തിരുവല്ലം ദുരഭിമാനക്കൊല... തിരുവല്ലത്ത് 40 ദിവസം പ്രായമുള്ള പെണ്കുഞ്ഞിനെ ഭര്ത്താവ് ആറ്റിലെറിഞ്ഞു കൊന്ന കേസ്... പിതാവ് ഉണ്ണികൃഷ്ണന് തലസ്ഥാന വിചാരണ കോടതി കുറ്റപത്രം നല്കി
തിരുവല്ലം പാച്ചല്ലൂരില് പട്ടിക ജാതിക്കാരിയായ ഭാര്യയില് ജനിച്ച 40 ദിവസം പ്രായമുള്ള പെണ്കുഞ്ഞിനെ മേല് ജാതിക്കാരനായ ഭര്ത്താവ് ആറ്റിലെറിഞ്ഞ് കൊലപ്പെടുത്തിയ തിരുവല്ലം ദുരഭിമാന കൊലക്കേസില് പ്രതിയായ പിതാവ് ഉണ്ണിയെന്ന ഉണ്ണികൃഷ്ണന് തലസ്ഥാന വിചാരണ കോടതി കുറ്റപത്രം നല്കി.
വിചാരണ കോടതിയായ തിരുവനന്തപുരം പ്രിന്സിപ്പല് ജില്ലാ സെഷന്സ് കോടതി ജഡ്ജി പി.വി. ബാലകൃഷ്ണനാണ് പ്രതിക്ക് കുറ്റപത്രം നല്കിയത്.
ഇന്ത്യന് ശിക്ഷാ നിയമത്തിലെ 302 ( കൊലപാതകം ) , പട്ടികജാതി പട്ടികവര്ഗ്ഗ അതിക്രമം തടയല് നിയമത്തിലെ 3 (2) (വി) എന്നീ വകുപ്പുകള് ചുമത്തിയുള്ള കുറ്റപത്രമാണ് പ്രതിക്ക് നല്കിയത്. 2020 സെപ്റ്റംബര് 25 നാണ് നാടിനെ നടുക്കിയ ദാരുണ സംഭവം നടന്നത്. നൂല് കെട്ടു ദിവസം നെടുമങ്ങാട് നിന്നും കുഞ്ഞിനെ ബന്ധുക്കളെ കാണിച്ചിട്ടു കൊണ്ടുവരാമെന്ന് ഭാര്യയെ വിശ്വസിപ്പിച്ച് ബാസ്ക്കറ്റില് ഒളിപ്പിച്ച് രാത്രി 7.30 മണിക്ക് മാലിന്യം കളയുന്നുവെന്ന വ്യാജേന തിരുവല്ലം ആറ്റില് എറിഞ്ഞു കൊന്നുവെന്നാണ് കേസ്.
25 ന് രാത്രി കുഞ്ഞിനെ ആറ്റിലെറിഞ്ഞ ശേഷം വീട്ടിലേക്ക് വരവെയാണ് ഇയാള് തിരുവല്ലം പൊലീസ് കസ്റ്റഡിയിലായത്. കുഞ്ഞിനെയും ഭര്ത്താവിനെയും വൈകിയും കാണാത്തതിനാല് കുഞ്ഞിന്റെ അമ്മ പോലീസില് പരാതിപ്പെടുകയായിരുന്നു.
ഇരുവരും തമ്മില് കുടുംബ പ്രശ്നം ഉണ്ടായിരുന്നു. കുഞ്ഞിന്റെ മാതാവ് പട്ടികജാതിയില്പ്പെട്ട യുവതിയും പിതാവ് മേല് ജാതിയില് പെട്ടയാളുമാണ്. കുഞ്ഞിന്റെ നൂലുകെട്ട് ദിവസമായിരുന്നു കൊലപാതകം നടന്നത്.
നെടുമങ്ങാട്ടെ അമ്മയുടെ വീട്ടില് നിന്ന് കുഞ്ഞിനെ തിരുവല്ലത്തേക്ക് കൊണ്ടുവന്നാണ് ഉണ്ണിക്കൃഷ്ണന് ക്രൂരകൃത്യം നടത്തിയത്. നൂലുകെട്ടിന് ശേഷം ബന്ധുക്കളെ കാണിക്കാനാണെന്ന് പറഞ്ഞാണ് പിതാവ് കുഞ്ഞിനെ മാത്രം തിരുവല്ലത്തേക്ക് കൊണ്ടുവന്നത്.
"
https://www.facebook.com/Malayalivartha