ആദ്യമായാണ് ഹിമാചല് പ്രദേശില് പൊതുയോഗത്തെ അഭിസംബോധന ചെയ്യുന്നത്.
സംസ്ഥാനത്തെ കോണ്ഗ്രസ് അതികായനായിരുന്ന വീര്ഭദ്ര സിങ് ഇല്ലാത്ത ആദ്യ തെരഞ്ഞെടുപ്പാണ് നടക്കാന് പോവുന്നത്. അധികാരത്തിലേക്ക് തിരിച്ചെത്താന് കഴിയുമെന്നാണ് സംസ്ഥാനത്തെ കോണ്ഗ്രസ് നേതൃത്വം കരുതുന്നത്.
https://www.facebook.com/Malayalivartha
